Cantar de los Cantäres 3:1-11
3 Kuyanqä jövintam,paqaskunapa cämächö ashirqö.+
Peru mëläya ashirpis manam tarirqötsu.+
2 Sharkurmi entëru markapa asheq ëwashaq.
Mëtsë cällikunapa y pläzakunapam ashimushaq.
Kuyanqä jövinta ashimunäpaq dejëkayämë.
Mëtsëpa ashirpis manam tarïtsu.
3 Tsënö purikarmi markata cuidaq guardiakunawan tinkurqä.+
Y pëkunatam “¿rikäyarqunkiku kuyanqä jövinta?” nir tapurqä.
4 Peru tapukunqäpita pasarirllanam,kuyanqä jövinta tarirqä.+
Tsënam tsarikurkur dejarqätsu.
Waqurkurmi o makallarkurmi mamänïpa wayinman pusharqä.
Wachamaqnïpa wayinmanmi aparqä.
5 Jerusalenpita warmikuna rogakuyashqëki,china luychukuna* shumaq kayanqanta yarparkur,*mana kuyanqäta kuyanäpaq ama parlapäyämëtsu ni obligayämëtsu”.+
6 Sionpita warmikunam kënö niyan: “¿Imatan tsunyaq sitiupaqa pukutënöraq shamuykan?
¿Imatan negociantikuna rantikuyanqan mïrranöraq,olïbanunöraq y perfüminöraq pukutämun o mushkümun?”.+
7 “Rikë, taqëqa Salomonpa jamakunan shumaq sïllanmi.*
Sesenta puëdeq soldädukunapa chowpinchömi* apëkäyämun.
Taqë soldädukunaqa Israelchö mas puëdeq soldädukunam kayan.+
8 Paqaspa ima peligrupitapis defendiyänampaqmi,llapankunapis espädankunawan këkäyan.
Llapankunapis guërrachö alli pelyëta yachaq soldädukunam kayan.
Y tseqllankunachömi espädankunata këkätsiyan”.
9 Taqëqa gobernanti Salomonpa jamakunan shumaq sïllanmi.
Tsëtaqa Lïbanuchö qerukunawanmi ruratsirqan.+
10 Parantintam pläta metalpita ruratsishqay wakin tsaraqninkunatanam örupitay jamakunantanam granäti millwapita.
Rurintanam Jerusalen warmikuna shumaq adornayashqa.
11 Sionpita warmikuna yarqayämuy.
Gobernanti Salomonta rikäyë.
Mamänin wëtapita rurapunqan+ corönashqam* këkan.
Casakunqan junaq, kushishqa kanqan junaqmitsë corönataqa rurapurqan.
Nötakuna
^ Hebreu idiömachöqa “gacëlakuna” ninmi, tsë animalqa Israelchömi kan y luychu niraqmi.
^ Hebreu idiömachöqa “yarparkur äniyämë” ninmi.
^ Tsë sïllaqa reqishqa nunakunata puritsiyänampaq entërumpa tsapashqam karqan.
^ Kënöpis niyanmi: pullanninchömi.
^ O “guirnaldashqam”.
