1 Crönicas 5:1-26
5 Israelpa mayor tsurinmi Ruben+ karqan. Mayor tsurin këkarpis Rubenqa, madrastanwan pununqampitam+ mayor kë derëchunta chaskirqannatsu. Pëpa rantinmi Josëpa tsurinkuna+ chaskiyarqan. Tsëmi familiankunapaq willakoq lista librukunachöqa, Rubenqa mayor tsurinötsu yurin.
2 Judämi+ wawqinkunapita mas puëdeq tikrarqan y pëpa kastanchömi gobernanampaq kaqpis yurikurqan.+ Peru mayor kë derëchuntaqa Josëmi chaskirqan.
3 Israelpa mayor tsurin Rubenpa tsurinkunam kayarqan Hanok, Palü, Hezron y Carmï.+
4 Joelpa kastankunam kayarqan Semäya, Semäyapa tsurin Gog, Gogpa tsurin Simeï,
5 Simeïpa tsurin Miquëas, Miquëaspa tsurin Reayä, Reayäpa tsurin Baal
6 y Baalpa tsurin Beerä. Beerätam Asiria nacionpa gobernantin Tiglat-Pilëser+ prësu apakurqan. Beerämi Rubenpa kastankunachö dirigenti karqan.
7 Familiankunapaq willakoq librum willakun wawqinkunapaq y këkunam kayarqan: mandakoq Jeiel, Zacarïas,
8 y Bëla. Bëlapa papäninmi karqan Azaz, Azazpa papäninmi karqan Sema y Semapa papäninmi karqan Joel. Rubenpa kastan nunakunaqa täkuyarqan* Aroerpita+ hasta Nëbuyaq y Baal-Meonyaqmi.+
9 Animalninkuna Galaadchö+ mëtsika mirashqa kaptinmi, täkuyanqan* sitiuqa inti o rupay yarqamunan lädupita qallëkur Eufratis mayu*+ kuchun tsunyaq jirkayaq charqan.
10 Saul gobernanqan witsanmi hagrïta nunakunata atacayarqan, y ushakäratsirmi markankunapa y carpankunapa* duëñun tikrayarqan. Tsëqa karqan Galaad lädupam.*
11 Gadpa kastankunanam pëkunapa amänunkunachö täkuyarqan* Basanpita qallëkur hasta Salecäyaq.+
12 Joelmi dirigeqninkuna karqan, Safamnam yanapaqnin karqan, y pëkunawanmi Basanpita Janäiwan Safatpis këkäyarqan.
13 Y wakin familiakunachö mandakoqkunanam kayarqan Miguel, Mesulam, Seba, Joräi, Jacan, Zïa y Ëber. Llapanqa qanchismi kayarqan,
14 pëkunam Abihäilpa kastankuna kayarqan. Abihäilpa papäninmi Hurï karqan, Hurïpa papäninmi Jaroä karqan, Jaroäpa papäninmi Galaad karqan, Galaadpa papäninmi Miguel karqan, Miguelpa papäninmi Jesisäi karqan, Jesisäipa papäninmi Jahdö karqan, y Jahdöpa papäninmi Buz karqan.
15 Abdielpa tsurinmi Ahï karqan y willkannam Gunï karqan. Ahïmi familianchö dirigenti karqan.
16 Pëkunaqa täkuyarqan* Galaadchö,+ Basanchö,+ amänun markakunachö y qewayoq entëru Saron sitiukunachömi.
17 Tsë familiakunapa llapan jutinkunatam qellqayarqan Judächö Jotan+ gobernanqan witsan y Israelchö Jeroboan+ gobernanqan witsan.
18 Rubenpa kastankunapa, Gadpa kastankunapa y Manasespa pullan kastankunapaqa, cuarenta y cuatru mil setecientus sesentam guërrapaq alli yachatsishqa valienti soldädunkuna karqan. Llapankunapam escüdunkuna, espädankuna y flëchana arcunkunapis karqan.
19 Pëkunam pelyayarqan hagrïta nunakunawan,+ y Jetur, Nafis,+ Nodab nunakunawampis.
20 Guërrachö këkarmi Teyta Diosman mañakuyarqan, tsëmi pëman confiakuyaptin Teyta Dios yanaparqan. Y hagrïta nunakunata y yanapaqninkunatam guërrachö venciyarqan.+
21 Tsënö vencirirmi cincuenta mil camëllunkunata, doscientus cincuenta mil üshankunata y dos mil ashnunkunata apakuyarqan. Tsënöllam cien mil nunakunatapis prësu apakuyarqan.
22 Teyta Dios+ yanapaptinmi mëtsikaq nunakunata wanutsiyarqan. Tsënö ushakäratsirmi markankunachö täkuyarqan* prësu ëwayanqan witsanyaq.+
23 Manasespa+ pullan kastankunaqa täkuyarqan* Basanpita qallëkur hasta Baal-Hermonyaq,+ Seniryaq y Hermon jirkayaqmi. Pëkunaqa mëtsikaqmi kayarqan.
24 Cada familiachö dirigeqkunam kayarqan Ëfer, Isï, Eliel, Azriel, Jeremïas, Hodavïas y Jahdiel. Pëkunaqa pelyëta alli yachaq, respetashqa y familiankunata dirigeq nunakunam kayarqan.
25 Peru pëkunaqa jukwan jukwan kakoq* cuentam, unë kastankunapa Diosninkunata dejaskir tsë markakunachö nunakunapa santunkunata adorayarqan, tsë nunakunataqa Diosmi ushakätsishqa karqan.+
26 Tsëmi Israelpa Diosninqa, Asiria nacionpa gobernantin Pulta+ (o Tiglat-Pilëserta+) pensaratsirqan Rubenpa kastankunata, Gadpa kastankunata y Manasespa pullan kastankunata prësu apakunampaq. Tsëmi Halä, Habor y Harä markakunaman y Gozan mayu*+ kuchunman gobernanti Pul prësu apakurqan. Y tsëchömi kananyaq kawakuyan.
Nötakuna
^ Kënöpis niyanmi: täräyarqan; pärayarqan.
^ Kënöpis niyanmi: täräyanqan; pärayanqan.
^ Kënöpis niyanmi: riu.
^ Kënöpis niyanmi: toldunkunapa.
^ O “inti o rupay yarqamunan lädupam”.
^ Kënöpis niyanmi: täräyarqan; pärayarqan.
^ Kënöpis niyanmi: täräyarqan; pärayarqan.
^ Kënöpis niyanmi: täräyarqan; pärayarqan.
^ Kënöpis niyanmi: täräyarqan; pärayarqan.
^ O “oqllanakoq”.
^ Kënöpis niyanmi: riu.
