2 Crönicas 15:1-19
-
Asä cambiukunata ruran (1-19)
15 Teyta Diosmi poderninwan Odedpa tsurin Azarïasta yanaparqan.
2 Tsëmi ëwarnin Asäta kënö nirqan: “¡Asä y llapëki Judä y Benjamin nunakuna wiyayämë! Jehovä Diosnintsikwan imëpis këkäyaptikiqa,+ pëpis qamkunawanmi këkanqa.+ Mandakunqannö kawakuyaptikiqa yanapayäshunkim, peru dejariyaptikiqa, pëpis dejariyäshunkim.+
3 Israelïtakunaqa, mëtsika tiempupam Diosnintsikta y leyninta dejarir kakuyarqan, manam pëkunachöqa ni jukllëllapis sacerdöti karqantsu.+
4 Peru imëka sufrimientupa pasar yanapanampaq rogakuyaptinqa, Jehovä Diosqa yanaparqanmi.+
5 Tsë witsankunaqa mëtsë nacionkunachömi imëka mana allikuna pasakoq, tsëmi mëta ëwarpis mantsakurlla puriyaq.
6 Imëka mana allikuna pasakunampaq Teyta Dios permitiptinmi, nacionkunachö y markakunachö täkoqkunaqa* pelyarlla kayaq.+
7 Tsënö kaptimpis qamkunaqa valientim kayänëki, ama qelanäkuriyëtsu,+ rurayanqëkipitaqa bendiciontam chaskiyanki”.
8 Azarïas tsënö niptin y Diospa willakoqnin Oded ninqanta wiyëkurmi, Asäqa valorarkur Judächö, Benjaminchö y duëñun tikranqan Efrain markakunachö këkaq melanëpaq santukunata ushakätsirqan.+ Y Jehoväpa templumpa pasadïzun puntanchö këkaq Jehoväpa altarnintam altsatsirqan.+
9 Asäta Jehovä Dios yanapëkanqanta musyarmi Manasespa, Simeonpa+ y Efrainpa wakin kastankunaqa markankunata dejarir Judäta ëwakushqa kayarqan. Y Asäqa pëkunata y llapan Judäpa y Benjaminpa kastankunatam qayatsirqan.
10 Quinci watapana Asä gobernëkaptinmi watapa kima kaq killanchö Jerusalen markachö juntakäyarqan.
11 Tsë junaqmi guërrachö chikeqninkunata vencirnin apayanqan setecientus törukunata y siëti mil üshakunata pishtëkur Jehovä Diospaq rupatsiyarqan.
12 Tsëpitanam unë kastankunapa Diosninkuna Jehoväta llapan shonqunkunawan y kawëninkunawan* sirwiyänampaq änikuyarqan.+
13 Israelpa Diosnin Jehoväta mana sirweq kaqtaqa mayor kaptin, wamra kaptin, ollqu kaptin o warmi kaptimpis wanutsiyänampaqmi parlayarqan.+
14 Trompëtakunata y waqrapita trompëtakunata tocarnin fuertipa qayëkacharmi Jehovä Diosta kushishqa äniyarqan.
15 Llapan shonqunkunawan änikushqa karmi llapan Judä nunakunaqa kushishqa kayarqan. Y Jehovä mandakunqannömi kawar qallëkuyarqan,+ tsëmi pëqa yanaparqan, tsënöpam mëtsëchöpis alli kawakuyarqan.+
16 Asäpa awilan Maacämi,+ sagrädu postita*+ adorayänampaq melanëpaq santuta ruratsishqa karqan, tsëtam gobernanti Asäqa Cedron pampachö pasëpa* ushakanqanyaq rupatsirqan. Y awilantapis mandakoq* kanqampitam qarqurqan.+
17 Peru manam Israelchö+ santukunata adorayänan sagrädu altu sitiukunataqa ushakätsiyarqantsu.+ Tsënö karpis Asäqa Teyta Diostam llapan shonqunwan wanukunqanyaq o wañukunqanyaq sirwirqan.+
18 Kikin rakinqan y papänin rakinqan* pläta metalta, öruta y mas cösaskunatam Teyta Diospa templunman aparqan.+
19 Treinta y cincu watapa Judächö Asä gobernanti kanqan witsanqa, manam guërra karqantsu.+
Nötakuna
^ Kënöpis niyanmi: täraqkunaqa; päraqkunaqa.
^ O “almankunawan”. Rikäri “Bibliachö palabrakunata entiendinapaq” neqta.
^ Rikäri “Bibliachö palabrakunata entiendinapaq” neqchö “sagrädu posti” neqta.
^ Kënöpis niyanmi: jankat.
^ O “reina”.
^ O “purificanqan”.
