¿La knaʼtaj chawe ri awilom kan pa ri wuj Ri Chajinel? Chawilaʼ we katkunik kaya urespuestas ri preguntas riʼ:

¿Jas kraj kubʼij ukʼexik ri qachomanik? (Rom. 12:2).

Xaq xiw ta rajawaxik kqakʼutu che utz tajin kqabʼan che jujun taq jastaq, xaneʼ rajawaxik kqanikʼoj ri qabʼantajik rech kqabʼan ri ktaqan wi ri Dios (w23.01, páginas 8 y 9).

¿Jas kqabʼano rech kqachomaj na ri kqabʼij are chiʼ kojchʼaw chrij ri tajin kkʼulmataj cho ri uwach Ulew?

Kqaj kqetaʼmaj ri tajin kkʼulmataj cho ri uwach Ulew, rech kqilo we tajin kbʼan ri bʼim kan pa ri profecías. Kqabʼij ta jun jastaq chke ri qachalal che kukʼex ri kichomanik, xaneʼ are kojtzijon chrij ri ubʼim ri utinamit ri Jehová (1 Cor. 1:10) (w23.02, página 16).

¿Jas kjunamataj ta wi ri uqasanjaʼ ri Jesús kukʼ ri utijoxelabʼ?

Ri Jesús junam ta qukʼ oj, rajawaxik taj xujach ukʼaslemal che ri Jehová, rumal che ri tinamit xkʼiy wi chaʼom chi rumal ri Dios. Are jun tzʼaqatalaj achi y xutaʼ ta kuybʼal umak (w23.03, página 5).

¿Jas kojkunik kqabʼano rech e kʼi kkiya kicomentarios?

Kʼi ta tzij kqabʼij are chiʼ kqabʼan qacomentarios rech kechʼaw chi ri e nikʼaj. Kojchʼaw ta chrij ronojel ri kubʼij ri párrafo rech kʼo kkibʼij chi ri nikʼaj qachalal (w23.04, página 23).

¿Jas riʼ «ri bʼe ri tastalik» che kubʼij Isaías 35:8?

Chke ri judíos, are kukʼutunisaj ri bʼe che kel bʼi pa Babilonia kopan pa Israel. ¿Y pa taq ri qaqʼij oj? Nabʼe kan chuwach ri junabʼ 1919, xmajix usukʼumaxik ri bʼe, jun kʼutbʼal xmajix ubʼanik imprimir ri Biblia y xqʼaxex pa nikʼaj chi chʼabʼal. «Ri bʼe ri tastalik» keʼukʼam bʼi «pa ri jeʼlikalaj kʼolbʼal ri kʼo wi ri Dios», y pa ri petinaq kkiriq na ri tewchibʼal che kuya na ri uQʼatbʼal tzij ri Dios (w23.05, páginas 15 kopan 19).

¿E jachin chkij kchʼaw wi ri capítulo 9 re Proverbios?

Proverbios kchʼaw chrij ri «ixoq kʼo ta unoʼj» y kubʼij che ukʼamik ri sikʼinik che kuya ri ixoq «ri man kʼo ta unoʼj» kukʼam bʼi pa «ri kamikal». Xuqujeʼ kchʼaw chrij ri ixoq che kukʼutunisaj ri qastzij nojibʼal y kubʼij che ri kkikʼam ri usikʼinik ri qastzij nojibʼal kkiriq utzilal y jun sukʼalaj kʼaslemal (Prov. 9:1, 6, 13, 18) (w23.06, páginas 22 kopan 24).

¿Jas xubʼan ri Jehová che ukʼutik che kmachʼachʼik y che xutoqʼobʼisaj uwach ri Lot?

Ri Jehová xubʼij che ri Lot che kbʼe pa ri juyubʼ. Ri Lot xubʼij che ri Jehová che kraj kbʼe pa ri tinamit Zóar, ri Jehová xuya bʼe che ri Lot kbʼe pa Zóar (w23.07, página 21).

¿Jas kubʼan jun ixoq we ri rachajil kril pornografía?

Rajawaxik knaʼtaj che che are ta ri ajmak. Utz che are kchoman chrij ri rachilanik rukʼ ri Dios, kchoman chkij ixoqibʼ che e kʼo pa ri Biblia che xkiriq kʼax y che ri Jehová xeʼutoʼo. Kkunik kutoʼ ri rachajil rech kqaj ta chi che rilik ri pornografía w23.08, páginas 14 kopan 17).

¿Jas kojutoʼ wi ri nojinik are chiʼ jun winaq kʼax kchʼaw chrij ri qakojonik?

Kojkunik kqetaʼmaj ri kuchomaj ri winaq are chiʼ kojchoman chrij ri pregunta che kubʼan chqe. Wariʼ kojutoʼo rech aninaq taj kpe qoyowal w23.09, página 17).

¿Jas kqetaʼmaj chrij ri xbʼan che uyaʼik uchuqʼabʼ ri María?

Are chiʼ ri María xretaʼmaj che kux unan ri Mesías, xutzukuj ri kitobʼanik ri nikʼaj chik. Ri ángel Gabriel y ri Elisabet xkiya uchuqʼabʼ rukʼ ri utzij ri Dios. Ri oj xuqujeʼ kyaʼ qachuqʼabʼ kumal ri qachalal (w23.10, página 15).

¿Jas kubʼan ri Jehová che utzalixik uwach ri qachʼawem?

Ri Jehová kubʼij chqe che kutatabʼej ri qachʼawem y kchoman chrij ri urayibʼal are chiʼ kutzalij uwach ri qachʼawem (Jer. 29:12). Kkunik kutzalij kiwach kʼi chʼawem che kejunamatajik y jalan ri kubʼan che utzalixik kiwach, are kʼu amaqʼel kojutoʼ na (w23.11, páginas 21 y 22).

We Romanos 5:2 kchʼaw chi chrij ri eyebʼal, ¿jasche kchʼaw chi jumul ri versículo 4 chrij?

Are chiʼ ri winaq kketaʼmaj chrij ri uTzij ri Dios, kʼo jun keyebʼal che kekʼasiʼ cho ri uwach Ulew. Are kʼu, are chiʼ kkiriq kʼax ri keyebʼal más knimarik (w23.12, páginas 12 y 13).