¿LA KʼAX kariq che usikʼixik ri Biblia ronojel taq qʼij? ¿La kakʼey ubʼanik? Kʼi chqe kqakʼulmaj wariʼ. Kʼi kqabʼano che kajwataj chuqʼabʼ che ubʼanik, junam rukʼ chiʼ kojatinik. ¡Pero are chiʼ kbʼantaj qatinem qas utz kqanaʼo! Usikʼixik ri Biblia kjunamataj rukʼ ri atinem che kjororik (Efes. 5:26). Ri kqil na pa wajun kʼutunem riʼ katutoʼ che ubʼanik ri a estudio personal:

• Chabʼanaʼ jun programa. Jun cristiano rajawaxik kubʼan ri u estudio personal rumal che are ri más nim ubʼanik (Filip. 1:10). Rech ksach ta chawe ri xatzʼibʼaj chupam ri programa, chayaʼ pa jun lugar jawiʼ kilitajik, weneʼ chuwach ri refrigerador o chuwach ri puerta. O weneʼ katkunik kakoj jun alarma pa ri a teléfono rech kunaʼtasaj chawe.

• Are chabʼanaʼ ri qas katutoʼo. E jujun naj tiempo kkikoj che ubʼanik ri ki estudio personal y nikʼaj chik weneʼ kamul kkibʼan pa jun semana. ¿Jachin chke tajin kabʼan at? Chatchoman chrij wariʼ are chiʼ kabʼan ri a programa. Y we kakʼey ubʼanik are chiʼ kopan ri hora che achaʼom, chabʼanaʼ paneʼ xa 10 minutos. Paneʼ naj ta ri 10 minutos pero utz che xabʼano. Weneʼ rukʼ wariʼ kawaj kawetaʼmaj más (Filip. 2:13).

• Nabʼe chawilaʼ ri kawaj kawetaʼmaj. We kʼateʼ katzukuj ri kawaj kawetaʼmaj are chiʼ kopan ri hora che kamajij ri estudio personal, utz ta tajin kabʼan riʼ che ukojik ri a tiempo (Efes. 5:16). Chabʼanaʼ jun lista che ri e kʼutunem che kawaj kawetaʼmaj. Are chiʼ kpe jun pregunta pa ajolom chatzʼibʼaj. Y we kpe nikʼaj chik pa ajolom are chiʼ tajin kabʼan ri estudio personal chatzʼibʼaj chupam ri a lista.

• Chakʼexaʼ ri rajawaxik kakʼexo. Ri rajawaxik kabʼano are che ronojel taq semanas kabʼan ri estudio personal. Rumal laʼ chakʼexaʼ ri qʼij, ri hora, ri tiempo che kabʼan ri a estudio personal y ri kʼutunem we rajawaxik.

Kqariq utzilal we ronojel taq semanas kqabʼan ri estudio personal: kojux más utz ramigos ri Jehová, utz ri kqachaʼ ubʼanik pa ri qakʼaslemal y más kojkikot riʼ (Jos. 1:8).