¿La knaʼtaj chawe ri awilom kan pa ri wuj Ri Chajinel? Chawilaʼ we katkunik kaya urespuestas ri preguntas riʼ:

¿Jas kqabʼan che kilik ri e chaʼom?

Nim kqil ri kikojonik, are kʼu más ta nim keqil chkiwach ri e nikʼaj chik. Kqaya ta kiqʼij, paneʼ e chaʼom (Jud. 16). Kqataʼ ta chke jas xbʼan che kisikʼixik rech kebʼe pa ri kaj (w20.01, uxaq 29).

¿Jasche qetaʼm che ri Jehová qas kuchʼobʼ qawach pa qajujunal?

Ri Biblia kukʼutu che Jehová retaʼm chi qawach are chiʼ majaʼ kojalaxik y kutatabʼej ri chʼawem kqabʼan che. Xuqujeʼ retaʼm ri kʼo pa ri qanimaʼ y ri tajin kqachomaj. Xuqujeʼ, ri kqabʼano kubʼan che ri Jehová che kkikotik o kbʼisonik (1 Crón. 28:9; Prov. 27:11). Y oj usikʼim rech kojqebʼ rukʼ (w20.02, uxaq 12).

¿Jampaʼ rajawaxik kojchʼawik y jampaʼ rajawaxik kojchʼaw taj?

Kojkikotik kojchʼaw chrij ri Jehová. Xuqujeʼ rajawaxik kojchʼawik are chiʼ kqil jun qachalal che weneʼ kubʼan jun mak. Ri e kʼamal bʼe kekipixbʼej ri e qachalal are chiʼ kajwatajik. Kqabʼan ta preguntas ni kqaya ubʼixik ri kbʼan che ubʼanik ri qachak che ri Dios pa ri territorios che qʼatem wi uwach. Kojchʼaw ta chrij jastaq che yaʼtal taj ketaʼmaxik (w20.03, uxaq 20 y 21).

¿Jas kejunamataj ta wi ri e sakʼ kubʼij pa ri capítulo 2 re Joel rukʼ ri kubʼij pa ri capítulo 9 re Apocalipsis?

Joel 2:20-29 kubʼij che ri Dios naj keʼukʼam wi bʼi ri e sakʼ y che kusukʼumaj na ri kʼax xkibʼano. Are chiʼ kʼulmatajinaq chi wariʼ ri Dios kuya lo ri ruxlabʼixel pa kiwiʼ ri e sakʼ. Wariʼ xkʼulmatajik are chi ri babilonios xeʼok rukʼ chuqʼabʼ pa Israel y xkʼulmataj chi pa jun tiempo. Apocalipsis 9:1-11 kchʼaw chkij ri upatanelabʼ ri Dios kimik che e uchaʼom, rumal che e areʼ kejunamataj kukʼ ri sakʼ rumal che rukʼ kowil kʼuxaj kkiya ubʼixik ri uqʼatoj tzij ri Dios pa kiwiʼ ri itzel taq winaq, che e kʼi chke utz ta kkilo (w20.04, uxaq 3-6).

¿Jachin ri qʼatal tzij re ri norte pa ri kʼisbʼal taq qʼij?

Rusia y ri ketobʼan rukʼ. Tajin kkibʼan kʼax che ri utinamit ri Dios are chiʼ kkiqʼatej uwach ri utzijoxik ri utzij ri Dios y chiʼ kekiterenej rukʼ itzelal ri Testigos. Ri qʼatal tzij re ri norte chʼojinaq rukʼ ri qʼatal tzij re ri sur (w20.05, uxaq 13).

¿La kʼo pa Gálatas 5:22, 23 ronojel «ri uwachinik ri uxlabʼixel»?

Kʼo taj. Ri uxlabʼixel xuqujeʼ kojutoʼ che ukʼutik nikʼaj chi bʼantajik, junam rukʼ ri sukʼilal (Efes. 5:8, 9) (w20.06, uxaq 17).

¿Jas kʼax weneʼ kuya chqe y chke nikʼaj chik are chiʼ kqaya qafotos, videos o comentarios pa ri redes sociales?

Rukʼ ri kqaya pa ri redes sociales weneʼ kqakʼutu che xa kqabʼan nim che qibʼ (w20.07, uxaq 6 y 7).

¿Jas kqetaʼmaj chkij ri e utz taq chapal kar?

Ri e utz taq chapal kar kechakun pa ri hora y ri lugar jawiʼ keriqitaj wi más kar. Qas ketaʼm kkikoj ri kichakubʼal. Kechakun rukʼ ukowil kikʼuʼx apastaneʼ ubʼanik ri tiempo. Oj kojkunik jeʼ kqabʼan che utzijoxik ri utzij ri Dios (w20.09, uxaq 5).

¿Jas kqabʼan che kitoʼik ri tijoxelabʼ rech kkiloqʼoqʼej más ri Jehová?

Kojkunik kqabʼij chke che kkisikʼij ri Biblia ronojel qʼij, keqatoʼo rech kechoman chrij ri kkisikʼij y kqakʼut ubʼanik chʼawem chkiwach (w20.11, uxaq 4). 

¿Jachin chkij xchʼaw wi ri Pablo are chiʼ xubʼij «konojel kkiriq na ri kʼaslemal rukʼ ri Cristo»? (1 Cor. 15:22).

Ri apóstol Pablo tajin ta kchʼaw chkij konojel ri e winaq che kekʼastajik. Are chiʼ xubʼij «konojel» xchʼaw chkij ri «kkiriq na ri kʼaslemal rukʼ ri Cristo», kraj kubʼij ri e chaʼom kebʼe pa ri kaj (1 Cor. 1:2; 15:18) (w20.12, uxaq 5 y 6).

¿Jas kekibʼanaʼ pa ri kaj ri cristianos ri «pa jun aninaqil, pa jun jaqow baqʼwachaj» kekʼastajik, are chiʼ koqʼesax ri kʼisbʼal trompeta? (1 Cor. 15:51-53).

Kkitoʼ na ri Jesús che uyaʼik taqanik pa kiwiʼ ri tinamit rukʼ bʼaraʼ re hierro (Apoc. 2:26, 27) (w20.12, uxaq 12 y 13).