1 Crönicas 12:1-40
-
David gobernaptin yanapaqkuna (1-40)
12 Quispa tsurin Saul wanutsinampaq qatikachaptinmi,+ Davidqa Ziclag markata+ qeshpir ëwakurqan. Tsëchö tëkaptinmi allin kaq soldädukuna yanapayänampaq juntakäyarqan.+ Tsë soldädukunaqa guërrakunachö alli pelyëta yachaqkunam kayarqan.
2 Pëkunapaqa flëchana arcunkunam karqan. Y ishkan makimpam+ flëchëtapis y warakëtapis+ yachayaq. Pëkunaqa kayarqan Benjaminpa kastankunapita+ Saulpa wawqinkunam.*
3 Ahiëzerwan Joasmi soldädukunapa mandaqninkuna karqan, pëkunaqa guibeatïta+ Semaäpa tsurinkunam kayarqan. Tsëchömi këkäyarqan Azmävetpa+ tsurinkuna Jezielwan Pëlet, Beracä, anatotïta Jehü,
4 gabaonïta+ Ismayä (pëqa karqan treinta valienti soldädukunapa mandaqninmi),+ Jeremïas, Jahaziel, Johanan, guederatïta Jozabad,
5 Eluzäi, Jerimot, Bealïas, Semarïas, harifïta Sefatïas,
6 Corëpa kastankuna+ Elcanä, Isïas, Azarel, Joëzer, Jasobeam
7 y Guedor markachö täkoq* Jerohampa tsurinkuna Joeläwan Zebadïas.
8 Gadpa wakin kastankunapis, fäcil-lla mana chäna sitiuchö David këkaptinmi yanapayänampaq juntakäyarqan.+ Pëkunaqa guërrakunachö alli pelyëta yachaq valienti soldädukunam kayarqan y jatusaq escüdukunata y lanzakunatam alli utilicëta yachayaq. Pëkunapa cärankunaqa leonpanöran* karqan, y jirkakunachö luychunöran* cörriyaqpis.
9 Punta kaq mandakoqmi Ëzer karqan, ishkë kaqnam Abdïas karqan, kima kaqnam Eliab karqan,
10 chusku kaqnam Mismanä karqan, pitsqa kaqnam Jeremïas karqan,
11 joqta kaqnam Atäi karqan, qanchis kaqnam Eliel karqan,
12 puwaq kaqnam Johanan karqan, isqun kaqnam Elzabad karqan,
13 chunka kaqnam Jeremïas karqan y onci kaqnam Macbanäi karqan.
14 Pëkunam kayarqan Gad kastapita+ soldädukunapa mandaqninkuna. Mas wallka kallpayoq kaqmi cien soldädukunawan igualaq y mas kallpayoq kaqmi mil soldädukunawan igualaq.+
15 Tsë soldädukunam watapa qallanan killachö, Jordan mayu* mëtsika mirashqa këkaptin tsimpayarqan. Pëkunata rikëkurmi ishkan tsimpa* pampakunachö täkoqkunaqa* mantsakar qeshpir ëwakuyarqan.
16 Benjaminpa y Judäpa wakin kastankunapis fäcil-lla mana chäna sitiuchö David këkaptinmi yanapayänampaq ëwayarqan.+
17 Chäriyaptinnam Davidqa machëpita yarqurirnin kënö nirqan: “Yanapayämänëkipaq shayämushqa kayaptikiqa chaskiyashqëkim. Peru chikimaqnïkunaman apayämänëkipaq shayämushqa kayaptikiqa unë kastantsikkunapa Diosninmi juzgayäshunki. Noqaqa manam ima mana allitapis rurarqötsu”.+
18 Tsënö niptinmi treinta soldädukunapa mandaqnin Amasäiqa+ Teyta Dios yanapaptin* kënö nirqan:
“Jesëpa tsurin+ David, qampa munënikichö y makikichömi këkäyä.
Qampis y yanapashoqnikikunapis alli kawakuyätsun.
Qamtaqa Teyta Diosmi yanapashunki”.+
Tsënö niptinmi Davidqa llapankunata chaskirqan y soldädukunapa mandaqnin kayänampaq churarqan.
19 Saulwan pelyayänampaq filisteukunawan David ëwanqan junaqmi, Manases kastapita wakin nunakuna Davidman juntakäyarqan. Tsë junaqqa, gobernantinkuna mana munayaptinmi filisteukunata+ David yanaparqantsu. Kënömi Davidpaq niyarqan: “Pelya höram contrantsik churakanqa. Y Saulta yanaparmi noqantsikta wanutsimäshun”.+
20 Manases kastapita+ Ziclag+ markachö Davidman juntakaq nunakunaqa këkunam kayarqan: Adnä, Jozabad, Jediael, Miguel, Jozabad, Elihü y Ziletäi. Pëkunaqa mil soldädukunapa mandaqninkunam kayarqan.
21 Pëkunam alli valienti+ soldädu karnin Davidta yanapayarqan asaltantikunawan pelyaptin. Tsëmi Davidqa pëkunata churarqan soldädukunapa mandaqninkuna kayänampaq.
22 Davidmanqa cada junaqmi yanapayänampaq nunakuna juntakäyaq.+ Tsëmi Davidpa yanapaqninkunaqa Teyta Diospa soldädunkunanöraq mëtsika kayarqan.+
23 Hebron markachö David këkaptinmi+ mëtsika soldädukuna juntakäyarqan Saulpa rantin gobernantin churayänampaq. Tsënöqa churayarqan Jehovä Dios mandakushqa kaptinmi.+ Tsë soldädukunaqa këkunam kayarqan:
24 Judäpa kastampitam seis mil ochocientus soldädukuna kayarqan, pëkunaqa guërrapaq jatusaq escüdukunayoq y lanzakunayoqmi kayarqan;
25 Simeonpa kastampitam siëti mil cien alli valienti soldädukuna kayarqan.
26 Levïpa kastampitam cuatru mil seiscientus kayarqan.
27 Aaronpa tsurinkunapa+ kastankunachöqa Jehoiadämi+ mandakoq karqan y tres mil setecientus nunakunam pëwan kayarqan.
28 Y tsëchömi këkarqan valienti jövin Sadocpis,+ y familiankunachö dirigenti veintidos nunakunapis.
29 Benjaminpa kastampita Saulpa wawqinkunam*+ tres mil kayarqan. Pëkunaqa cäsi llapanmi Saultapis yanapashqa kayarqan.
30 Efrainpa kastampitam veinti mil ochocientus alli valienti soldädukuna kayarqan. Pëkunaqa familiankunachö alli mandakoqkunam kayarqan.
31 Manasespa kastampitam dieciöchu mil kayarqan. Pëkunataqa jutipa akrashqa kayarqan, ëwarnin Davidta gobernanti churayänampaqmi.
32 Isacarpa kastampitam doscientus dirigentikuna kayarqan. Pëkunaqa imëkatapis allim musyayaq, tsëmi israelïtakunata niyaq imata rurayänampaqpis. Pëkunapa mandädunkunachömi llapan wawqinkuna kayarqan.*
33 Zabulonpa kastampitam cincuenta mil soldädukuna kayarqan. Pëkunaqa armankunawan guërrapaq listullanam këkäyarqan, y Davidtam llapan shonqunkunawan yanapayarqan.
34 Neftalïpa kastampitam soldädukunapa mil mandaqninkuna kayarqan, y pëkunawanmi këkäyarqan jatusaq escüduyoq y lanzayoq treinta y siëti mil soldädukuna.
35 Danpa kastampitam veintiöchu mil seiscientus soldädukuna kayarqan.
36 Y Aserpa kastankunapitanam cuarenta mil soldädukuna guërrapaq listullana këkäyarqan.
37 Jordan mayupa* wak tsimpanchö+ këkaq Rubenpa kastampita, Gadpa kastampita y Manasespa pullan kastapitanam tukuyläya armayoq cientu veinti mil soldädukuna kayarqan.
38 Tsë llapan soldädukunam guërrapaq listullana këkäyarqan. Pëkunam Hebron markata ëwayarqan Israelpa gobernantin kanampaq Davidta churayänampaq.+ Y llapan israelïtakunapis acuerdum kayarqan.
39 Judäpa kastankunaqa atska mikuytam alistapakuyarqan, tsëmi mikurnin y upurnin Hebron markachö Davidwan kima junaq quedakuyarqan.
40 Y llapankuna kushishqa karmi amänuchö täkoqkuna* y mas karunchö täkoqkunapis Isacarpita, Zabulonpita y Neftalïpita mëtsika mikuyta apayarqan; harinata, tsakitsishqa hïguspita rurashqa tortillakunata, päsasta, vïnuta y aceitita. Tsë llapantam ashnukunaman, camëllukunaman, mulakunaman y törukunaman cargarkur apayarqan. Y wäkatawan üshatapis mëtsikatam apayarqan.
Nötakuna
^ Wawqinkuna nirqa, tsë kastalla kayanqampaqmi parlëkan.
^ Kënöpis niyanmi: täraq; päraq.
^ Tsënö nirqa, capazchi “valienti kayanqampaq o imanö kayanqampaq parlëkan”.
^ Hebreu idiömachöqa “gacëlanöran” ninmi, tsë animalqa Israelchömi kan y luychu niraqmi.
^ Kënöpis niyanmi: riu.
^ O “inti o rupay yarqamunan y jeqanan lädu”.
^ Kënöpis niyanmi: täraqkunaqa; päraqkunaqa.
^ Hebreu idiömachöqa “Diospa podernin yanapaptin” ninmi.
^ Wawqinkuna nirqa, tsë kastalla kayanqampaqmi parlëkan.
^ Wawqinkuna nirqa, tsë kastalla kayanqampaqmi parlëkan.
^ Kënöpis niyanmi: riupa.
^ Kënöpis niyanmi: täraqkuna; päraqkuna.
