Isaïas 1:1-31
1 Uzïas,+ Jotan,+ Acaz+ y Ezequïas,+ Judächö+ gobernayanqan witsanmi, Amozpa tsurin Isaïasqa*+ Judächö y Jerusalenchö nunakunata ima pasanampaq kaqta revelacionchö rikanqan.
2 Ciëluchö y patsachö këkaqkuna+Teyta Jehovä kënö ninqanta alkäbu wiyayë:
“Shumaq wätëkaptï y shumaq yachatsishqa këkaptïmi+tsurïkunaqa mana cäsukoq tikrayashqa.+
3 Törupis duëñunta reqinmiy ashnupis musyanmi duëñun mëchö qaranqanta,peru Israel nunakunaqa manam noqata reqiyämantsu*+y sirwimaqnïkuna këkarmi imatapis alli entiendeq nunanötsu portakuyan”.
4 ¡Allaw jutsa* ruraq nunakuna.+
Qamkunaqa imëkapitam culpayoq kayankiy mana allikunata rurarmi imëka mana allikunaman chäyanki!
Qamkunaqa Teyta Jehovätam dejayarqunki,+Israelpa Limpiu Diosnintam respetayarqunkitsu,y pëpitam rakikäkuriyarqunki.
5 Peqëkikunapis o umëkikunapis herïdallanam këkan,y shonquykikunapis mana allim këkan.+
¿Imanirtan mas castigashqa këta munayanki?
¿Imanirtan mana cäsukoq kar sïguiyanki?+
6 Chaki puntëkikunapita peqa o uma puntëkikunayaqmiimëkikunapis sänuqa kannatsu.
Entëru cuerpuykikunam herïdallana,qoyullana y kicharëkaq herïdallana këkan,y manam jampiyashqatsu,vendayashqatsu ni aceitin jichayashqatsu.+
7 Markëkikunapis tsunyaqmi këkan,y ninawanmi ushakätsiyashqa.
Rikëkäyaptikim juk nacion nunakunachakrëkikunachö muruyanqëkikunata apakuykäyan.+
Markëkikunaqa chikeqninkuna ushakätsiyanqanmarkanömi tsunyaq quedarishqa.+
8 Sion markaqa üvas chakrachö dejashqa ramädanöy pepinïllu chakrachö dejashqa tsukllanömi quedashqa,y chikeqninkunapis tsë markapa entëru lädunchömi këkäyan.+
9 Angelkunata mandaq Teyta Jehoväwakinllatapis mana salvashqa kaptinqa,Sodöma y Gomörra markakunachö nunakunanöchillapantsik ushakashwan karqan.+
10 Sodömachö+ gobernaqkuna,Teyta Jehovä ninqanta wiyakuyë,y Gomörrapita+ nunakuna,Teyta Diosnintsik mandakunqanta* cäsukuyë.
11 Teyta Jehovämi nin:
“¿Imapaqtan sirwiman apayämunqëki qarëkuna?+
Carnërukunata y wira* animalkunapa wiranta+rupatsiyämunqëkitapis manam munänatsu,+y mallwa törukunapa,+ üshakunapay cabrakunapa+ yawarnintapis manam munänatsu.+
12 Qamkunaqa puntämanmi adoramaq shayämunki,+peru ¿pitan patiükunata jaroq shayämunëkipaq obligayäshunki?+
13 Imapaqpis mana väleq gränupita rurashqa qarëkunata apayämuynatsu.
Inciensuta rupatsiyämunqëkipis manam gustamannatsu.+
Qamkunaqa llullu killachömi+ fiestakunata rurayanki,säbadutam respetayanki+ y alabayämänëkipaqmi juntakäyanki,+tsënö kaptimpis, adorayämänëkipaq juntakarqa magiatam rurayanki,+tsëqa manam ni ichikllapis gustamantsu.
14 Llullu killachö rurayanqëki fiestakunatay noqapaq rurayämunqëki fiestakunatapis chikïmi.
Qamkunaqa lasaq qepinömi noqapaq tikrayarqunki,tsëmi qamkunata aguantänatsu.*
15 Makikikunata pallarkur* mañakayämuptikipis,manam qamkunata rikätsu.*+
Nuna mayikikunata wanutsiyaptikim,+mëtsika kuti mañakayämuptikipis,+mañakayämunqëkitaqa wiyätsu.+
16 Bañakuyë y imëpis limpiu kayänëkipaq kallpachakuyë.+
Ama rikënïchö mana allikunata rurayënatsu,y mana alli rurëkunata dejayë.+
17 Alli rurëkunata yachakuyë y imëpis alli kaqllata rurayë.+
Wakinkunata sufritseqkunata corregiyë,papäninnaq kaqkunapa derëchunta defendiyëy viudakunata defendir parlayë”.+
18 Teyta Jehovämi nin: “Parlanapaq shayämuy,y rikënïchö alli kayänëkipaqmi corregir yanapayashqëki.+
Jutsëkikuna* yawarnö puka kaptimpis,rashtanömi*+ yuraq tikranqa, puka tëlanö kaptimpis,yuraq millwanömi tikranqa.
19 Ninqäkunata cäsukurqa,kë markakunachö imëka allikuna wayunqantam mikuyanki.+
20 Peru ninqäkunata mana cäsukur y conträ churakäyaptikiqa,espädawanmi wanutsiyäshunki.+
Kikï Jehovämi tsënö kanampaq kaqta nikä”.
21 ¡Rikäyë! Teyta Diosta mana dejëpa sirweqkunam+qellëpaqrëkur jukwan jukwan kakoq* warminö portakuykan.+
Kë markachöqa, mëtsëchömi alli kaqllata rurayaq.+
Awmi, llapan nunakunam alli kaqllata rurayaq,+peru kananqa llapan nunakunam asesïnu kayan.+
22 Plätëkikunapis manam limpiunatsu,+y cervëcëkikunapis* yakuwan takushqam këkan.
23 Dirigeqnikikunapis chukru shonqum kayan,y suwakoqkunatam yanapayan.+
Imatapis chaskipakuytam gustayan,y imatapis qarayänantam shuyarëkäyan.+
Manam papäninnaq kaqkunapaq justiciata rurayantsuni viudakunapa problëmankunata atiendir yanapayantsu.+
24 Tsëmi llapanta gobernaq Señor,israelïtakunapa Puëdeq Diosniny angelkunata mandaq Teyta Jehoväqa këta nin:
“¡Rikäyë! Conträ këkaqkunatam ushakätsishaqy chikimaqkunapitam vengakushaq.+
25 Plätapita imëka mana allikunata ushakätsiyänampaqplätata tsullutsiyanqannömi,noqapis qamkunachö imëka mana allikunata ushakätsinäpaqqamkunata castigayashqëki.+
26 Puntatanömi jueznikikunay consejayäshoqnikikuna kananta permitishaq,+tsëpitaqa, Allita Ruraq y Mana Dejakoq Nunakuna nirmi reqiyäshunki.+
27 Allita rurarmi Sionpita nunakunata salvashaq+y allita ruraptïmi tsë markapita nunakunaqa kutiyämunqa.
28 Mana cäsukoqkuna y jutsata* ruraqkunaqallapankunam juntu ushakäyanqa+y Teyta Jehoväta dejareqkunapis tsënöllam ushakäyanqa.+
29 Pëkunaqa munapäyanqëki montikunapitam penqakuyanqa+y qamkunapis akrayanqëki huertakunachö santukunata adorayanqëkipitam penqakuyanki.+
30 Qamkunaqa rapran tsakishqa jatun montinö o qerunö+y yakunnaq huertanömi ushayanki.
31 Kallpayoq nunapis tsaki qewanömi kanqay imëka ruranqampis chispa cuentam kanqa.
Ishkantam ninaqa ushakätsinqay manam ni pï upitsita* puëdinqatsu”.
Nötakuna
^ Tsë jutiqa, “Jehoväpa salvacionnin” ninanmi.
^ O “patronninta reqiyantsu”.
^ Kënöpis niyanmi: pecädu.
^ O “yachatsiyäshunqëkita”.
^ Kënöpis niyanmi: wera.
^ Kënöpis niyanmi: aguantayaqnatsu.
^ Kënöpis niyanmi: rikäyaqtsu.
^ Kënöpis niyanmi: joqarkur.
^ Kënöpis niyanmi: Pecäduykikuna.
^ Kënöpis niyanmi: rapinömi; qajapanömi.
^ O “oqllanakoq”.
^ O “trïgupita cervëcëkikunapis”.
^ Kënöpis niyanmi: pecäduta.
^ Kënöpis niyanmi: wañutsita.
