CHUNAQAJ ri junabʼ 670 chuwach ri qaqʼij, Asiria are ri tinamit ri más nim chkiwach konojel ri nikʼaj chi tinamit pa ronojel uwach Ulew. Junam rukʼ ri kubʼij ri kʼolbʼal re Internet re ri Museo Británico, «ri ulew che xkʼojiʼ chuxeʼ ri utaqanik Asiria kumaj bʼi pa Chipre re ri oeste kopan kʼa pa Irán rech ri este, y pa jujun taq junabʼ xuqujeʼ xkʼojiʼ ri utaqanik kʼa pa uwiʼ taq ri ulew rech Egipto». Pa ri tiempo riʼ, Nínive, ri ucapital, are ri tinamit más nim pa ronojel ri uwach Ulew. Xekʼojiʼ nimaʼq taq monumentos, jeʼlikalaj taq jardines, nimaʼq taq palacios y nimaʼq taq bibliotecas chupam. Pa ri ojer tinamit Nínive, e riqom taq tzij che e tzʼibʼam chuwach taq paredes che kkikʼutu che ri qʼatal tzij Asurbanipal, junam kukʼ e nikʼaj chi qʼatal taq tzij asirios, xubʼij che ribʼ che are ri «qʼatal tzij pa uwiʼ ronojel ri uwach Ulew». Pa riʼ ri tiempo, Asiria y Nínive kilitajik che kʼo ta jun chi tinamit kechʼakowik.

Are kʼu, are chiʼ Asiria kʼo nimalaj taqanik pa uqʼabʼ y kʼo uchuqʼabʼ pa kiwiʼ nikʼaj chi tinamit, ri qʼaxal tzij Sofonías xuya ubʼixik ri kubʼan ri Jehová: «Kuyuq kʼu na areʼ ri uqʼabʼ [...] che usachisaxik uwach ri Asiria, kutolobʼaʼ kʼu na kanoq ri tinimit Nínive, kujalwachij kʼu na pa jun chaqiʼjalaj chaqiʼj uwo saq». Xuqujeʼ ri Nahúm, jun chi qʼaxal utzij ri Jehová, xubʼij: «¡Chelaqʼax ri saq pwaq! ¡Chelaqʼax ri qʼan pwaq! [...] Sachisam uwach, tzʼinowirisam, tolobʼam kanoq, jewaʼ ri ukʼulmam ri Nínive. [...] Konojel ri katilowik keʼanimaj na chawach, je kkibʼij waʼ: ‹¡Ri Nínive yojyobʼisam chik! [...]›» (Sof. 2:13; Nah. 2:9, 10; 3:7). Are chiʼ ri winaq xkita ri xubʼij ri qʼaxal tzij, weneʼ xkibʼij wariʼ: «¿La qastzij riʼ kbʼantajik? ¿La kʼo jun kkunik kchʼakow ri nimalaj tinamit Asiria?». Weneʼ qas ta xkikoj ri xbʼixik.

Are kʼu xbʼantaj ri xyaʼ kan ubʼixik. Chunaqaj ri junabʼ 600 chuwach ri qaqʼij, ri babilonios y ri medos kichʼakom chi ri tinamit Asiria. Are chiʼ xqʼax ri tiempo, xsach uwach y knaʼtajisax ta chi ri tinamit Nínive. Jun wuj re ri Museo de Arte Metropolitano re Nueva York kubʼij che, «pa ri tiempo re ri Edad Media, ri tinamit Nínive kʼo ta chi kʼo chuwach y muqutal chi kanoq y xaq xiw knaʼtasax chik rumal ronojel ri kbʼix chrij pa ri Biblia». Ri wuj Biblical Archaeology Society Online Archive kubʼij che, pa taq ri umajibʼal ri siglo diecinueve, «kʼo ta jun winaq etaʼmanaq we qastzij xkʼojiʼ ri nimalaj tinamit asiria». Are kʼu, pa ri 1845, ri arqueólogo Austen Henry Layard xumaj tzukunik y xuriq kʼi jastaq rech ri tinamit Nínive. Ri xriqitajik xukʼutu che Nínive are jun nimalaj tinamit ojer.

Kkowir ri qakojonik chrij ri profecías re ri Biblia che ksachisax na kiwach ri nimaʼq taq qʼatbʼal tzij che e kʼo kimik, are chiʼ kqilo che xtzʼaqat ri profecías che xbʼix kan chrij Nínive (Dan. 2:44; Apoc. 19:15, 19-21).