Are chiʼ katijoj awibʼ chrij ri Biblia, weneʼ katchoman chrij ri kawaj kawetaʼmaj. Paneʼ utz che katchoman chrij ri kawaj kawetaʼmaj, are kʼu xuqujeʼ utz katchoman chrij ri kraj ri Jehová kukʼut chawach. ¿Jas kabʼan che ubʼanik?

Chataʼ anoʼj che ri Jehová. Xaq xiw ta katchoman chrij ri ya awetaʼm chik (Prov. 3:5, 6). Chabʼij che ri Jehová che katutoʼ che uchʼobʼik ri kraj ri areʼ kawetaʼmaj (Sant. 1:5).

Chayaʼ bʼe che ri Utzij ri Jehová katutoʼ pa ri akʼaslemal. «Ri utzij ri Dios kʼaslik» (Heb. 4:12). Kʼo kqetaʼmaj are chiʼ kqasikʼij ri Biblia y kʼi kojutoʼ wi pa ri qakʼaslemal, kojkunik kqabʼan wariʼ we kqakoj qachuqʼabʼ che retaʼmaxik ri kukʼut ri Jehová chqawach.

Chamaltyoxij ri kuya ri Jehová chawe. Ri kuya ri Jehová chqe rech kojutoʼ pa ri qakojonik kjunamtaj rukʼ «jun waʼim ri ketijow wi na jeʼlalaj taq jastaq» (Is. 25:6). Xaq mayaʼ kan ri e kʼutunem che kachomaj che ktobʼan ta chawe. Are chiʼ kamaj kisikʼixik ri e kʼutunem riʼ, nim katkitoʼ wi y jeʼl kawil ri kkiya ubʼixik.