Isaïas 14:1-32
14 Teyta Jehoväqa Jacobpa+ kastankunata llakiparmi* israelïtakunata+ yapë akranqa, y yapëmi markankunachö patsakätsinqa.*+ Forastërukunapis Jacobpa kastankunawanmi juntakäyanqa y pëkunawanmi juntu kawayanqa.+
2 Juk nacion nunakunam markankunaman kutitsiyanqa y Teyta Jehovä entreganqan markakunachömi israelïtakunapa sirweqninkuna kayanqa.+ Tsënömi prësu apaqkuna y trabajayänampaq obligaqkuna* sirweqninkuna tikrayanqa.
3 Sufritsiyäshunqëkipita, llakitsiyäshunqëkipita y esclävu kayanqëkipita Teyta Jehovä salvayäshunqëki witsanqa,+
4 Babiloniachö gobernaqpita burlakurmi kënö niyanki:*
“¡Rikäyë! Wakinkunata obligar trabajatseqkunam* ushakäyashqa.
¡Rikäyë! Nunakunata sufritseqkunam ushakäyashqa.+
5 Mana alli ruraqkunapay gobernadorkunapa tukruntam Teyta Jehovä pakishqa,+
6 pëkunaqa alläpa cölerarmi nunakunata alläpa maqayaq,+y wakin nacion nunatapis qatipar ëwarmi alläpa sufritsiyaq.+
7 Kananqa entëru patsachö nunakunam yamëna këkäyany llapankunam alläpa kushishqa këkäyan.+
8 Pasashunqëkita rikarmi enebrukunay Lïbanuchö cedrukunapis kushikur kënö niyan:
‘Qam ushakanqëkipitaqa manam ni pï mutuyämaq shamushqatsu’.
9 Sepultüraman* urarkuptikim sepultürapis espantakushqa.
Qamta rikäshurnikim sepultürachö këkaqnunakunata sufritseq gobernaqkunatapis sharkatsin,y nacionkunata gobernaqkunatapisgobernar täkuyänampitam sharkatsin.*
10 Y llapankunam kënö niyäshunki:
‘¿Qampis noqakunanöku ima rurëtapis puëdinkinatsu?
¿Qampis noqakunanöku usharqunki?
11 Orgullösu kanqëkipisy qampaq tocayämunqan müsicapis,+qamwan juntum Sepultürachö* ushakashqa.
Kurukunallam cämëkipis y qatëkipis kayan’.
12 Qamqa patsa warë chipapäkoq tsurin këkarmi ciëlupita jeqamurqunki.
Mëtsika nacionkunata ushakätsishqa këkaptikim patsaman ishkitsiyäshurqunki.+
13 Qamqa shonquykichömi nirqëki:
‘Ciëluyaqmi witsäshaq+ y Teyta Diospa estrëllankuna jananchömigobernar täkunäta churashaq,+y norti läduchö këkaq juntakäyänan jirka jananchömi täkushaq.+
14 Pukutë jananyaqmi witsäshaq,y Llapanta Gobernaq Poderösu Diosnömi kashaq’.
15 Tsënö nikarpis Sepultürapa* mas rurinchömi ushanki.
16 Rikäyäshoqnikikunaqa mantsakashqam rikaräyäshunki,y alli rikëkuyäshurnikim kënö niyanqa:
‘¿Manaku kë nunaqa entëru patsachö nunakunata karkaryätseq,y mëtsë nacionpita nunakunata mantsakätseq?+
17 Kë nunaqa entëru patsatam tsunyaq sitiuman tikratsishqa,y më tsë markakunatam ushakätsishqa,+ y prësu apakunqankunataqamanam wayinkunaman kutiyänanta dejashqatsu’.+
18 Wakin nacionchö gobernaqkunatapis alläpa respëtuwanmicada ünuta sepultürankunaman pampayashqa.
19 Peru qamtaqa chikishqa tseqllipitanömi* mana kaqpaq churayäshurqunki,y sepultürannaqtam dejayäshurqunki.
Qampa ayëkiqa jarur ushashqa ayakunawan, y rumi rumi uchkuman jitayanqanespädawan wanutsiyanqan nunakunapa ayankunawan juntum këkan.
20 Markëkita ushakätsishqa kaptikiy marka mayikikunata wanutsishqa kaptikim,wakin gobernaqkunata pampayanqan sepultüramantsu pampayäshunki.
Mana allita ruraqkunapa kastankunataqa manam imëpis yarpäyanqanatsu.
21 Alläpa puëdeq tikrarentëru patsachö markakunapa duëñun mana tikrayänampaq,unë kastankunapa culpanpëpa tsurinkunata wanutsiyänëkipaq juk sitiuta alistayë”.
22 Teyta Jehovämi nin:
“Noqa angelkunata mandaq Jehovämi pëkunapa contran sharkushaq*+ y reqishqa Babilonia markata, tsëchö kawaq nunakunata y kastankunatam ushakätsishaq, y manam ni pï kawëkar quedanqatsu”.+
23 Angelkunata mandaq Teyta Jehoväqa kënöpis ninmi: “Tsë markachöqa puercoespin* animalkunallanam pärayanqa, y seniga sitiumanmi tikratsishaq, y llapantam ushakätsishaq”.+
24 Angelkunata mandaq Teyta Jehovämi jurar kënö nishqa:
“Pensanqänömi pasakunqa,y decidinqänömi cumplikanqa.
25 Akranqä markachömi Asiriapita nunakunata ushakätsishaqy akranqä jirkachömi pëkunata jarur ushashaq.+
Sirwimaqnïkunapa matankanman churayanqan lasaq qeruta,y hombrunkunaman churayanqan lasaqtam jipishaq”.+
26 Entëru patsachö nunakunata tsënö pasanampaqmi Teyta Dios decidishqa,y poderninwanmi mëtsë nacion nunakunata castiganqa.
27 Angelkunata mandaq Teyta Jehovämi, tsënö pasakunampaq decidishqa.
Tsëqa, ¿piraq michëta puëdinman?+
Pëqa poderninwan nunakunata castiganampaqmi listu këkan, ¿piraq michëta puëdinman?+
28 Gobernaq Acaz+ wanunqan watam Teyta Dios kënö willatsikurqan:
29 “Filistëa nunakuna, maqayäshoqnikipa tukrun pakishqa kanqampitaama mëqëkipis kushikuyëtsu.
Tsë culebrapitaqa wanutsikoq venënuyoq culebram yurinqa,+tsë culebrapa wawankunapis wanutsikoqmi kayanqa+ y imatapis ras o sasmi rurayanqa.
30 Yanapëpaq këkaqkunapa mayor tsurinkunaqa mikuyanqam,y waktsakunapis tranquïlum punuyanqa.
Peru qampa familiëkikunaqa mallaqëpitam wanuyanqa o wañuyanqay qampita kawëkar quedaqkunaqa llapanmi ushakäyanqa.+
31 Markapa punkunchö llakikur waqayë y entëru markachö qayëkachäyë.
Filistëa nunakuna, llapëkikunam ima rurëtapis puëdiyankitsu.
Norti lädupitam qoyënoraq o qoshninöraq mëtsika soldädukuna shamuykäyany fïlapa shamuykaqkunapitaqa manam ni mëqampis qepachö quedakuntsu”.
32 ¿Ima nishunraq nacionkunapa willakoqninkunata?
Pëkunataqa nishun, Teyta Jehovä Sionpa cimientunta churanqanta+y waktsa sirweqninkuna tsëman qeshpir ëwayänampaq kaqtam.
Nötakuna
^ Kënöpis niyanmi: ankuparmi; kuyaparmi.
^ O “tranquïlu kawayänanta permitinqa”.
^ O “capatazninkuna”.
^ O “capatazkunam”.
^ O “Babiloniachö gobernaqpaqmi kënö parlanki”.
^ Kënöpis niyanmi: ichïtsin.
^ O “rämatanömi”.
^ Kënöpis niyanmi: ichishaq.
^ Hebreu idiömachöqa, capazchi erïzu niraq kashayoq jatun ukushpaq parlëkan.
