Cantar de los Cantäres 1:1-17
-
Shumaq cancion (1)
-
Shipash (2-7)
-
Jerusalenpita warmikuna (8)
-
Gobernanti (9-11)
-
“Örupita shumaq adornukunata ruratsimushaq” (11)
-
-
Shipash (12-14)
-
“Kuyanqä jövinqa, ichiklla bolsachö këkaq shumaq pukutaq o mushkoq mïrranömi” (13)
-
-
Mitsikoq jövin (15)
-
“¡Alläpa shumaq shipashmi kanki!”
-
-
Shipash (16, 17)
-
“Alläpa shumaqmi kanki” (16)
-
1 Këchömi qellqarëkan, alläpa shumaq cancionta* Salomon qellqanqan.+
2 Sulamïta shipashmi kënö nin: “Shumaq shimikiwan, yapë yapëraq mutsarkamë.
Kuyamanqëkiwanqa, manam vïnupis igualantsu.+
3 Perfümikiqa, alläpa shumaqmi pukutan o mushkun,+y jutikiqa, pukutaq aceitita aqtsaman jichëkushqa shumaq ëwaqnöran.+
Tsëmi shipashkunapis kuyayäshunki.
4 ¡Gobernantim wayinman pushamashqa!
Qam apakamë.* Ishkantsik juntu kushishqa kashun, ¡aku, cörripa ëwakushun!
Aku, kuyanakunqantsikpita parlanapaq.
Kuyanakunqantsikta parlanqantsikqa, vïnupitapis masmi mishkin.
Tsëchi shipashkunaqa kuyayäshunki.
5 Jerusalenpita warmikuna, noqaqa yanalla karpis shumaqmi kä.
Quedarchö+ carpa* wayikunanörany Salomonpa wayinchö tëlankunanöran+ shumaq kallä.
6 Inti o rupay rupamashqa kaptinmiyanayashqa këkä,ama rikaräyämëtsu.
Turïkunam cölerar üvas plantakunata cuidanäpaq mandayämarqan.
Tsëmi, kikïpa üvasnïta dejëkur cuidaq ëwarqä.
7 Kuyanqä jövin, qamllatam alläpa kuyaq.
Willamë, ¿mëchötan mitsikunki?+
Pullan junaq achachanqan höraqa, ¿mëchötan üshëkikuna punuyan?
Willamaptikiqa, manam lütu mantata aqshukurkur* pureq warminöqa,amïguykikuna mitsikuyanqanchö ashirniki purishaqtsu”.
8 Jerusalenpita warmikunam kënö niyan: “Qamqa llapan warmikunapitapis mas shumaqmi kanki.
Kuyanqëki mëchö mitsikunqanta mana musyarqa, üshankunapa rastrunta rikar rikarlla qepanta ëwë.
Cabrëkikunata qatikurkur ëwë, y mitsikoqkunapa carpankuna* kaqchö mitsikuy”.
9 Salomonmi kënö nin: “Qamtaqa alläpam kuyaq.* Faraonpa+ carrëtankunata sutaq yëguanöran, alläpa shumaq kanki.
10 Shumaq adornukunata churakurkuptikiqa,* cärëkipis alläpa shumaqmi.
Wallqakunata wallqakurkuptikinäqa, kunkëkipis kuyëllapaqmi.
11 Peqëkiman o umëkiman churanëkipaqmi,pläta metalwan adornashqa örupita shumaq adornukunata* ruratsimushaq”.
12 Sulamïta shipashmi kënö nin: “Redondu mësanchö gobernanti tëkaptinmi,perfümïqa*+ kuyanqä jövinpaq pukutarkamun o mushkurkamun.
13 Kuyanqä jövinqa, ichiklla bolsachö këkaq shumaq pukutaq o mushkoq mïrranömi.+
Pëqa, pëchüllachömi imëpis waräkunqa.
14 Kuyanqä jövinqa, En-Guedïchö+ üvas chakrakuna rurinchöshumaq pukutaq o mushkoq alhëña+ plantanömi”.
15 Mitsikoq jövinnam kënö nin: “¡Alläpa shumaq shipashmi kanki! ¡Alläpam qamta kuyaq!*
¡Imëyaqpis kuyakuy munëmi kanki! Nawikipis palumapa nawinnöran alläpa shumaq”.+
16 Sulamïta shipashnam kënö nin: “Qampis, ¡alläpa shumaqmi kanki!+
Alläpam qamta kuyaq,* y cämantsikqa wëtakunam y plantakunam.
17 Wayintsikpis cedru qerumy tëchunkunapis enebru qerum.
Nötakuna
^ O “wakin cancionkunapita mas shumaq cancionta”.
^ Hebreu idiömachöqa “qaracharkur apakamë” ninmi.
^ Kënöpis niyanmi: toldu.
^ Kënöpis niyanmi: ashqukurkur.
^ Kënöpis niyanmi: toldunkuna.
^ Kënöpis niyanmi: kuyä.
^ O capazchi “piltashqa aqtsëkiwanqa”.
^ O “guirnaldakunata”.
^ Hebreu idiömachöqa “nardüqa” ninmi.
^ Kënöpis niyanmi: kuyä.
^ Kënöpis niyanmi: kuyä.
