E kʼi winaq che paneʼ kʼo kikojonem kkibʼij che ri pixabʼ che kuya ri Biblia chrij ri relaciones sexuales y ri kʼulanem kʼo ta chi upatan. Ri e kojonem kikʼexom ri kubʼij ri Biblia y kkikʼut ta chi ri qastzij chrij ri utz y ri utz taj are kkibʼan ri kkaj e areʼ. Rumal laʼ, ¿la kʼo ta chi upatan ri Biblia kimik? Je taj. Chqilampeʼ jasche kqabʼij wariʼ.

 Rajawaxik che ri Dios kukʼam qabʼe, jeriʼ kqetaʼmaj ri utz y ri utz taj. Are je waʼ xubʼan ri Dios che qabʼanik. Ri Biblia kubʼij: «Ri winaq man pa uqʼabʼ taj kʼo wi ri ukʼaslemal, chi man kʼo ta utaqanik puwiʼ ri ubʼinem» (Jeremías 10:23). Paneʼ ri Jehová a xojubʼano rech kojkunik kqachaʼ ri kqaj kqabʼano, are kʼu kojkun taj kqetaʼmaj jas riʼ ri utz y ri utz taj. Rumal laʼ ri Dios kraj che kqakubʼsaj qakʼuʼx chrij (Proverbios 3:5).

 Ri upixabʼ ri Dios e kʼo pa ri Biblia. Chqilampeʼ kebʼ rumal che kqabʼij che sibʼalaj nim kibʼanik.

•   Are ri Dios xojbʼanowik (Salmo 100:3). Ri areʼ retaʼm ri kajwataj chqe rech kqariq kikotemal y rech kojyawaj taj. Xuqujeʼ retaʼm ri kqakʼulmaj we kojniman ta che (Gálatas 6:7). Ri Jehová are kraj ri utzilal chqe. Rumal laʼ ri Biblia kubʼij wariʼ: «In ri Ajawaxel ri aDios ri kinkʼut chawach jachike ri utz chawe, in kinkʼam abʼe pa ri bʼe ri rajawaxik kataqej» (Isaías 48:17).

•   Ri qanimaʼ kojusubʼu. E kʼi winaq kkichomaj che utz ri kkibʼano are chiʼ kkibʼan ri kkichomaj ri e areʼ. Are kʼu ri Biblia kubʼij: «Man kʼo ta jun jasach kʼolik ri sibʼalaj ta subʼunel na xuqujeʼ sibʼalaj ta etzeletajinaq na jachaʼ ri animaʼaj aj winaq» (Jeremías 17:9). Are kʼu we kqabʼan ta ri kubʼij ri utzij ri Dios, weneʼ kqabʼan jun jastaq che kuya bʼis chqe (Proverbios 28:26; Eclesiastés 10:2).

 Utz taj. Ri Biblia kubʼij ri qastzij chrij ri Dios y kubʼij ri kraj ri areʼ che kqabʼano (1 Corintios 6:9-11; Gálatas 5:19-23). Ri Dios kraj che ri winaq kketaʼmaj ri qastzij (1 Timoteo 2:3, 4). Rumal laʼ ri kʼamal taq bʼe re ri e kojonem rajawaxik kkikʼut ri qastzij chrij ri Dios chke ri winaq (Tito 1:7-9).

 E kʼi winaq kkaj taj kkibʼan ri kubʼij ri Biblia, rumal laʼ kkitzukuj jun kojonem che kubʼij chke ri «kkaj kkito» (2 Timoteo 4:3). Are kʼu ri Biblia kubʼij wariʼ: «¡Toqʼobʼ iwach ix ri kibʼij utz che ri man utz taj, man utz ta kixchaʼ kʼu che ri utz!» (Isaías 5:20). Ri Dios kukʼajisaj na kiwach ri kʼamal taq bʼe re ri e kojonem rumal che kkikʼut ta ri qastzij chkiwach ri winaq.

 Kubʼan taj. Ri winaq che kkaj keniman che ri Dios, kkesaj uwach ri Jesús y kkibʼan ri ktaqan wi. Y ri Jesús xubʼij chke ri utijoxelabʼ che kkiqʼat ta tzij pa kiwiʼ ri nikʼaj chik xaneʼ kekiloqʼoqʼej y nim kekil wi (Mateo 5:43, 44; 7:1).

 Ri e terneʼl re ri Jesús rajawaxik kkibʼan pa kikʼaslemal ri kubʼij ri Dios. Are kʼu kekitaqchij ta ri nikʼaj chik we man je kkibʼano (Mateo 10:14). Ri Jesús xubʼij ta chke che kkikoj ri política o nikʼaj chik rech kekitaqchij ri winaq rech keniman che ri Dios (Juan 17:14, 16; 18:36).

 Are chiʼ kqakoj qachuqʼabʼ che unimaxik ri kubʼij ri Dios pa ri Biblia, kqariq kikotemal kimik y pa ri petinaq (Salmo 19:8, 11). Jujun chke ri utzilal che kqariqo are wariʼ:

•   Kqariq kikotemal (Proverbios 29:6).

•   Kkʼojiʼ jun utz qachilanik rukʼ ri Dios (Proverbios 3:32).

•   Ri Dios kojutoʼo are chiʼ kqariq kʼax (Proverbios 11:8).

•   Kqariq jun kʼaslemal che kʼo ta ukʼisik cho ri uwach Ulew (Salmo 37:29).