1 Crönicas 4:1-43
4 Judäpa tsurinkunam kayarqan Përez,+ Hezron,+ Carmï, Hur+ y Sobal.+
2 Jähatpa papäninnam karqan Sobalpa tsurin Reayä; Jähatmi Ahumäipa y Lahadpa papänin karqan. Pëkunam kayarqan zoratïta nunakuna.+
3 Etampa+ papänimpa tsurinkunam kayarqan Jezreel, Ismä y Idbas (paninkunapa jutinmi karqan Hazelelponï).
4 Penuelmi Guedorpa papänin karqan y Ëzermi Husäpa papänin karqan. Pëkunam Hur+ jutiyoq nunapa kastankuna kayarqan. Hurpa papäninmi Efräta karqan, Efrätanam Belenpa+ papänin karqan.
5 Tecöapa+ papänin Asjurqa+ ishkë warmiyoqmi karqan, jutinkunam Helä y Naarä karqan.
6 Naarächö yurikoq tsurinkunam kayarqan Ahuzam, Hëfer, Temenï y Haahastarï. Pëkunam Naaräpa wawankuna kayarqan.
7 Heläpa wawankunam kayarqan Zëret, Izhar y Etan.
8 Cozmi karqan Anubpa y Zobebäpa papänin. Tsënöllam Cozpa kastankuna kayarqan Harumpa tsurin Äharhelpa kastankunapis.
9 Jabezqa llapan wawqinkunapitapis mas respetashqam karqan. Tsënöqa maman jutin churarqan, “alläpa nanatsikurmi qeshyakurqö”* nirmi.
10 Jabezmi israelïtakunapa Diosninman kënö nir mañakurqan: “¡Bendicïkallämë markä mas jatun kanampaq! ¡Ima mana allipis mana pasamänampaq yanapëkallämë y ama dejëkamëtsu!”. Tsënö mañakuptinmi Teyta Diosqa bendicirqan.
11 Mehirpa papäninmi Kelub karqan, Kelubqa Suhapa wawqinmi karqan; Mehirnam karqan Estonpa papänin.
12 Estonpa tsurinkunam kayarqan Bet-Rafä, Pasëah y Tehinä. Tehinämi Ir-Nahaspa papänin karqan. Pëkunanam kayarqan Recä nunakuna.
13 Quenazpa tsurinkunam Otnielwan+ Seräya kayarqan. Otnielpa tsurinnam Hatat karqan.
14 Meonotäimi Ofräpa papänin karqan. Seräyam Joabpa papänin karqan. Joabmi Gue-Harasimpa papänin karqan. Imëkakunata rurëta yachayaptinmi Gue-Harasim niyarqan.
15 Jefunëpa tsurin Calebpa+ tsurinkunam kayarqan Iru, Elä y Naam. Eläpa tsurinmi Quenaz karqan.
16 Jehalelelpa tsurinkunam kayarqan Zif, Zifä, Tirïa y Asarel.
17 Ezräpa tsurinkunam kayarqan Jeter, Mëred, Ëfer y Jalon. Mëredpa juk kaq warminchömi* yuriyarqan Miriam, Samäi y Isbä. Isbämi Estemöapa papänin karqan.
18 Pëkunam kayarqan Bitïas warmichö yurikoq Mëredpa tsurinkuna. Bitïasqa, Egiptuchö gobernaqpa warmi tsurinmi karqan. Judïa warminchömi yurikurqan Guedorpa papänin Jëred, Socöpa papänin Hëber y Zanöahpa papänin Jecutiel.
19 Hodïaspa warminqa Nähampa paninmi karqan. Pëchö yureq Hodïaspa tsurinkunam kayarqan garmita Queiläpa papänin y maacatïta Estemöapa papänin.
20 Shimonpa tsurinkunam kayarqan Amnon, Rinä, Ben-Hanan y Tilon. Isïpa tsurinkunam Zöhetwan Ben-Zöhet kayarqan.
21 Judäpa tsurin Seläpa+ tsurinkunam kayarqan Lecäpa papänin Er; Maresäpa papänin Laadä; Asbëapa familiankuna, pëkunam alli tëlakunata ruraq nunakuna kayarqan;
22 Joquim; Cozebä markachö täkoq* nunakuna; moabïta warmikunawan casakoq Joas y Saraf; y Jasubï-Lëhem. Kë jutikunaqa unë librukunachömi qellqarëkan.
23 Pëkunam kawakuyarqan Netäimchö y Guederächö y gobernantipaqmi mitupita imëkakunata rurayaq.
24 Simeonpa+ tsurinkunam kayarqan Nemuel, Jamin, Jarib, Zërah y Shaul.+
25 Shaulmi Salumpa papänin karqan, Salummi Mibsampa papänin karqan y Mibsammi Mismäpa papänin karqan.
26 Mismäpa tsurinkunam* kayarqan Hamuel, tsurin Zacur y tsurin Simeï.
27 Simeïpaqa karqan dieciseismi ollqu tsurinkuna y joqtam warmi tsurinkuna. Simeïpa wawqinkunapaqa, manam Judä nunakunapanötsu+ mëtsika wamrankuna karqan.
28 Y kë markakunachömi kawayarqan: Beer-Sëba,+ Moladä,+ Hazar-Sual,+
29 Bilhä, Ëzem,+ Tolad,
30 Betuel,+ Hormä,+ Ziclag,+
31 Bet-Marcabot, Hazar-Susim,+ Bet-Birï y Saaräim. Tsë markakunachömi kawayarqan David gobernanqan witsanyaq.
32 Ichik markankunapis pitsqam karqan: Etam, Ain, Rimon, Token y Asan.+
33 Y tsë markakunapa amänunkunachöpis hasta Baal markayaqmi mas markankuna karqan. Tsëkunam kayan unë kastankunapa jutinkuna y markankuna.
34 Mandaqninkunam kayarqan Mesobab, Jamlec, Amasïaspa tsurin Josä,
35 Joel, Jehü (Jehüpa papäninmi Josibïas karqan, Josibïaspa papäninmi Seräya karqan, Seräyapa papäninmi Asiel karqan),
36 Elioenäi, Jaacöba, Jesohäya, Asäya, Adiel, Jesimiel, Benäya
37 y Zizä. Zizäpa papäninmi Sifï karqan, Sifïpa papäninmi Alon karqan, Alonpa papäninmi Jedayä karqan, Jedayäpa papäninmi Simrï karqan, Simrïpa papäninmi Semäya karqan.
38 Pëkunanam kayarqan cada familiachö dirigentikuna, y unë kastankunapa familiankunaqa mëtsikaqmi mirayarqan.
39 Atskaqna karmi animalninkunapaq qewata ashir Guedorpa amänumpa ëwayarqan, tsëqa këkarqan mayu* lädun* pampachömi.
40 Tsë sitiuqa kawakuyänampaq jatunmi karqan y qewapis mëtsikam karqan. Tsë sitiuchöqa Campa kastankunam täkuyarqan.*+
41 Qepa listachö këkaq nunakunam Judächö Ezequïas+ gobernanqan witsan ëwëkurnin, Campa kastankunata y meunim kasta nunakunata llapanta wanutsir ushayarqan y carpankunatapis* ushakätsiyarqanmi. Manam jukllëllapis kananyaq kawëkar quedashqatsu. Tsënö ushakäratsirmi animalninkunapaq mëtsika qewa kaptin tsëchö kawakuyarqan.
42 Tsë* kastapita quinientus nunakunam Seir+ jirkata ëwayarqan. Mandaqninkunam karqan Pelatïas, Nearïas, Refayä y Uziel. Pëkunaqa Isïpa tsurinkunam kayarqan.
43 Seir jirkaman chärirmi quedaq amalequïta nunakunata+ ushakätsiyarqan y tsëchömi kananyaq kawakuyan.
Nötakuna
^ Kënöpis niyanmi: qeshpikurqö.
^ Capazchi tsë warmiqa Bitïas karqan, tsëtaqa 18 kaq versïculum willakun.
^ Kënöpis niyanmi: täraq; päraq.
^ Hebreu idiömachö “tsurin” nirqa, wamrampaq, willkampaq o pëkunapa kastankunapaqmi parlan.
^ Kënöpis niyanmi: riu.
^ O “inti o rupay yarqamunan lädu”.
^ Kënöpis niyanmi: täräyarqan; pärayarqan.
^ Kënöpis niyanmi: toldunkunatapis.
^ O “Simeon”.
