Awmi. Teyta Diosqa munan juntakëkurnin nunakuna adoranatam. Bibliachömi kënö nin: “Kuyakoq kanapaq y alli kaqta rurëchö yanapanakunapaq, juknintsik juknintsik alli reqinakushun, y ama wakinkuna imëpis rurayanqannöqa juntakëta dejashuntsu” (Hebrëus 10:24, 25).

 Alli patsätsishqa grüpuchö kayänampaq kaqta rikätsikurmi, Jesusqa qateqninkunata kënö nirqan: “Tsënömi llapankuna musyayanqa qatimaqnïkuna kayanqëkita, jukniki juknikikuna kuyanakuyaptiki” (Juan 13:35). Cristiänukuna mayinkunawan juntakurmi, Jesuspa qateqninkunaqa kuyanakuyanqanta juknöpa rikätsikuyänan karqan. Tsëpaqqa congregacionkunachömi kayänan karqan y Diosta adorayänan wayikunachömi juntakäyänan karqan (1 Corintius 16:19). Entëru Patsachö Diosta sirweqkunaqa, juk familianömi kayänan karqan (1 Pëdru 2:17).

Manam juk religionchö kanqantsikrëkurtsu Teyta Diostaqa munanqannö adorëkantsik

 Bibliachöqa nin juntakëkurnin nunakuna Diosta adorayänampaqmi. Peru manam Bibliachö nintsu juk religionchö kanqantsikrëkurlla, Teyta Diosta munanqannöna adorëkanqantsikta. Tsëpaqqa Bibliachö yachakunqantsiknömi kawanantsik. Maslla musyarinapaq, Bibliachömi kënö willakun: “Diosnintsikpa y Teytantsikpa rikëninchö alli y limpiu adoracionqa këmi: sufrimientukunapa pasayaptin teytannaq kaqkunata y viudakunata cuidë, y kë munduchö nunakunanö mana portakuymi” (Santiägu 1:27).