Xaq xiw rumal ri ukamikal ri Jesús kkuyutaj ri qamak (Efes. 1:7). Are kʼu ri Biblia kubʼij che «ri Dios are sukʼ are taq xeʼukuy ri mak ri kibʼanom uloq ri winaq» (Rom. 3:25). Wariʼ kraj kubʼij che xukuy ri kimak ri winaq are chiʼ ri Jesús majaʼ kkam rumal qech. We ri Jehová are sukʼ ¿jas xubʼan che ukuyik ri kimak ri winaq ojer kanoq are chiʼ ri Jesús majaʼ kuya ri ukʼaslemal che tojbʼal mak?

Are chiʼ ri Jehová xubʼij che kpe na jun ijaʼlil che kitoʼik ri winaq ri kekojon chrij, chuwach ri areʼ jetaneʼ ya xtojtaj ri makaj (Gén. 3:15; 22:18). Ri Jehová qas retaʼm che are chiʼ kopan ri tiempo, ri uKʼojol rukʼ ronojel ranimaʼ kuya na ri ukʼaslemal che tojbʼal mak (Gál. 4:4; Heb. 10:7-10). Are chiʼ ri Jesús xkʼojiʼ cho ri uwach Ulew, ri Jehová xuya che che kkunik kukuy ri kimak ri winaq che kekojon chrij. Paneʼ majaʼ kuya ri ukʼaslemal che tojbʼal mak (Mat. 9:2-6).