1 Crönicas 18:1-17
18 Tiempuwannam Davidqa, filisteukunata venciskir sirweqninkuna kayänampaq churarqan, y pënam karqan Gat markapa+ y ichik markankunapa duëñun.+
2 Y moabïtakunata+ venciskiptinmi, moabïtakunaqa Davidpa sirweqnin tikrayarqan y impuestutapis pagayarqan.+
3 Zobä+ nacionchö gobernaq Hadadëzermi,+ soldädunkunawan ëwarqan Eufratis mayu*+ lädunchö markakunapa duëñun këta munar. Tsëmi Davidqa Hamat+ marka amänunchö Hadadëzerta vencirqan.
4 Davidqa mil carrëtakunata, cawallunkuna montashqa ëwaq siëti mil soldädukunata y chakipa ëwaq veinti mil soldädukunatam+ prësutsirqan. Y carrëta sutaq cawallukunapa ankunkunatam roquyarqan, cienllatam sänutaqa dejayarqan.+
5 Y Zobä nacionchö Hadadëzer gobernantita yanapaq Damascu markapita ëwaq siriu soldädukunatam, Davidwan soldädunkunaqa veintidos milta wanutsiyarqan.+
6 Tsëpitanam Davidqa Siriachö këkaq Damascu markaman soldädukunata churarqan, y siriu nunakunaqa sirweqnin tikrarirmi Davidta impuestuta pagayaq. Guërrata ruranampaq David mëta ëwaptimpis, chikeqninkunata vencinampaqmi Jehovä Diosqa yanapaq.+
7 Davidqa Hadadëzerpa sirweqninkunapa örupita rurashqa escüdunkunatapis Jerusalenpam apakurqan.
8 Y Hadadëzer gobernanqan Tibhat y Cun markakunapitam mëtsika cobrita aparqan. Tsë cobriwanmi tsurin Salomonqa Mar niyanqan cobripita jatun lavatoriuta,+ columnakunata y mas cösaskunata ruratsirqan.+
9 Tsëpitanam Hamat markapita Tou jutiyoq gobernantiqa musyaskirqan, Zobä+ nacionpa gobernantin Hadadëzerpa+ llapan soldädunkunata David vencishqa kanqanta.
10 Tsëmi Touqa tsurin Hadoramta mandarqan Davidman ëwar imanö këkanqanta tapunampaq y Hadadëzerta vencinqampita kushikunqanta ninampaq (tsënöqa Tou kushikurqan, Hadadëzerwan mëtsika kuti guërrachö kashqa karmi). Hadoramqa Davidpaqmi pläta metalpita, örupita y cobripita rurashqa qarëkunata aparqan.
11 Davidqa wakin nacionkunapita apanqan pläta metalta y öruta Jehovä Diospaq churanqannömi,+ tsë qarëkunatapis pëpaq churarqan. Tsë pläta metalwan öruqa karqan edomïtakunapata, moabïtakunapata, ammonïtakunapata,+ filisteukunapata+ y amalequïtakunapata+ apanqankunam.
12 Zeruyäpa+ wamran Abisaimi+ Kachi pampachö+ dieciöchu mil edomïta soldädukunata wanuratsirqan.
13 Abisaiqa Edommanmi soldädukunata churarqan, y llapan edomïtakunam Davidpa sirweqnin tikrayarqan.+ David mëta ëwaptimpis, chikeqninkunata vencinampaqmi Jehovä Diosqa yanapaq.+
14 Entëru Israelchö+ David gobernaptinmi llapankunapaq justicia karqan.+
15 Zeruyäpa wamran Joabmi soldädukunapa mandaqnin karqan;+ Ahiludpa tsurin Jehosafatmi+ ima pasakunqantapis qellqarqan;
16 Ahitubpa tsurin Sadocwan Abiatarpa tsurin Ahimëlecmi sacerdöti kayarqan; Savsäm secretariu karqan;
17 Jehoiadäpa tsurin Benäyam keretïtakunapa+ y peletïtakunapa+ mandaqnin karqan, y Davidpa tsurinkunam wakinkunapita mas mandakoqkuna kayarqan.
Nötakuna
^ Kënöpis niyanmi: riu.
