«Ri pwaq che kkoj pa ronojel ri uwach Ulew xaq kebʼ kraj kubʼij pa uwiʼ», xcha ri presidente re ri Grupo del Banco Mundial pa jun informe pa ri junio 2022. «Pa taq ri qaqʼij qas ta nim chi kok wi ri pwaq kʼolik y nojimal tajin kpaqiʼ más rajil ri jastaq».

 «Ri rajil ri gasolina y ri jastaq ktijowik sibʼalaj aninaq xpaqiʼk, sibʼalaj tajin kubʼan kʼax chke ri alaj taq tinamit pa taq ri países che qas ta kʼo nim pwaq kchʼakik», xcha ri Fondo Monetario Internacional.

 Ri Biblia kojutoʼ che uchʼobʼik jasche kqariq kʼax rumal che sibʼalaj xpaqiʼ rajil ri jastaq y nim ta chi kkoj wi ri pwaq, jas kqabʼano rech kojbʼison ta rumal ri tajin kkʼulmatajik y jas kbʼan na che usukʼumaxik wariʼ.

•   Ri Biblia kubʼij «ri kʼisbʼal taq qʼijol» che ri tiempo che oj kʼo wi (2 Timoteo 3:1).

•   Ri Jesús xubʼij che keʼilitaj «jastaq xibʼibʼal» pa ri tiempo che oj kʼo wi (Lucas 21:11). Ri e winaq sibʼalaj kixiʼm kibʼ rumal che xpaqiʼ rajil ri jastaq, keʼok il chrij ri kkʼulmataj na pa ri petinaq y we kekunik kkiya ri kajwataj chke ri kifamilia.

•   Ri wuj re Apocalipsis xuya kan ubʼixik che sibʼalaj kpaqiʼ rajil ri jastaq pa taq ri qaqʼij. «Xinta jun jasach che kjunamataj rukʼ jun chabʼal. [...] Kubʼij: ‹Jun litro triko o oxibʼ cuarto re jun litro cebada chuwach ri kchʼak pa jun qʼij chak›» (Apocalipsis 6:6, Traducción en lenguaje actual

  ).

 Rech kawetaʼmaj más chrij «ri kʼisbʼal taq qʼijol» y ri xyaʼ kan ubʼixik pa ri Biblia pa ri wuj re Apocalipsis, chawilaʼ ri video Pa 1914 xkʼextaj ri uwach Ulew y chasikʼij uwach ri kʼutunem ¿Qué representan los jinetes del Apocalipsis?

•   «Ri winaq kkiyak na kachoch kekʼojiʼ kʼu na chupam, kekitik na uva kekiyak kʼu na ri kiwach. Man kkʼulmataj ta na waʼ chi jun winaq kuyak jun ja jun ta chi kʼu wi ri kkʼojiʼ chupam, o chi jun winaq kutik uwach ri rulew jun ta chi kʼu wi ri kyakow ri uwachinik ri tikoʼn» (Isaías 65:21, 22).

•   «¡Mat chkʼis ri triko pa ri ulew; sibʼalaj ta chwachin pa kiwiʼ taq ri juyubʼ!» (Salmo 72:16).

•   «Are waʼ ubʼim ri Ajawaxel [Jehová]: ‹Chke ri mebʼayibʼ xuqujeʼ ri man kʼo ta kichuqʼabʼ kbʼan paqʼalenik chke xuqujeʼ kbʼan chke chi kkiriq kʼaxkʼolil. Rumal riʼ kamik kinwalijik [...], keʼenyaʼ kʼu chke ri sibʼalaj kirayim uloq[›]» (Salmo12:5). a

 Xa pa kebʼ oxibʼ qʼij, ri Dios kusukʼumaj na ronojel taq ri jastaq pa ronojel ri uwach Ulew. Rech kawetaʼmaj jas kubʼan na che ubʼanik, chasikʼij uwach ri kʼutunem «¿Es realista esperar un sistema económico justo?»

 Xuqujeʼ kimik, ri Biblia kuya tobʼanik chawe rech katkunik utz ukojik ri pwaq kabʼano paneʼ paqal rajil ri jastaq. ¿Jas kubʼan che atoʼik? Kuya anojibʼal rech utz kabʼan che ukojik ri pwaq (Proverbios 23:4, 5; Eclesiastés 7:12) Rech kawetaʼmaj más chrij wariʼ, chasikʼij kiwach ri e kʼutunem «Cuide su economía» y «Cómo vivir con menos».