Isaïas 10:1-34
10 Allaw nunakunata sufritsiyänampaq leykunata patsätseqkuna,+nuna mayinkuna imëpis problëmallachö kayänampaq imatapis patsätseqkuna.
2 Pëkunaqa waktsa sirwimaqnïkuna y mana kaqpaq churashqakuna,justiciata mañakuyaptimpis manam cäsuyantsu,+tsëtaqa rurayan viudakunapa imëkankunata apakuyänampaq,y papäninnaq kaqkunata suwapäyänampaqmi.+
3 Tsëkunata ruranqëkipita castigashqay ushakätsishqa kayanqëki junaqqa,+ ¿imata nir-raq defendikuyanki?+
¿Pimanraq yanapayäshunëkipaq cörriyanki,+y imëkëkikunatapis pitaraq dejapuyanki?
4 Prësu këkaqkunawan juntum ushayanki,y wakinnikitaqa wanutsiyäshunkim.
Tsënö këkäyaptimpis, Teyta Diospa cöleranqa manam pasashqaraqtsu,sinöqa pëkunata castiganampaqmi makinqa pallarirëkanraq.*+
5 Teyta Diosmi kënö nin: “Rikäyë Asiria nunakunata,+pëkunatam utilizäshaq qamkunaman cöleräta chätsimunäpaq.+
Y qamkunata castiganäpaqmi* pëkunata mandamushaq.
6 Noqata cöleratsimaq y conträ këkaqnacionpita nunakunamanmi mandayashqëki.+
Pëkunaqa mitutanö jaruyäshurnikimllapan imëkëkikunata apakuyanqa.+
7 Peru asiriukunaqa manam tsëllatatsu rurëta munayanqa,israelïta nunakunata ushakätsita munarpis,wakin nacion nunakunatapis llapantam ushakätsita munayanqa.
8 Asiriata gobernaqmi nin:
‘¿Manaku mas alli carguyoq soldädükunapis gobernaq kayan?+
9 ¿Manaku Calnö+ markapis Carquemis+ markanölla?
¿Manaku Hamat+ markapis Arpad+ markanölla?
¿Manaku Samaria+ markapis Damascu+ markanölla?
10 Mëtsika santukunata adorayanqan nacionkunatapis ushakätsirqönam,Jerusalenchö y Samariachöqa wallkaq santukunallatam adorayan.+
11 Samaria nunakunata y adorayanqan santukunata ushakätsinqänöllam,Jerusalen nunakunata y adorayanqan santukunatapis ushakätsishaq’.+
12 Sion jirkachö y Jerusalenchö ruranäpaq kaqta ruraskirmi, noqa Jehoväqa Asiriapa gobernaqnintapis mana cäsukoq, orgullösu y allish tukoq kanqampita castigashaq.+
13 Pëqa kënömi nin:
‘Markakunapa lindëruntam ushakätsishaq,+imëka väleq cösasninkunatam apakushaq,+tsë markachö nunakunatapis puëdeq soldädunömi ushakätsishaq.
Tsëtaqa kikïpa kallpäwan y alläpa yachaq karmi rurashaq.+
14 Pishqupa qeshumpita runtuta apakoq nunanömi,markakunapa imëkanwan quedakushaq,dejarishqa runtuta apakoqnömi markankunawampis quedashaq.
Tsëchö nunakunaqa mana defendikuyta puëdeq pishqunömi kayanqa’”.
15 ¿Hächaqa utilizaq nunapita mas puëdeqku?
¿Serrüchöqa utilizaqnin nunapita mas puëdeqku?
¿Tukruqa+ aptaraqnin nunata wakman këman kuyutsita puëdinku?
Tukru qeruqa, ¿qeru mayinta pallarkuyta* puëdinmantsuraq?
16 Tsëmi, llapanta gobernaq Señor y angelkunata mandaq Teyta Jehoväqa,wira* y kallpayoq kaqkunatapis* uyullatanam dejanqa+y puëdeq kanqantapis ninawannömi ushakätsinqa.+
17 Israelpa aktsin*+ y limpiu Diosninmi ninaman tikranqa,+juk junaqllachömi mana alli qorakunatanö*y kashakunatanö asiriukunata rupar usharinqa.
18 Pëqa soldädunkunata pushaqkunatay huertankunatam llapanta ushakätsinqa.
Imëka qeshyëkaq nuna ichikllapa ichikllapa mas antsaqnömi kayanqa.+
19 Montichö plantakunapis ichikllana kayaptinmiwamrallapis yupëta puëdinqa.
20 Tsë tiempuchö Israel nunakunapitay Jacobpa kastampita quedaqkunaqamananam sufritseqninkunaman confiakuyanqanatsu.+
Tsëpa rantinqa, llapan shonqunkunawanmiIsraelpa limpiu Diosnin Jehoväta yanapëkunampaq ashiyanqa.
21 Jacobpa kastampita wallkaqllamalläpa puëdeq Teyta Diosman kutiyanqa.+
22 Israelpa kastankunalamar kuchunchö arënanö mëtsikaq karnimpis wallkaqllam kutiyanqa.+
Ushakë+ y castïguqa atska tamyanömi janëkikunaman chämunqa.+
23 Awmi, Llapanta Gobernaq Señory angelkunata mandaq Teyta Jehoväqaninqannömi entëru nacionta ushakätsinqa.+
24 Tsëmi Llapanta Gobernaq Señor y angelkunata mandaq Teyta Jehovä nin: “Sionchö kawaq sirwimaqnïkuna, Egiptu nacionchönö+ tukruwan sufritsiyäshoqniki Asiria nunakunata ama mantsayëtsu.+
25 Ichikllachönam qamkunawan cölerashqa këkanqäqa pasarinqa, y cölerarmi Asiriu nunakunata llapanta ushakätsishaq.+
26 Oreb+ qaqachö Madian nunakunatanö y tukruwan lamarta shäritsir Egiptu+ nunakunata ushakätsinqänöllam, noqa angelkunata mandaq Jehoväqa Asiria nunakunata ushakätsishaq.+
27 Tsë witsanqa, chikiyäshoqniki lasaqta hombruykiman churamunqanta,+y matankëkiman lasaq qeruta churamunqantam+ jipishaq.
Aceitita* jichar juk gobernaqta churaptïmimatankëkichö qeruqa pakir ushakanqa”.+
28 Pëkunaqa Ayat+ markamanmi shayämushqa,Migron markapa pasarMicmash+ markaman charmi, tsëchö cösasninkunata dejayashqa.
29 Wallkalla mayupa* tsimparmi,Guëba+ sitiuman char tsëchö punuyashqa.
Tsëmi Ramä markachö nunakunaqa mantsakashqa këkäyany Saulpa+ markan Guibeä+ markapita nunakunapis qeshpirmi ëwakuyashqa.
30 ¡Galim markachö nunakuna mantsakar qayëkachäyë!
¡Laisa markapita nunakuna alkäbu këkäyë!
¡Allaw Anatot+ marka nunakuna!
31 Madmenä markapita nunakunapis qeshpirmi ëwakuyashqa.
Mana tariyänampaqmi Guebim markapitapis ëwakuyashqa.
32 Tsë junaqllam Nob+ sitiuchö jamayanqa,tsëpitam Sionchö y Jerusalenchö nunakunataushakätsiyänampaq alistakuyanqa.
33 Peru llapanta gobernaq Señory angelkunata mandaq Teyta Jehovä mutunqan rämakunapis,mantsakëpaq büllata rurarmi+ patsaman ishkiyan,jatusaq montikunapis o qerukunapis mutushqam kayany mëtsika jatun plantakunapis ishkikäyanmi.
34 Montichö llapan kaqkunatapis hächawan muturmi ushakätsinqay juk alläpa puëdeqmi Lïbanuchö llapan plantakunata ushakätsinqa.
Nötakuna
^ Kënöpis niyanmi: joqarëkanraq.
^ Kënöpis niyanmi: castigayänaqpaqmi.
^ Kënöpis niyanmi: joqëta.
^ Tsënö nirqa, Asiria nunakunapaqmi parlëkan. Rikäri 5 y 24 kaq versïculukunachö ninqanta.
^ Kënöpis niyanmi: wera.
^ Tsënö nirqa, Teyta Jehoväpaqmi parlëkan.
^ Kënöpis niyanmi: jachakunatanö.
^ O “Aceitiwan”.
^ Kënöpis niyanmi: riupa.
