1 Rëyes 7:1-51
7 Tsënöllam Salomonqa palaciu wayita ruratsirqan,+ y tsë llapantaqa trëci watachöran ushatsirqan.+
2 Juk kaq wayimpam jutin karqan Lïbanu Monti.+ Tsë wayipa largunqa karqan cuarenta y cincu metrusmi,* anchunnam karqan veintidos metruspitapis mas* y altunnam karqan trëci metruspitapis mas.* Chusku fïla cedru qerukunata shëkatsirmi,* jananman cedru terrädukunata churatsirqan.+
3 Cada fïlamanmi quinci terrädukunata churatsirqan y llapanqa cuarenta y cincum karqan. Y tsë terrädukunapa jananmannam cedru tablawan entablatsirqan.
4 Ventänakunaqa kiman pïsuchöpis fïlëpam karqan, y frenti frentim karqan.
5 Frenti frenti këkaq ventänakunapa marcunkunanömi, llapan punkukunapa marcunkunapis cuadrädu listonpita karqan.
6 Tsëpitanam columnakunallawan* juk jatun pasadïzuta* ruratsirqan. Tsë pasadïzupa largunqa veintidos metruspitapis masmi* karqan y anchunnam trëci metruspitapis mas* karqan. Tsë pasadïzuman qaqaraqtam, juk pasadïzu masta columnakunallawan ruratsirqan.
7 Demandakoqkunata atiendinampaqpis juk jatun sälatam* ruratsirqan.+ Y gobernar täkunanman jamëkurmi juzgaq. Tsë sälamanqa, terrädupita patsayaqmi cedru tablata churatsirqan.
8 Tsënöllam täkunampaq* wayitapis+ atiendikunan Sälatanö ruratsirqan. Y warmimpaq wayitapis tsë Sälatanöllam ruratsirqan. Tsë warmiqa Egiptuchö gobernaqpa wamranmi karqan.+
9 Salomonqa tsë wayikunata cimientupita ushananyaq y jatun patiu+ lädunkunayaqmi cuestaq rumikunawan+ ruratsirqan. Y shumaq patsakänampaqmi tsë rumikunaqa ishkan lädumpa shumaq roqushqa y labrashqa karqan.
10 Cimientuman churayanqan rumikunaqa jatusaq y cuestaqmi karqan. Wakin rumikunaqa cäsi chusku metru pullanyoqmi* karqan y wakinnam kima metru pullanyoq* karqan.
11 Tsë cimientu rumikuna jananmannam labrashqa cuestaq shumaq rumikunata y cedru qerukunata churatsirqan.
12 Tsëpitanam Jehoväpa templumpa ichik patiunta+ corralatsinqannölla,+ jatun patiutapis corralatsirqan kima hilëra llaqllashqa rumikunawan y jananmannam juk hilëra cedru qeruta churatsirqan.
13 Gobernanti Salomonqa Tïru markapitam, Hiram+ jutiyoq nunata qayatsimurqan.
14 Tsë nunapa mamanqa Neftalïpa kastampita viuda warmim karqan. Y papäninqa Tïru markapitam kashqa karqan, pëqa cobripitam shumaq cösaskunata rurëta yacharqan.+ Salomon qayatsiptinmi Hiramqa ëwarqan y llapantapis munanqantanömi rurapurqan.
15 Hiramqa cobrita tsulluykatsirmi ishkë columnakunata rurarqan.+ Tsë columnakunapa altunqa puwaq metrum* karqan, y titanqa o tetanqa* tumëpa mediyaptinqa pitsqa metrupitapis masmi* karqan.+
16 Tsë columnakunapa puntanman churanampaqnam ishkë jatusaq adornukunata* rurarqan. Cada adornupa altunqa ishkë metru masmi* karqan.
17 Y tsë adornukunaman churanampaqnam catorci cadënakunata rurarqan. Qanchis cadënakunata mällatanö rurëkur+ cada adornuman churariptinnam tukupa nawinnöraq rikakurqan.
18 Y tsë mällaman ishkë fïlata warkunampaqmi granäda früta niraq adornukunata rurarqan. Tsëqa karqan ishkan jatusaq adornukunachömi.
19 Y tsë adornukunachö mas jatusaq dibüjukunaqa liriu wëtakunam karqan y cäsi ishkë metrunömi* medirqan.
20 Ishkan columnakunapa puntanchömi, jatusaq adornukuna karqan. Y tsë adornukunapa pachanchö këkaq liriu wëta jawampam,* ishkë fïlapa doscientus granädakuna tumamoq.+
21 Templuman yëkuna pasadïzupa punkunmanmi tsë ishkan columnakunata churarqan.+ Derëcha* kaq läduchö shäraq* columnatam Jakin* nir jutin churarqan y izquierda* kaq läduchö shäraq columnatanam Boaz* nir jutin churarqan.+
22 Columnakunapa puntanchö jatusaq adornukunaqa, liriu wëta niraqmi karqan. Tsënömi ishkan columnakunata rurar usharqan.
23 Tsënöllam Hiramqa yakuta winayänampaq cobrita tsulluykatsir jatun redondu lavatoriuta rurarqan.+ Tsë lavatoriutam Mar nir jutin churayarqan. Tsë lavatoriupa anchunqa cäsi chusku metru pullanmi* karqan, altunnam ishkë metru mas* karqan y tumatsipa midiyaptinnam trëci metrus mas* karqan.+
24 Tsë lavatoriupa pullan pachampam calabäzu niraq adornukuna+ ishkë fïla karqan. Cada cuarenta y cincu centïmetruschömi* chunka calabäzukuna karqan. Tsëtaqa jatun lavatoriuwan juntullatanam rurarqan.
25 Tsë jatun lavatoriutaqa,* cobripita rurashqa döci törukunapa waqtanmanmi churayarqan.+ Törukunaqa waqtapuram kayarqan, kimam rikaraq norti läduman, kimam rikaraq inti o rupay jeqanan läduman, kiman rikaraq sur läduman y kimanam inti o rupay yarqamunan läduman.
26 Tsë lavatoriupa raktanqa qanchis centïmetru masmi* karqan. Y shiminqa cöpapa shiminnömi o liriu wëtanömi karqan. Tsë lavatoriumanqa yëkoq cuarenta y cuatru mil litrus* yakum.
27 Tsëpitanam yakuta puritsiyänampaq takshalla chunka carrëtakunata cobripita rurarqan.+ Cada carrëtapa anchumpis y largumpis cäsi ishkë metrunömi* karqan y altunnam juk metru mas* karqan.
28 Tsë carrëtakunapa chuskun lädunchömi marcukunata rurarqan, y tsë marcukuna chowpinmannam* cobripita taksha tablakunata churarqan.
29 Tsë cobripita tablankunachömi leonkuna, törukuna y querubin angelkuna+ dibujararqan. Marcunkunachöpis tsë dibüjullam karqan. Y leonkunapa+ mas janan marcuchö y törukunapa mas jawan* marcuchönam guirnalda wëtakuna dibujashqa* karqan.
30 Cada carrëtapam chusku ruëdankuna karqan. Ruëdakuna, ruëdakunata kinrëpa y witsëpa tsaraqkunapis cobripitam karqan. Tïnata tsaraqnimpis cobripitam karqan y guirnalda wëtakunawan adornashqam karqan.
31 Tïnapa altunqa cuarenta y cincu centïmetrusmi* karqan. Shiminqa redondum karqan y jananchö corönayoqmi karqan. Tïnata tsaraqnimpita hasta corönayaq mediyaptinqa sesenta y siëti centïmetrusmi* karqan. Corönanqa dibüjukunayoqmi karqan. Y tsë coröna lädunchö tablakunaqa cuadrädum karqan.
32 Ruëdankunaqa carrëtapa chuskun esquïnankunachömi karqan y tsaraqninqa carrëtawan juntashqa piëzallam karqan. Ruëdakunapa altunqa sesenta y siëti centïmetrusmi* karqan.
33 Ruëdankunaqa jatun carrëtakunapa ruëdankunanömi karqan. Tsë ruëdankunata, tsaraqninkunata, räyunkunata y cübunkunataqa cobrita tsulluykatsirmi rurashqa karqan.
34 Carrëtakunapa chuskun esquïnanchö tsaraqninqa, carrëtawan juntashqa piëzallam karqan.
35 Y carrëtapa jananchö këkaq corönapa altunqa veintidos centïmetrusmi* karqan y tïnapa entëru kuchumpam tumamoq. Marcumpis y cobripita cuadrädu tablankunapis juk piëzallam karqan.
36 Marcunkunachö y cobripita cuadrädu tablankunachöqa querubin angelkuna, leonkuna y palmërakunam dibujararqan y entëru kuchumpanam guirnalda wëtakuna karqan.+
37 Tsënömi chunka carrëtakunata rurarqan.+ Llapantapis tsë niraqllata y tsë tamäñullatam cobrita tsulluykatsir rurarqan.+
38 Tsëpitanam cobripita jatusaq chunka tïnakunata rurarqan.+ Tsë tïnakunapa anchunqa cäsi ishkë metrum* karqan, y tsëmanqa ochocientus ochenta litrus* yakum yëkoq. Chunka carrëtakunapam tïnankuna karqan.
39 Tsëpitanam templupa derëcha kaq lädunman pitsqa carrëtakunata churarqan y izquierda kaq lädumampis pitsqatam churarqan, y Mar niyanqan jatun lavatoriutanam templupa yëkuna frentinman churarqan.+
40 Tsënöllam Hiramqa+ taksha lavatoriukunata, pälakunata+ y tazonkunata rurarqan.+ Tsënömi Hiramqa, Salomon contratanqannölla Teyta Jehoväpa templumpaq llapanta rurar usharqan.+
41 Tsë ruranqankunaqa karqan: ishkë jatusaq columnakuna,+ columnakunapa puntanchö ishkë jatusaq adornukuna, tsë jatusaq adornukunachö ëwaq cadënakunapita rurashqa mällakuna,+
42 tsë mällakuna jananchö ishkë fïlapa ëwaq granäda früta niraq cuatrocientus adornukuna,+ y jatusaq adornukunata tazonnö tsaparaqkunam. Tsë jatusaq adornukunaqa ishkan columnakunapa puntanchömi karqan.
43 Tsënöllam karqan chunka carrëtakuna,*+ carrëtakunapa jananchö ëwaq chunka tïnakuna,+
44 Mar niyanqan+ jatun lavatoriu y tsëta tsaränampaq döci törukuna.
45 Tsënöllam rurarqan baldikunata, pälakunata, tazonkunata y mas cösaskunata. Tsë llapantam Hiramqa Jehovä Diospa templunchö kanampaq Salomon contratanqannölla cobripita chipapäkoqta rurarqan.
46 Gobernanti Salomonqa mandakurqan, mitupita moldita rurëkur cobrita tsulluykatsir winayänampaqmi. Tsëtaqa rurayarqan Jordan mayupa* kuchun pampachömi, Sucot sitiuwan Zaretan sitiu tinkoqchö.
47 Salomonqa mëtsika cösaskunatam cobripita ruratsishqa karqan. Tsëmi ëka cobrita utilizanqantapis pesatsirqannatsu.+
48 Tsënöllam Salomonqa Jehoväpa templunchö kanampaq cösaskunata örupita ruratsirqan, y këkunam karqan: altar;+ Teyta Diospaq tantata churayänan mësa;+
49 Alläpa Sagrädu Cuartuchö cada läduman pitsqata churayanqan alli kaq örupita candelabrukuna;+ wëtakuna;+ chiwchikuna; mëchata upitsina pinzakuna;+
50 matikuna, mëchata upitsina pinzakuna;+ tazonkuna; cöpakuna;+ y alli kaq örupita carbonta puritsiyänankuna.+ Tsë llapanmi örupita karqan. Tsënöllam sagrädu cuartuman yëkuna punkupa+ tumanan y Alläpa Sagrädu Cuartuman yëkuna punkupa+ tumanampis örupita karqan.
51 Gobernanti Salomonqa Jehovä Diospa templunta usharatsirmi, papänin David alistanqan cösaskunata aparqan.+ Plätata, öruta y mas cösaskunatam Jehovä Diospa väleq cösasninkuna churaränan cuartuman churarqan.+
Nötakuna
^ Hebreu idiömachöqa “100 cödusmi” ninmi. 1 cöduqa 44.5 centïmetrusmi mideq. Rikäri “Masllata musyanapaq” neqchö B14 kaqta.
^ Hebreu idiömachöqa “50 cödus” ninmi. 1 cöduqa 44.5 centïmetrusmi mideq. Rikäri “Masllata musyanapaq” neqchö B14 kaqta.
^ Hebreu idiömachöqa “30 cödus” ninmi. 1 cöduqa 44.5 centïmetrusmi mideq. Rikäri “Masllata musyanapaq” neqchö B14 kaqta.
^ Kënöpis niyanmi: ichïkatsirmi.
^ Tsë alartaqa “Columnayoq Alar”, nirmi reqiyaq.
^ Tsëqa karqan columnakunallawan rurashqa sälam.
^ Hebreu idiömachöqa “50 cödusmi” ninmi. 1 cöduqa 44.5 centïmetrusmi mideq. Rikäri “Masllata musyanapaq” neqchö B14 kaqta.
^ Hebreu idiömachöqa “30 cödus” ninmi. 1 cöduqa 44.5 centïmetrusmi mideq. Rikäri “Masllata musyanapaq” neqchö B14 kaqta.
^ Tsë sälataqa, “Justicia Säla” nirmi reqiyaq.
^ Kënöpis niyanmi: täränampaq; päranampaq.
^ Hebreu idiömachöqa “10 cödusmi” ninmi. 1 cöduqa 44.5 centïmetrusmi mideq. Rikäri “Masllata musyanapaq” neqchö B14 kaqta.
^ Hebreu idiömachöqa “8 cödus” ninmi. 1 cöduqa 44.5 centïmetrusmi mideq. Rikäri “Masllata musyanapaq” neqchö B14 kaqta.
^ Hebreu idiömachöqa “12 cödusmi” ninmi. 1 cöduqa 44.5 centïmetrusmi mideq. Rikäri “Masllata musyanapaq” neqchö B14 kaqta.
^ Kënöpis niyanmi: rakunqa.
^ Hebreu idiömachöqa “18 cödusmi” ninmi. 1 cöduqa 44.5 centïmetrusmi mideq. Rikäri “Masllata musyanapaq” neqchö B14 kaqta.
^ Tsë adornukunataqa, “capitel” nirmi reqiyaq.
^ Hebreu idiömachöqa “5 cödusmi” ninmi. 1 cöduqa 44.5 centïmetrusmi mideq. Rikäri “Masllata musyanapaq” neqchö B14 kaqta.
^ Hebreu idiömachöqa “4 cödusmi” ninmi. 1 cöduqa 44.5 centïmetrusmi mideq. Rikäri “Masllata musyanapaq” neqchö B14 kaqta.
^ Kënöpis niyanmi: qopimpam.
^ O “sur”.
^ Tsë jutiqa, capaz “kallpawan” ninan.
^ O “norti”.
^ Tsë jutiqa, “Pëmi (Jehovämi) alli patsakätsin” ninanmi.
^ Kënöpis niyanmi: ichiraq.
^ Hebreu idiömachöqa “10 cödus” ninmi. 1 cöduqa 44.5 centïmetrusmi mideq. Rikäri “Masllata musyanapaq” neqchö B14 kaqta.
^ Hebreu idiömachöqa “5 cödus” ninmi. 1 cöduqa 44.5 centïmetrusmi mideq. Rikäri “Masllata musyanapaq” neqchö B14 kaqta.
^ Hebreu idiömachöqa “30 cödus” ninmi. 1 cöduqa 44.5 centïmetrusmi mideq. Rikäri “Masllata musyanapaq” neqchö B14 kaqta.
^ Hebreu idiömachöqa “1 cöduchömi” ninmi. 1 cöduqa 44.5 centïmetrusmi mideq. Rikäri “Masllata musyanapaq” neqchö B14 kaqta.
^ Kë lavatoriutaqa, “Mar” nirmi reqiyaq.
^ Hebreu idiömachöqa “1 palmu menormi” ninmi. Rikäri “Masllata musyanapaq” neqchö B14 kaqta.
^ Hebreu idiömachöqa “2.000 batus” ninmi. 1 batuqa 22 litrusmi karqan. Rikäri “Masllata musyanapaq” neqchö B14 kaqta.
^ Hebreu idiömachöqa “4 cödusmi” ninmi. 1 cöduqa 44.5 centïmetrusmi mideq. Rikäri “Masllata musyanapaq” neqchö B14 kaqta.
^ Hebreu idiömachöqa “3 cödus” ninmi. 1 cöduqa 44.5 centïmetrusmi mideq. Rikäri “Masllata musyanapaq” neqchö B14 kaqta.
^ Kënöpis niyanmi: pullanninmannam.
^ Kënöpis niyanmi: qopin.
^ Capazchi tallashqa karqan.
^ Hebreu idiömachöqa “1 cödu” ninmi. 1 cöduqa 44.5 centïmetrusmi mideq. Rikäri “Masllata musyanapaq” neqchö B14 kaqta.
^ Hebreu idiömachöqa “1 cödu pullanmi” ninmi. 1 cöduqa 44.5 centïmetrusmi mideq. Rikäri “Masllata musyanapaq” neqchö B14 kaqta.
^ Hebreu idiömachöqa “1 cödu pullanmi” ninmi. 1 cöduqa 44.5 centïmetrusmi mideq. Rikäri “Masllata musyanapaq” neqchö B14 kaqta.
^ Hebreu idiömachöqa “pullan cödum” ninmi. 1 cöduqa 44.5 centïmetrusmi mideq. Rikäri “Masllata musyanapaq” neqchö B14 kaqta.
^ Hebreu idiömachöqa “4 cödusmi” ninmi. 1 cöduqa 44.5 centïmetrusmi mideq. Rikäri “Masllata musyanapaq” neqchö B14 kaqta.
^ Hebreu idiömachöqa “40 batus” ninmi. 1 batuqa 22 litrusmi karqan. Rikäri “Masllata musyanapaq” neqchö B14 kaqta.
^ O “yakuta puritsina carrëtakuna”.
^ Kënöpis niyanmi: riupa.
