Isaïas 29:1-24
29 ¡Allaw Ariel* marka!
¡Allaw David carpanta* armanqan Ariel marka!+
Llapan fiestakunata wata wata tiempunchö rurayë.+
2 Tsënö kaptimpis, Ariel markapita nunakuna sufriyänanta,+llakikuyänanta y waqayänantam permitishaq,+tsë markapita nunakunaqaaltarnïchö qarëkunata rupatsiyänan sitiunömi kayanqa.+
3 Qamwan pelyaq shamoqkuna amänuykichö carpankunata* armayänantam permitishaq,y entëru markëkitam qeruwan cercayanqa.
Y mana yëkunëkipaq ni yarqunëkipaqmi entëru markëkiman churakäyanqa.+
4 Penqakatsishqam kanki, y patsachö këkanqëkipitam parlamunki,y mëtsika allpa kaptinmi parlamunqëkipis wiyakanqatsu.
Allpa rurimpita parlamunqëkipis+ wanushqakunawan parlayanqanta neqkunaparlayanqannömi wiyakanqa,y allpa rurimpita parlamunqëkiqashimikillachö parlëkaqnömi kanqa.
5 Chikiyäshoqnikikunaqa allpanömi mëtsikaq kayanqa,+y wakinkunata sufritseqkunaqa vientu apanqan päjanömi kayanqa.+
Tsë llapanqa juk rätullam illaqpita pasanqa.+
6 Angelkunata mandaq Teyta Jehoväqa räyuwan,fuerti temblorwan, espantëpaq büllawan, shukukuy vientuwan, fuerti tamyawany imëkata ushakätseq ninawanmi salvayäshunki.+
7 Tsëmi mëtsë nacionpitaAriel+ markapa contran guërrata ruraqkuna,cercarätsiyänampaq rurayanqan törrikuna y sufritseqninkunaqa,suëñunölla y paqaspa rikäyanqan revelacionnölla kayanqa.
8 Tsëqa kanqa, mallaqëkar y yakunëkar punukoq nunasuëñuyninchö mikoqnö y yakuta upoqnömi,peru riyarkamurqa o rikcharkamurqa mallaqëkanllam,y kallpannaqmi yakunëkar warämun.
Tsëmi pasanqa Sion jirkachö këkaq nunakunawan,mëtsë nacionpita nunakuna contran pelyaq ëwayaptin.+
9 Ariel markapita nunakuna mantsakäyë y espantakuyë,+imatapis mana rikäyänëkipaq nawikikunata wichqayë.+
Dirigeqnikikunaqa vïnuta mana upushqa këkarmi machashqa këkäyan,y alcoholta mana upushqa këkarmi tsankakëkachëkäyan.
10 Teyta Jehoväqa llapëki punukashqanö kayänëkipaq+y willakoqkuna mana rikäyänantam permitishqa.+
Tsënöllam revelacionta chaskeqkunapa peqankunatapis o umankunatapis tsapashqa.+
11 Revelacionkunaqa imëka alli segurashqa librunömi qamkunapaq tikrashqa.+ Tsëmi leyi yachaq nunata, “këchö ninqanta fuertipa leyiramuy” niyaptikipis, pëqa “kë libruqa alli segurashqam këkan, manam leyimuyta puëdïtsu” niyäshunki.
12 Y leyita mana yachaq nunata, “këchö ninqanta leyiramuy” niyaptikipis, “manam leyita yachätsu” niyäshunkim.
13 Teyta Jehoväqa kënömi nin:
“Kë nunakunaqa shiminkunallawanmi respetayäman y ardëllam* adorayämampis,+shonqunkunachöqa manam kuyayämantsu,y respetayämampis nunakuna yachatsishqa kayaptinllam.+
14 Tsëmi noqaqa, kë marka nunakunapaqmana ichikllapis pensayanqanta yapë rurashaq.+
Awmi, mëtsika espantëpaq milagrukunatam rurashaq.
Yachaq nunakunapis mana yachaqmi tikrayanqa,y imatapis yachëwan ruraq nunakunapis manam imata entiendiyanqatsu”.+
15 ¡Allaw, mana allita rurayanqantaTeyta Jehoväpita pakëta munaqkuna!+
Pëkunaqa paqaschömi imatapis rurayan y kënömi niyan:
“¿Pitan rikämantsik?
¿Pitan musyan imata rurëkanqantsikta?”.+
16 ¡Qamkunaqa imëkatapis mana allimanmi tumatsiyanki!*
¿Mituwan trabajaq nunaqa mituwan igualku?+
¿Imatapis ruraqtaqa, tsë ruranqantsuraq“manam pëtsu ruramashqa” ninman?+
¿Mitu mankaqa, ruraqnintatsuraq“manam pëqa imatapis entiendintsu” ninman?+
17 Ichik tiempullachönam Lïbanuqa juk shumaq huertaman tikranqa,+tsë huertachöqa mëtsika montikunam kanqa.+
18 Tsë witsanqa sordukunapis* libruchö ninqantam wiyayanqa,yana pukutë y ampipa o tsakëpa* paqas manana kaptinmiwiskukunapis o qaprakunapis rikäyanqa.+
19 Teyta Jehovä yanapaptinmi manshu nunakunaqa alläpa kushikuyanqa,y waktsa nunakunapis Israelpa Limpiu Diosnin yanapaptinmi alläpa kushishqa kawayanqa.+
20 Wakinkunata sufritseqkuna, alabakoqkunay mana allita rurayänampaq imëpis listu këkaqkunaqa,llapanmi ushakäyanqa.+
21 Pëkunaqa mana kaqpitam jukkunata culpayan,markapa punkunchö justiciata asheqkunapaqmi trampata churayan+y imëkata nirmi allita ruraqkunapaq justiciata rurayantsu.+
22 Tsëmi Abrahanta salvaq+ Teyta Jehoväqa Jacobpa kastankunata kënö nin:
“Jacobpa kastankuna, manam penqakatsishqanatsu kayankiy manam cärëkikunachöpis llakishqa kayanqëki rikakunqanatsu.+
23 Noqa permitiptï yureq tsurikikunata läduykikunachö rikarmi+llapëkikuna alabayämanki.
Awmi, noqa Jacobpa Diosnintam alabayämanki,y Israelpa Diosnin kaptïmi puntäman qonqurikayämunki.+
24 Pensayanqanchö pantashqa këkaqkunam entiendiyanqa,y imëkapita quejakoqkunam yachatsiyänanta permitiyanqa”.
Nötakuna
^ Arielqa, capazchi “Diospa altarninchö qarëkunata rupatsiyänan sitiu” ninan. Ariel nirqa, capazchi Jerusalenpaq parlëkan.
^ Kënöpis niyanmi: toldunta.
^ Kënöpis niyanmi: toldunkunata.
^ Kënöpis niyanmi: yaptallam.
^ O “¡Qamkunaqa alläpa mana allita ruraqmi kayanki!”.
^ Kënöpis niyanmi: tutapëpa.
^ Kënöpis niyanmi: mana wiyaqkunapis.
