Juëces 2:1-23
2 Tsënam Guilgalpita+ Bokim sitiuman Jehovä Diospa angelnin witsarqan,+ y israelïtakunatam nirqan: “Egiptupita pushayämurnikim, unë awiluykikunata äninqä markaman chätsiyarqaq.+ Y kënömi nirqä: ‘Noqaqa manam qamkunawan ruranqä acuerduta ni imëpis qonqashaqtsu.+
2 Y qamkunaqa, manam kë markakunachö nunakunawan ni ima acuerduta rurayänëkitsu,+ y altarninkunatam ushakätsiyänëki’.+ Peru qamkunaqa tsënö nikaptïpis, manam wiyakuyarqunkitsu.+ ¿Imanirtaq cäsuyamarqunkitsu?
3 Tsëmi nirqä: ‘Manam kë markakunachö kawaq nunakunata qarqushaqtsu.+ Pëkunaqa trampa cuentam qamkunapaq kayanqa,+ y santunkunata adorayänëkipaqmi inkitayäshunki’”.+
4 Jehovä Diospa angelnin israelïtakunata tsënö niptinmi, pëkunaqa alläpa waqayarqan.
5 Tsëmi tsë sitiutaqa, Bokim* nir jutin churayarqan, y tsëchömi Teyta Jehoväpaq qarëkunata rupatsiyarqan.
6 Ëwakuyänampaq Josuë niptinnam, israelïtakunaqa chaskiyanqan herenciankunaman täkoq* ëwakuyarqan.+
7 Pëkunaqa, espantakuypaq cösaskunata Teyta Jehovä ruranqanta rikashqa dirigentikuna wanukuyanqanyaq y Josuë wanukunqanyaqmi Jehovä Diosta mana dejëpa sirwiyarqan.+
8 Jehoväpa sirweqnin Nunpa tsurin Josuëqa, cientu diez watayoq këkarmi wanukurqan o wañukurqan.+
9 Y herencia chaskinqan Timnat-Heres+ markachömi pampayarqan. Tsëqa Gaas jirkapa+ norti lädumpa Efrain kastata tocanqan jirkakunachömi karqan.
10 Josuë kawanqan witsan nunakunaqa, llapanmi wanur ushakäyarqan. Tsëpita qepa yurikoq kaqkunaqa, manam Jehovä Diosta reqiyarqantsu ni Israelpaq imakunata ruranqanta musyayarqantsu.
11 Israelïtakunaqa Teyta Jehoväta mana cäsukurmi, mana allikunata rurar Baal santukunata adorayarqan.+
12 Egiptupita pushamoq unë kastankunapa Diosnin Jehovätam dejariyarqan.+ Y lädun markakunachö nunakunapa santunkunatam adorayarqan,+ tsënömi Jehovä Diosta ofendiyarqan.+
13 Jehovä Diosta adorayänampaq rantinmi, Baal* y Astoret* santukunata adorayarqan.+
14 Tsëmi Jehovä Diosqa cölerar israelïtakunata, chikeqninkunapa makinchö dejarqan y cösasninkunata amälas apakuyänantam permitirqan.+ Israelïtakunaqa manam chikeqninkunapita defendikuyta puëdiyarqantsu.+
15 Mëta ëwayaptimpis Jehovä Diosqa mananam pëkunata yanaparqannatsu.+ Teyta Jehovä ninqannö y kikin Jehovä willanqannömi imëka mana allikunapa pasayarqan.+ Y alläpam sufriyarqan.+
16 Tsëmi Jehovä Diosqa chikeqninkunapita salvanampaq juezkunata churarqan.+
17 Peru pëkunaqa manam juezkunatapis cäsuyarqantsu, sinöqa jukwan jukwan kakoq* cuentam santukunata adorayaq. Unë kastankuna cäsukuyanqan mandamientukunatam qonqariyarqan. Pëkunaqa manam unë kastankunanötsu Jehovä Dios mandakunqankunata wiyakuyarqan.+
18 Tsënö këkäyaptimpis Jehovä Diosqa, israelïtakuna waqayaptin+ y chikeqninkuna sufritsiyaptinmi llakipaq.*+ Tsëmi Teyta Jehoväqa juezta cada akrarnin,+ tsë juezta yanapaq. Tsë juez kawanqan witsanqa, chikeqninkunapitam israelïtakunata Jehovä salvaq.
19 Peru tsë juez wanuriptinqa, unë kastankunapitapis mas peormi mana allikunata rurayaq. Santukunatam adorayaq y puntankunamanmi qonqurikuyaq.+ Tsëta rurarmi mana alli costumbrinkunata dejëta munayaqtsu.
20 Tsëmi Jehovä Diosqa cölerar+ Israel nunakunapaq kënö nirqan: “Kë nunakunaqa, unë kastankunawan ruranqä acuerduta manam respetayashqatsu+ y manam cäsuyämashqatsu.+
21 Tsëmi noqaqa, Josuë wanukur dejanqan nacionkunata ni mëqantapis ushakätsishaqtsu.+
22 Tsënöpam musyashaq, noqa Jehovä ninqäta+ unë kastankunanö cäsukuyanqanta o mana cäsukuyanqantapis”.
23 Tsëmi Jehovä Diosqa, tsë nacionkunachö täkoq* nunakuna quedakuyänanta permitirqan. Y manam qarqurqantsu, ni manam Josuëtapis ushakätsinampaq yanaparqantsu.
Nötakuna
^ Tsëqa, waqallïshukuna ninanmi.
^ Kënöpis niyanmi: täraq; päraq.
^ Rikäri “Bibliachö palabrakunata entiendinapaq” neqta.
^ Rikäri “Bibliachö palabrakunata entiendinapaq” neqta.
^ O “oqllanakoq”.
^ Kënöpis niyanmi: ankupaq; kuyapaq.
^ Kënöpis niyanmi: täraq; päraq.
