¿La kawaj kawetaʼmaj más are chiʼ kabʼan ri a estudio personal? Wajun kʼutunem riʼ katutoʼo rech qas katchoman chrij ri kanikʼoj.

• Chatzukuj jun utz lugar. We katkunik chatzukuj jun lugar jawiʼ kʼo ta winaq y che qʼequʼm taj. Katkunik kakoj jun mesa o kattʼuyiʼ apan chuwach ri saq.

• Chatzukuj jun lugar jawiʼ atukel katkʼojiʼk. Kʼa majoʼq ksaqarik ri Jesús xbʼe utukel che ubʼanik orar (Mar. 1:35). We e kʼo ri a familia pa ri lugar che at kʼo wi, chabʼij chke che katkibʼan ta molestar are chiʼ kasikʼij ri Biblia.

• Are chatchoman chrij ri kasikʼij. Are ta kawil ri mensajes che kopan pa ri a teléfono o ri a tablet are chiʼ tajin kasikʼij ri Biblia. Are chiʼ tajin kabʼan ri a estudio personal y knaʼtaj chawe che kʼo jun jastaq che rajawaxik kabʼano, chatzʼibʼaj rech kʼateʼ kabʼano are chiʼ kattoʼtajik. We xaq are katchoman chrij ri jastaq are chiʼ tajin kasikʼij ri Biblia, utz che kattakʼiʼk y katbʼinik.