1 Crönicas 26:1-32
26 Këchömi qellqarëkan punkuchö täpakoqkuna+ mëqan familiapita kayanqampis. Corëita familiakunapitaqa: Corëpa tsurin Meselemïasmi+ karqan, pëkunaqa Asafpa kastankunam* kayarqan.
2 Meselemïaspa mayor tsurinnam karqan Zacarïas, qepanmannam yurikurqan Jediael, qepanmannam Zebadïas, qepanmannam Jatniel,
3 qepanmannam Elam, qepanmannam Jehohanan y qepanmannam Elieho-Enäi.
4 Obed-Edompa mayor tsurinnam karqan Semäya, qepanmannam yurikurqan Jehozabad, qepanmannam Joä, qepanmannam Sacar, qepanmannam Netanel,
5 qepanmannam Amiel, qepanmannam Isacar y qepanmannam Peuletäi. Tsënömi Teyta Diosqa Obed-Edomta bendicirqan.
6 Semäyapa tsurinkunaqa alli puëdeq y yachaq karmi familiankunachö dirigentikuna kayarqan.
7 Semäyapa tsurinkunam kayarqan Otnï, Refael, Obed y Elzabad. Elzabadpa familian Elihüwan Semakïaspis yachaq nunakunam kayarqan.
8 Pëkunam Obed-Edompa kastankuna kayarqan. Pëkunata, tsurinkunata y wawqinkunata yupayaptinqa sesenta y dosmi kayarqan. Pëkunaqa yanapakuyänampaq alli puëdeq y alli yachaq nunakunam kayarqan.
9 Meselemïaspa+ tsurinkuna y wawqinkunam kayarqan yachaq dieciöchu nunakuna.
10 Merarïpa kastan Hosäpa tsurin Simrïmi dirigenti karqan. Pëtaqa mayor mana këkaptimpis dirigenti kanampaqmi papänin churarqan.
11 Simrïpa qepanmanmi yurikurqan Hilquïas, qepanmannam Tebalïas y qepanmannam Zacarïas. Hosäpa llapan tsurinkuna y wawqinkunaqa trëcim kayarqan.
12 Punkuchö täpaqkoqkunapa dirigeqninkunaqa, wawqinkuna rurayanqannöllam Jehovä Diospa templunchö yanapakuyaq.
13 Tsëpitanam punkuchö täpakuyänampaq cada familiapa sortiayarqan.+ Y tocanqannömi atskaq kar o wallka karpis punkukunachö täpakur yanapakuyaq.
14 Selemïastam tocarqan inti o rupay yarqamunan lädupa kaq punkuchö täpakunampaq. Y tsurin Zacarïastanam tocarqan norti kaq lädu punkuchö täpakunampaq.
15 Obed-Edomtanam tocarqan sur kaq lädu punkuchö täpakunampaq. Y tsurinkunatanam+ churakuyänan cuartukunata täpayänampaq churayarqan.
16 Supim jutiyoq nunata y Hosätanam+ tocarqan inti o rupay jeqanan lädu punkuchö täpakuyänampaq. Tsëqa karqan Salëket Punku lädunmampa y witsëpa ëwaq jatun näni kuchunchömi. Täpakoqkunaqa cada grüpupam täpayaq, y juk kaq grüpupa lädunmampam churakäyaq.
17 Inti o rupay yarqamunan läduchömi cada junaq joqta levïtakuna täpayaq, norti läduchönam chuskoq y sur läduchöpis chuskoqmi. Väleq cösaskuna churayänan cuartukunachönam+ ishkaq ishkaq kayarqan.
18 Tëchuyoq pasadïzuchönam* chuskoq kayarqan, tsëqa karqan jatun näni kuchunchömi.+ Y pasadïzu lädunchönam ishkaq kayarqan.
19 Pëkunam kayarqan Corëpa y Merarïpa kastan grüpu grüpu punkuchö täpakoqkuna.
20 Teyta Diospa templunchö väleq cösasninkunata y limpiuta tikraskatsir* väleq cösaskuna churaränan cuartukunata+ cuidanampaqnam tocarqan levïta kastapita Ahïyata;
21 Ladanpa kastan Jehielï+ jutiyoq nunata, pëqa familiankunachö dirigentim karqan. Ladanqa Guersonpa kastanmi karqan.
22 Tsënöllam Jehielïpa, Zetampa y wawqin Joelpa tsurinkunatapis tocarqan. Pëkunam Jehoväpa templunchö väleq cösaskuna churaränan cuartuta+ täpayarqan.
23 Amramïta, izharïta, hebronïta y uzielïta+
24 kastakunachönam, väleq cösaskuna churaränan cuartukunata cuidaqkunapa dirigeqnin karqan Sebuel. Papäninqa Guersommi karqan y awilunnam Moises karqan.
25 Y familian Eliezerpa+ kastankunanam karqan Rehabïas,+ Jesayä, Joram, Zicrï y Selomot.
26 Selomot-tawan wawqinkunatam tocarqan väleq cösaskuna+ churaränan cuartukunata cuidayänampaq. Tsë cösaskunataqa gobernanti David, familiankunachö dirigentikuna,+ mil nunakunapa y cien nunakunapa dirigeqninkuna y soldädukunapa mandaqninkunam Teyta Diospaq kanampaq churayarqan.*+
27 Tsë cösaskunaqa+ guërrachö ganar apayämunqankunam+ karqan, y Jehovä Diospa templunta imëpis altsarëkäyänampaqmi karqan.
28 Tsënöllam pëkunaqa cuidayaq, Teyta Dios munanqanta entiendeq Samuel,+ Quispa tsurin Saul, Nerpa tsurin Abner+ y Zeruyäpa+ wamran Joab+ Diospaq apayanqan* cösaskunata. Imëkatapis Diospaq apayanqan cösaskunataqa Selomitwan wawqinkunam cuidayaq.
29 Izharpa+ familiampitanam, Kenanïastawan tsurinkunata churayarqan wakin trabäjukunata ruraqkunapa dirigentinkuna y juezninkuna+ kayänampaq, pëkunaqa manam templuchö yanapakuyaqtsu.
30 Hebronpa kastankunapitanam+ Hasabïasta, wawqinkunata y mil setecientus yachaq nunakunata churayarqan Jordan mayu* wak tsimpanchö* yanapakuyänampaq. Pëkunam rikäyaq tsë läduchö israelïtakuna gobernantipaq y Jehovä Diospaq trabajayanqanta.
31 Hebronpa kastankunachöqa Jerïyami+ dirigenti karqan, tsënömi familiankunapa jutinkuna qellqarëkaq libruchö këkan. Cuarenta watapa David gobernëkaptinmi,+ Hebronpa kastankunachö alli puëdeq y valienti nunakunata ashiyarqan y Galaadchö këkaq Jazer+ markachömi tariyarqan.
32 Tsë nunakunapa familiankunaqa alli puëdeq dos mil setecientus nunakunam kayarqan. Pëkunaqa familiankunachö dirigentikunam kayarqan. Tsë nunakunatam gobernanti Davidqa churarqan Teyta Diospaq y gobernantipaq rurayanqankunata rikäyänampaq, pëkunaqa rikäyaq Rubenpa kastankuna, Gadpa kastankuna y Manasespa pullan kastankuna rurayanqankunatam.
Nötakuna
^ Hebreu idiömachöqa “tsurinkunam, willkankunam” ninmi.
^ O “inti o rupay jeqanan läduchönam”.
^ O “purificärir”.
^ O “purificäyarqan”.
^ O “purificäyanqan”.
^ Kënöpis niyanmi: riu.
^ O “inti o rupay jeqanan läduchö”.
