Are chiʼ asikʼim chi uwach ri Biblia, ¿la ksach pa ajolom ri kʼateʼ xanikʼoj? Juntir jeʼ kqabʼano. ¿Jas kojtoʼwik rech ksach ta pa qajolom? Are unikʼoxik chi jumul ri más nim ubʼanik.

Are chiʼ kanikʼoj ri Biblia xuqujeʼ chakojoʼ achuqʼabʼ rech katchoman chrij ri tajin kawetaʼmaj. Are waʼ ri xubʼij ri apóstol Pablo chke ri cristianos che tajin kkisikʼij ri carta che xutaq chke. Ri areʼ xubʼij chke che kechoman chrij ri más nim ubʼanik (Heb. 8:1). Je wariʼ xeʼutoʼo rech xketaʼmaj ri más nim ubʼanik.

Are chiʼ kanikʼoj ri Biblia xuqujeʼ chakojoʼ weneʼ diez minutos rech katchoman chrij ri más nim ubʼanik che tajin kanikʼoj. We knaʼtaj ta chi chawe, chasikʼij chi jumul ri subtítulos o ri nabʼe oración re ri párrafos. Are chiʼ kawetaʼmaj jun kʼakʼ etaʼmanik, chakojoʼ achuqʼabʼ rech kabʼij che jun chik ri xachʼobʼ chrij. Are chiʼ kanikʼoj chi jumul ri tajin kasikʼij, más kkanaj kan ri información pa ajolom y kʼax ta kabʼan che ukojik pa akʼaslemal.