1 Samuel 21:1-15
21 Tsëpitanam Davidqa Nob+ markata ëwar sacerdöti Ahimëlec kaqman charqan. Ahimëlecnam rikëkurnin mantsakar, “¿imanirtan japallëki shamurqunki? ¿Imanirtan pillapis yanaqäshurqunkitsu?”+ nir tapurqan.
2 Davidnam sacerdöti Ahimëlecta nirqan: “Israelchö gobernaqmi urgenti mandëkäman, y kënömi nimashqa: ‘Ruranëkipaq kaqta y imanö ruranëkipaq ninqaqtaqa ama pitapis musyatsitsu’. Yanapamaq ollqukunawanqa parlayarqö juk sitiuchö tinkuyänäpaqmi.
3 Pitsqa tantallä qarëkamë, o mana kaptinqa, imallatapis qarëkamë”.
4 Sacerdötinam Davidta nirqan: “Manam comun tantaqa kapamantsu, Teyta Diospaq churayanqan tantallam+ këkan. Yanapayäshoqniki ollqukuna warmikunawan mana punushqa kayaptinllam tsë tantataqa qarëkoqman”.+
5 Davidnam sacerdötita kënö nirqan: “Pelyaq ëwayänä kaptinqa manam imëpis warmikunawan kayätsu.+ Tsë kutikunachöpis cuidakuykarqa, kananqa masraqmi yanapamaq ollqukunaqa warmikunapita cuidakuyashqa”.
6 Tsënö niptinmi sacerdötiqa, comun tanta mana kaptin këkätsinqan Teyta Diospaq churayanqan tantata+ qarëkurqan. Tsë tantataqa, cambiuta rurayänan junaqmi frescu tantawan Jehovä Diosta adorayänan carpa* wayichö cambiatsishqa kayarqan.
7 Tsë junaqqa Saulpa üsha mitseqninkunapa mandaqnin Doeg+ jutiyoq edomïta+ nunam tsëchö këkarqan. Pëqa urgenti kaptinmi, Jehovä Diosta adorayänan carpa* wayi kanqan kaqchö quedakushqa kanaq.
8 Tsënam Davidqa Ahimëlecta tapurqan: “¿Manaku juk lanzëki o espädëki kapushunki? Israelpa gobernaqnin apurädu mandamaptinmi ni espädäta ni wakin armäkunatapis apamurqötsu”.
9 Sacerdötinam kënö nirqan: “Elä+ sitiuchö wanutsinqëki Goliat+ jutiyoq filisteu soldädupa espädanllam këchöqa këkan. Sagrädu mandilpa*+ qepanchömi juk ratashwan wankushqa churarëkan. Tsëllam kan, munarqa apakuy”. Davidnam, “tsëqa alli espädam, tsëta apakushaq” nirqan.
10 Tsë junaqmi Davidqa Saulpita qeshpir ëwakurnin,+ Gat+ markachö gobernaq Akis nunaman charqan.
11 Y sirweqninkunanam gobernaqnin Akista niyarqan: “¿Manaku pëqa Israel nacionpa gobernaqnin David? ¿Pëpaqku tushurëkar cantayaq,‘Saulqa miltam wanutsishqa o wañutsishqa,Davidnam diez milta wanutsishqa’’ nir?”.+
12 Tsënö niyaptinmi Davidqa Gat markachö gobernaq Akista alläpa mantsarqan.+
13 Y löcu niyänampaqmi, Akis rikëkaptin Davidqa löcutukurnin+ markapa jatun punkunkunata pintar usharqan, y lamatimpis o lawsampis shapran* urëpam shutukuykarqan.
14 Tsënam Akisqa sirweqninkunata nirqan: “¿Imapaqtaq kë löcuta apayämurqunki?
15 ¿Löcukuna pishiptinku këta apayämurqunki imëkata ruranampaq? ¿Wayïman yëkatsinätaku munëkäyanki?”.
Nötakuna
^ Kënöpis niyanmi: toldu.
^ Kënöpis niyanmi: toldu.
^ Hebreu idiömachöqa “efodpa” ninmi. Rikäri “Bibliachö palabrakunata entiendinapaq” neqta.
^ Kënöpis niyanmi: shaprun.
