¿La knaʼtaj chwe ri qilom kan pa ri wuj Ri Chajinel 2019?

¿Jas kqabʼan kimik rech kqachʼij ri kʼax kbʼan chqe pa ri petinaq?

Rajawaxik kqanimarisaj ri qachilanik rukʼ ri Jehová, qas chqakojoʼ che kojuloqʼoqʼej xuqujeʼ che kojuya ta kanoq, chqasikʼij uwach ri Biblia rojonel taq qʼij xuqujeʼ amaqʼel chqabʼanaʼ qachʼawem. Qas chqakojoʼ che ri tewchibʼal che kuya ri uQʼatbʼal tzij ri Dios qastzij kebʼan taj na xuqujeʼ chqakʼoloʼ pa qajolom utz taq pixabʼ xuqujeʼ e bʼixonem che utz kqilo (w19.07, uxaq 2-4).

¿Jas kqabʼan che kitoʼik ri qafamiliares rech kekolotaj kanoq?

Chqanaʼ ri kkinaʼ ri e nikʼaj chik, chqakʼutuʼ utz taq bʼantajik rech kuya jun utz kʼutbʼal chke, chqakʼutuʼ paciencia xuqujeʼ chqabʼanaʼ utzilal chke (w19.08, uxaq 15-17).

Junam rukʼ ri kutzujuj Mateo 11:28, ¿jas uxlanem kuya ri Jesús?

E kʼo kʼamal bʼe che qas kojkiloqʼoqʼej, e kʼo utz taq achilanik che ubʼanik ri chak xuqujeʼ jun utzalaj chak yaʼom chqe (w19.09, uxaq 23).

¿Jas kubʼan ri Dios che uyaʼik ri rayinik chqe xuqujeʼ ri chuqʼabʼ rech kqabʼan ri chak? (Filip. 2:13).

Are chiʼ kqasikʼij ri Biblia xuqujeʼ chiʼ kojchoman chrij, ri Dios kuya ri rayinik pa qanimaʼ rech kqabʼan ri urayibʼal xuqujeʼ kuya qachuqʼabʼ rech kqabʼan ri chak. Ri uxlabʼixel kuya qachuqʼabʼ rech kojkun che ubʼanik ri e jastaq (w19.10, uxaq 21).

¿Jas rajawaxik kqabʼano are chiʼ majaʼ kqachaʼ ubʼanik jun jastaq nim ubʼanik?

Jobʼ jastaq: kqatzukuj kʼi información, kqataʼ qanojibʼal che ri Dios, kojchoman chrij ri rumal che kqachaʼ ubʼanik jun jastaq, qas qetaʼm ri kqaj kqabʼano xuqujeʼ kqabʼan jastaq che qas kojkun che ubʼanik (w19.11, e uxaq 27-29).

Ri chomanik che kkam ta ri animaʼ, ¿la xel loq are chiʼ Satanás xtzijon rukʼ ri Eva?

Jeʼ taj. Ri Satanás xubʼij taj che xaq xiw kkam ri ucuerpo. Xaneʼ xubʼij che, che kkam taj. Ri kikʼutunik ri e qastzij taj kojonem xsachisax uwach are chiʼ xpe ri nimalaj jabʼ. Weneʼ ri chomanik che kkam ta ri animaʼ kʼo chik are chiʼ majaʼ kjach kiwach ri e winaq rumal ri Dios are chiʼ tajin kkiyak ri nimalaj ja pa Babel (w19.12, uxaq 15).