Cantar de los Cantäres 6:1-13
6 Jerusalenpita warmikunam kënö niyan: “Qamqa, wakin shipashkunapitapis mas shumaqmi kanki.
Kuyanqëki jövinqa, ¿mëpatan ëwakushqa?
¿Më nänipatan ëwashqa?
¡Aku, ashimushun!”.
2 Sulamïta shipashnam kënö nin: “Kuyanqä jövinqa huertan kaqtam* ëwarqan,pukutaq o mushkoq plantankuna kaqta.
Tsëtaqa ëwarqan, huertan kaqchö üshanta mitsikunampaq,y liriu wëtakunata pallamunampaqmi.+
3 Kuyanqä jövinqa noqallatam kuyaman,y noqapis pëllatam kuyä.+
Pëqa liriu wëtakuna rurinchömi üshanta mitsikun”.+
4 Salomonmi kënö nin: “Kuyëllapaq shipash, qamqa Tirzä+ markanö* shumaqmi kanki,+Jerusalen markanö shumaqmi kanki.+
Guërraman ëwayänampaq listu këkaq soldädukunanöran kanki.+
5 Rikaramaptikiqa löcuyaritapis munämi,+ama rikarämëtsu.
Aqtsëkiqa alläpa shumaqmi,Galaad jirkakunapita urämoq mëtsika cabranöran.+
6 Kiruykipis bañatsishqa atska üshanömi,shumaq yuraqaräkun.
Llapampis parëjumy manam jukllëllapis faltantsu.
7 Vëluyki rurinchö cärëkipisishkëman partishqa granädanöran këkan.
8 Sesenta reinäkuna kaptimpis,sirwimaqnï warmïkunata* ochentata wätaptïpis,y mëtsika shipashnïkuna kaptimpis,+
9 jukllëllam shumaq palumïtäqa,+ kuyëllapaq palumïtäqa.
Pëtaqa mamampis alläpam kuyëkun,imë hörapis pëllamanmi yarparëkan.
Shipashkuna rikëkurpis pëpaqqa allitam parlayan.
Reinäkuna y wätanqä warmïkunapis* kënö nirmi alabayan:
10 ‘Pëqa killanö* shumaqmi,patsa warämuptin atsikyaq aktsinöran,inti o rupay chipapaqnöran.
Guërraman ëwayänampaq listu këkaq soldädukunanöran’”.+
11 Sulamïta shipashmi kënö nin: “Ura pampatam nogal plantakuna+ këkanqan huertaman rikapakoq ëwarqä.
Rikëtam munarqä tukuyläya plantakunata,üvas plantakuna tseqllimushqana* o manaraq tseqllimushqa kanqantay granäda planta wëtashqana o manaraq wëtashqa kanqanta.
12 Tsëkunata rikëta munarmi ëwarqä,peru cuentata mana qokurmi,alläpa respetashqa nunakunapa carrëtankuna këkanqanman charqä”.
13 Salomon y pëwan këkaqkunam kënö niyan: “Sulamïta shipash ama ëwakullëtsu, kutikallämuy.
Ama dejayämëtsu,shumaq kanqëkitam imëpis rikaräkuyta munayä”.
Sulamïta shipashnam kënö nin: “¿Imanirtan qamkunaqa quedakunäta munayanki?”+
Salomon y pëwan këkaqkunam kënö niyan: “Atska nunakuna ishkë grüpuman rakikar shumaq tushuykaqnöran qamqa kanki”.*
Nötakuna
^ O “cuadru cuadru rurashqachö këkaq plantakuna kaqtam”.
^ O “Yachanëpaq markanö”.
^ Hebreu idiömachöqa “concubïnäkunata” ninmi. Rikäri “Bibliachö palabrakunata entiendinapaq” neqta.
^ Hebreu idiömachöqa “concubïnäkunapis” ninmi. Rikäri “Bibliachö palabrakunata entiendinapaq” neqta.
^ O “tinkoq killanö; pampa killanö; jatun killanö; juntana këkaq killanö”.
^ O “wëtamushqana”.
^ O “Mahanaimchö tushuykaqnöraq”.
