E KʼI cristianos kkibʼan ta ri Navidad. ¿La kebʼisonik rumal che xkichaʼ ubʼanik wariʼ? ¿La kebʼison che jujun taq jastaq? ¿La kebʼison ri kalkʼwal rumal che kkibʼan ta jujun taq nimaqʼij? Chqilampeʼ jas kkichomaj jujun testigos rech Jehová pa jalajoj taq tinamit cho ri uwach Ulew.

Unaʼtasaxik ri Jesús. «Are chiʼ majaʼ kinux testigo rech Jehová, xa jujun taq mul xinbʼe pa ri iglesia. Amaqʼel taj xinbʼek xaq xiw xinbʼek are chiʼ kopan ri Navidad. Are kʼu pa taq ri fechas riʼ kinchoman ta chrij ri Jesús. Kimik che kinbʼan ta chi ri Navidad, kamul kqamulij qibʼ rukʼ ri congregación pa jun semana y kinkʼut chkiwach ri winaq chrij ri Jesús» (EVE, AUSTRALIA).

Uyaʼik sipanik. «Sibʼalaj kinkikotik are chiʼ xaq kʼateʼ kyaʼ jun sipanik chwe. ¡Utz kinwilo che kkibʼan wariʼ! Xuqujeʼ utz kinwilo che kinbʼan tarjetas o dibujos y kinsipaj chke nikʼaj chik. Je wariʼ kekikotik y kinkikot in» (REUBEN, IRLANDA DEL NORTE).

Kitoʼik ri kʼo kajwataj chke. «Sibʼalaj kinkikotik are chiʼ kinbʼan rikil chke ri yawabʼibʼ. Jujun taq mul, kinkʼam bʼi jastaq chke che ktijowik o postre, kotzʼiʼj o jun sipanik rech nojimal keʼutzirik. Y wariʼ kinkunik kinbʼan pa apachike fecha re ri junabʼ» (EMILY, AUSTRALIA).

Ri umulixik ibʼ kukʼ ri familia. «Are chiʼ ri familias kkimulij kibʼ, ri akʼalabʼ kekunik kkichʼobʼ kiwach ri kitíos, ri katiʼt kimam y ri kiprimos. Rumal che kqabʼan ta nijun naqʼatisabʼal y nimaqʼij, ri qafamiliares ketaʼm che are chiʼ kojopan kukʼ xa rumal che keqaj y xa ta kojtaqchiʼx che ubʼanik wariʼ» (WENDY, ISLAS CAIMÁN).

Utzukuxik ri jamaril. «Pa taq ri fechas rech ri Navidad kʼo kʼi kinbʼano, y kkanaj ta nutiempo rech kinchoman chrij ri jamaril. Ri Biblia kubʼij che kkʼojiʼ na jamaril chkixoʼl ri winaq y ri in nuriqom chi wajun jamaril riʼ. Qas wetaʼm che ri wal kekʼojiʼ na pa jun jeʼlalaj uwach Ulew» (SANDRA, ESPAÑA).