1 Crönicas 7:1-40
7 Isacarpa chuskun tsurinkunam kayarqan Tolä, Pua, Jasub y Simron.+
2 Toläpa tsurinkunam kayarqan Uzï, Refayä, Jeriel, Jahmäi, Ibsam y Semuel. Pëkunam familiankunachö dirigeqkuna kayarqan. Toläpa kastankunam kayarqan alli pelyëta yachaq soldädukuna, y David gobernanqan witsampaqqa veintidos mil seiscientus soldädukunam kayarqan.
3 Uzïpa kastanmi Izrahïas karqan, y Izrahïaspa tsurinkunam kayarqan Miguel, Abdïas, Joel y Isïas. Pitsqankunam familiankunachö dirigenti kayarqan.
4 Pëkunapa y pëkunapa kastankunapaqa atskam warminkuna y wamrankunapis karqan, tsëmi unë familiankunachö mandakoqkunapa kastankunaqa kayarqan treinta y seis mil soldädukuna. Pëkunaqa guërrachö alli pelyëta yachaqkunam kayarqan.
5 Isacarpa wakin kastankunanam guërrachö alli pelyëta yachaq ochenta y siëti mil soldädukuna kayarqan. Pëkunapa jutinkunam qellqarëkan unë familiankunapa jutinkuna apuntaranqan libruchö.+
6 Benjaminpa+ kiman tsurinkunam kayarqan Bëla,+ Bëker+ y Jediael.+
7 Bëlapa pitsqa tsurinkunam kayarqan Ezbon, Uzï, Uziel, Jerimot y Irï. Pëkunam kayarqan familiankunachö dirigentikuna y alli pelyëta yachaq soldädukuna. Unë familiankunapa jutinkuna apuntaranqan libruqa+ veintidos mil treinta y cuatru kayanqantam willakun.
8 Bëkerpa tsurinkunam kayarqan Zemirä, Joas, Eliezer, Elioenäi, Omrï, Jeremot, Abïas, Anatot y Alëmet. Pëkunam kayarqan Bëkerpa llapan tsurinkuna.
9 Pëkunaqa veinti mil doscientus alli pelyëta yachaq soldädukunam kayarqan y familiankunachöpis dirigentim kayarqan. Tsënömi unë familiankunapa jutinkuna apuntaranqan libruchö qellqarëkan.
10 Jediaelpa+ kastanmi karqan Bilhan, Bilhanpa tsurinkunam kayarqan Jeus, Benjamin, Ehud, Kenaanä, Zetan, Tarsis y Ahisähar.
11 Pëkunam Jediaelpa kastankuna* kayarqan. Unë familiankunapa jutinkuna apuntaranqan libruchöqa diecisiëti mil doscientus alli pelyëta yachaq guërrapaq soldädukuna kayanqantam willakun.
12 Irpa+ tsurinkunam Supim y Hupim jutiyoq nunakuna kayarqan. Aherpa kastankunam husim nunakuna kayarqan.
13 Neftalïpa tsurinkunam+ kayarqan Jahziel, Gunï, Jëzer y Salum. Pëkunam kayarqan Bilhäpa+ willkankuna.
14 Manasespa+ tsurinkunam kayarqan Asriel, pëpa mamanqa Siria nacionpita warmim* karqan. (Tsë warmipa wawanmi Makirpis+ karqan, y pëmi Galaadpa papänin karqan.
15 Makirmi Hupim y Supim jutiyoq nunakunapaq warminkuna ashirqan. Y pëkunapa paninmi Maacä karqan). Juk kaq tsurinnam Zelofehad+ karqan. Zelofehadpaqa manam ollqu tsurinkuna karqantsu, warmillam karqan.+
16 Makirpa warminmi Maacä karqan. Tsë warmichömi Makirpa tsurin Peres yurikurqan. Perespa wawqinmi Seres karqan. Y wamrankunam Ulamwan Rëquem kayarqan.
17 Ulampa tsurinmi Bedan karqan. Pëkunam Galaadpa kastankuna kayarqan. Galaadpa papäninmi Makir karqan y Makirpa papäninmi Manases karqan.
18 Galaadpa paninmi Hamolëket karqan. Hamolëketpa wawankunam kayarqan Isod, Abi-Ezer y Mahlä.
19 Semidäpa tsurinkunam kayarqan Ahian, Siquem, Liquï y Aniam.
20 Efrainpa tsurinmi+ Sutëlah karqan, Sutëlahpa+ tsurinmi Bered karqan, Beredpa tsurinmi Tähat karqan, Tähatpa tsurinmi Eleadä karqan, Eleadäpa tsurinmi Tähat karqan,
21 Tähatpa tsurinmi Zabad karqan, Zabadpa tsurinmi Sutëlah karqan, Sutëlahpa tsurinkunam Ëzer y Elead kayarqan. Pëkunataqa Gat nunakunapa+ animalninkunata suwakoq ëwaqtam wanuratsiyarqan.
22 Papänin Efrainqa wanutsiyanqampitam llakikur waqar kakurqan, tsëmi wakin familiankuna shoqaq ëwayarqan.
23 Tsëpitanam Efrainpa juk mas tsurin yurirqan, y Berïas nirmi jutin churarqan. Tsënöqa churarqan familianchö mana allipa pasëkäyaptin yurikushqa kaptinmi.
24 Y warmi wamrannam Seerä karqan, pëmi Bet-Horon Bäja,+ Bet-Horon Alta+ y Uzen-Seerä markakunata shäritsirqan.
25 Pëpa kastankunam Rëfahwan Rësef kayarqan. Rësefmi Tëlahpa papänin karqan, Tëlahmi Tahanpa papänin karqan,
26 Tahanmi Ladanpa papänin karqan, Ladanmi Amihudpa papänin karqan, Amihudmi Elisamäpa papänin karqan,
27 Elisamämi Nunpa papänin karqan y Nunmi Josuëpa+ papänin karqan.
28 Efrainpa kastankunaqa kawakuyarqan Betel markachö+ y ichik markankunachö, inti o rupay yarqamunan lädu Naaran markachö, inti o rupay jeqanan lädu Guëzer markachö y ichik markankunachö, Siquem markachö y ichik markankunachö, Ayya markachö y ichik markankunachömi.
29 Tsënöllam kawakuyarqan Manasespa kastankuna täkuyanqan* amänun Bet-Sean+ markachö y ichik markankunachö, Taanac markachö+ y ichik markankunachö, Meguidö markachö+ y ichik markankunachö, Dor markachö+ y ichik markankunachö. Tsë markakunachömi Israelpa tsurin Josëpa kastankuna kawakuyarqan.
30 Aserpa tsurinkunam kayarqan Imnä, Isvä, Isvï y Berïas.+ Y warmi tsurimpa jutinnam Sërah+ karqan.
31 Berïaspa tsurinkunam Hëberwan Malkiel kayarqan. Malkielmi Birzayitpa papänin karqan.
32 Hëberpa tsurinkunam kayarqan Jaflet, Somer y Hotam. Paninkunam Süa karqan.
33 Jafletpa tsurinkunam kayarqan Pasac, Bimhal y Asvat. Pëkunam Jafletpa tsurinkuna kayarqan.
34 Sëmerpa tsurinkunam kayarqan Ahï, Rohgä, Jehubä y Aram.
35 Wawqin Hëlempa tsurinkunam kayarqan Zofä, Imnä, Sëles y Amal.
36 Zofäpa tsurinkunam kayarqan Süaj, Harnëfer, Sual, Berï, Imrä,
37 Bëzer, Hod, Samä, Silsä, Itran y Beerä.
38 Jeterpa tsurinkunam kayarqan Jefunë, Pispä y Ara.
39 Uläpa tsurinkunam kayarqan Arä Haniel y Rizïa.
40 Pëkunam Aserpa kastankuna kayarqan. Pëkunaqa kayarqan familiankunachö mandakoqkuna, alli pelyëta yachaqkuna y soldädukunapa llapan mandaqninkunapa mandaqninkunam. Pëkunapa jutinkunam qellqarëkan unë familiankunapa jutinkuna apuntaranqan libruchö+ y llapanqa guërrapaq veintiseis mil soldädukunam kayarqan.+
Nötakuna
^ Hebreu idiömachöqa “tsurinkuna” ninmi.
^ Hebreu idiömachöqa “concubïnam” ninmi. Rikäri “Bibliachö palabrakunata entiendinapaq” neqta.
^ Kënöpis niyanmi: täräyanqan; pärayanqan.
