Ri al Mary y ri a John a are jun kʼulaj che keʼel pa jun tinamit jawiʼ keʼopan wi kʼi filipinos che utzukuxik kichak y ri e areʼ kkibʼan predicar chke ri winaq riʼ che keʼopan chilaʼ. Pa ri pandemia re COVID-19, ri al Mary xumaj uyaʼik etaʼmanik re ri Biblia xaq xim ta chke ri e winaq che keʼel chilaʼ, xaneʼ chke winaq che keʼel pa nikʼaj chik tinamit. ¿Jas xubʼan che ubʼanik wariʼ?

Ri al Mary kutaʼ chke ri tajin kuya etaʼmanik re ri Biblia chke we kkichʼobʼ uwach jun winaq che kraj kretaʼmaj ri kukʼut ri Biblia. We ri areʼ kkibʼij che kʼolik, aninaq kubʼij chke: «¿La utz kinwetaʼmaj kiwach?». Ubʼanik wajun pregunta riʼ utoʼm rech kuya etaʼmanik re ri Biblia chke e kʼi winaq. Rumal che ri winaq che kkaj kketaʼmaj más chrij ri Biblia, kkaj che ri nikʼaj chik xuqujeʼ kketaʼmaj ri tajin kkʼut chkiwach. Chqilaʼ ri xukʼulmaj ri al Mary.

Jasmin che are jun chke ri kuya ri etaʼmanik re ri Biblia che, xubʼij che che e kʼo kajibʼ winaq che kkaj kketaʼmaj chrij ri Biblia. Jun chke ubʼiʼ Kristine, utz kril ri tajin kretaʼmaj rumal laʼ xubʼij che kraj che kebʼ mul pa jun semana kyaʼ ri etaʼmanik che. Are chiʼ ri al Mary xutaʼ che ri al Kristine we kuchʼobʼ kiwach winaq che kkaj kketaʼmaj chrij ri Biblia, ri areʼ xubʼij: «Ri wamigas kkaj kketaʼmaj más chrij ri Biblia». Xa pa kebʼ oxibʼ semanas e kajibʼ ramigas xkimaj jun etaʼmanik re ri Biblia. Xuqujeʼ ri al Kristine xubʼij chi che che e ko nikʼaj chik che kkaj jun etaʼmanik re ri Biblia y jujun chke xkimaj ri etaʼmanik.

Ri al Kristine xaq xiw ta xubʼij che ri ramigas kkaj kketaʼmaj chrij ri Biblia xaneʼ xubʼij che ri al Mary che kraj che kyaʼ etaʼmanik re ri Biblia chke ri u familia che e kʼo pa Filipinas. Rumal laʼ ri al Kristine xchʼaw rukʼ ri ral ubʼiʼ Andrea, pero ri al Andrea xubʼij: «Ri testigos rech Jehová are ta ri qastzij kojonem. Kekojon ta chrij ri Jesús y xaq xiw kkikoj ri Antiguo Testamento». Pero, pa ri nabʼe etaʼmanik re ri Biblia che xyaʼ che, xrilo che qastzij ta ri kuchomaj chkij ri testigos rech Jehová. Y amaqʼel kubʼij: «We are ri Biblia kbʼinik, ¡qastzij riʼ!».

Are chiʼ xqʼax ri tiempo ri al Andrea xubʼij che ri al Mary che e kʼo kebʼ ramigas y jun rachiʼl pa ri uchak che kkaj kketaʼmaj chrij ri Biblia. Ri al Andrea kʼo jun u tía che moy, ubʼiʼ Angela, ri areʼ kutatabʼej ri etaʼmanik re ri Biblia che kyaʼ che ri al Andrea, pero ri al Mary retaʼm ta wariʼ. Xopan jun qʼij, ri al Angela xubʼij che ri al Andrea che kraj che kyaʼ etaʼmanik re ri Biblia che rumal ri al Mary. Ri al Angela sibʼalaj utz xril ri tajin kretaʼmaj. Majaʼ kqʼax jun ikʼ y retaʼm chik kʼi textos re ri Biblia ¡y xubʼij che kraj che kyaʼ kajibʼ mul pa jun semana ri etaʼmanik che! Ri al Andrea xutoʼ ri al Angela rech amaqʼel kubʼan conectar ribʼ pa ri e riqbʼal ibʼ.

 Are chiʼ kyaʼ ri etaʼmanik re ri Biblia che ri al Kristine, ri rachajil Joshua amaqʼel kutatabʼej apanoq ri tajin kretaʼmaj ri rixoqil. Are chiʼ ri al Mary xrilo che je waʼ kubʼano, xutaʼ che la kraj kkʼojiʼ kukʼ pa ri etaʼmanik. Ri areʼ xubʼij: «Utz bʼaʼ, pero xaq xiw kwaj kintatabʼej. Y kwaj taj che kabʼan preguntas chwe». Are kʼu majaʼ cinco minutos che majim ri etaʼmanik ri areʼ xumaj ubʼanik kʼi preguntas más na chuwach ri rixoqil y xubʼij che kraj che kyaʼ jun etaʼmanik che.

Rumal ri pregunta che xubʼan ri al Mary e kʼi winaq xkimaj jun etaʼmanik re ri Biblia. Xutaʼ tobʼanik chke e jujun qachalal rech kkiya etaʼmanik re ri Biblia chke ri e winaq rumal che más e kʼi chik. ¡28 winaq re kajibʼ tinamit xkimaj jun etaʼmanik re ri Biblia rukʼ ri al Mary!

Ri al Jasmin che xojchʼaw chrij nabʼe kanoq, xubʼan bautizar ribʼ pa abril re ri junabʼ 2021. Ri al Kristine xubʼan bautizar ribʼ pa mayo re ri junabʼ 2022 y xtzalij rukʼ ri u familia pa Filipinas. Y e kebʼ chike ri xubʼij ri al Kristine che ri al Mary che kkaj jun etaʼmanik re ri Biblia xuqujeʼ xkibʼan bautizar kibʼ. Ri al Angela xuqujeʼ xubʼan bautizar ribʼ y chanim riʼ precursora regular. Ri a Joshua ri rachajil ri al Kristine y ri Andrea y e nikʼaj chik che tajin kyaʼ ri etaʼmanik chke tajin kkibʼan progresar.

Pa ri nabʼe siglo, e kʼi winaq xkitzijoj chke ri ki familia y ri kamigos ri tajin kketaʼmaj chrij ri Jesús (Juan 1:41, 42a; Hech. 10:24, 27, 48; 16:25-33). Chataʼ che ri tajin kaya jun etaʼmanik re ri Biblia che we kuchʼobʼ uwach jun winaq che kraj kretaʼmaj más chrij ri Biblia. Qetaʼm taj jampaʼ etaʼmanik re ri Biblia kojkunik kqayaʼo we kqabʼan wajun pregunta riʼ chke ri tajin kqaya etaʼmanik re ri Biblia chke.