Are chiʼ kqasikʼij ri Biblia, utz we kqanikʼoj más ri kraj kubʼij rech kqetaʼmaj más chrij ri kqasikʼij uwach. Are kʼu kqabʼan taj xaq rumal che kqaj kqanojisaj ri qachomanik che kʼi etaʼmanik. Kqabʼano rumal che kqaj kqetaʼmaj más chrij ri jeʼlalaj taq ubʼantajik ri Jehová y je wariʼ kqaloqʼoqʼej más. Rech kojkunik kqabʼano, chojchoman chrij wariʼ: «¿Jas kukʼut wajun texto riʼ chnuwach chrij ri Jehová?».

Kojkunik kqatzukuj más chrij ri kuya ubʼixik chkij ri e ubʼantajik ri Jehová che nim kibʼanik: junam rukʼ ri uloqʼoqʼebʼal, ri unojibʼal, ri usukʼilal y ri uchuqʼabʼ. Are kʼu ri Jehová kʼo kʼi jeʼlalaj taq ubʼantajik. ¿Jawchiʼ kqariq wi información chrij ri ubʼantajik ri Jehová?

Kariq weneʼ más che 50 ubʼantajik ri Jehová pa ri Índice de las publicaciones Watch Tower. Chapitzʼaʼ ri kubʼij wi «Jehová» tekʼuriʼ chapitzʼaʼ pa ri subtítulo «Cualidades por nombre». Chatzukuj ri bʼantajik che kawaj kawetaʼmaj más chrij y chasikʼij (we xaq xiw katkunik kawil ri Guía de estudio para los testigos de Jehová, chapitzʼaʼ ri kubʼij wi «Jehová» tekʼuriʼ chapitzʼaʼ ri subtítulo «Cualidades de Jehová»).