Jun qachalal re Nueva Zelanda xril jun video ubʼiʼ Preocupémonos unos por otros, che kchʼaw chrij che ri Jehová xaq xiw ta kunaʼ toqʼobʼisal wachaj xaneʼ kukʼut rukʼ ronojel ri kubʼano (Is. 63:7-9). Wariʼ xtobʼan che rech xutzukuj jun winaq che kajwataj tobʼanik che. Pa riʼ ri qʼij are chiʼ xuloqʼo lo jastaq rech, xuriq jun ixoq che kʼo ta rachoch y xuloqʼ kan jastaq rech kutijo y ri ixoq xukʼam ri xyaʼ kan che. Y are chiʼ ri qachalal xtzalij lo che uloqʼik ri jastaq, xutzijoj ri utzij ri Dios che ri ixoq rukʼ ri tratado ¿La kopan na jun qʼij che kʼo ta chi kʼax?

Ri ixoq xumajij oqʼej. Rumal che ri areʼ xubʼij che xkʼiy pa jun familia che e Testigos, are kʼu kʼi junabʼ uyaʼom kan upatanexik ri Jehová. Are kʼu tajin kutaʼ che ri Jehová che kutoʼo rech katzalij chi pa ri utinamit. Ri qachalal xuya jun uBiblia rech kkimajij chi jumul ri etaʼmanik. a

Junam rukʼ ri kubʼan ri Jehová che sibʼalaj kutoqʼobʼisaj wachaj, kqaj kqabʼan qe oj kukʼ ri winaq, kukʼ ri qafamilia y kukʼ ri qachalal pa ri congregación. Jun chik che kojkunik kqabʼano rech kqakʼut wajun bʼantajik are che kqatzukuj ri kqabʼan che kitoʼik ri winaq rech kqatzijoj ri utzij ri Dios chke.