Miquëas 2:1-13
2 “Allaw mana allita rurëman yarpëkaqkuna,y punukurpis mana allita rurëllaman pensëkaqkuna.
Rurëta puëdirmi,patsa waräriptinqa pensëkäyanqanta rurayan.+
2 Nunakunapa chakrankunatam duëñutsakuyan,+y nunakunapa wayinkunawanmi quedakuyan.+
Engañarmi nuna mayinkunapa wayinkunawany herenciankunawan quedakuyan.
3 Tsëmi Teyta Jehoväqa kënö nin:
‘Imëka mana allikunatam qamkunaman apamuyta pensëkä,+ tsëpitaqa manam mëqëkipis salvakuyankitsu.+
Tsë mana allikunapa pasarmi,+ allish tukuyankinatsu.+
4 Tsë witsanqa llapan nunakunam qamkunata pasayäshunqëkipaq parlayanqa,y pasayäshunqëkita rikarmi llakipäyäshunki.*+
Kënömi niyanqa: “¡Manam imantsikpis kannatsu!+
Pëqa markantsikpa herenciantam jukkunata entreguëkushqa. ¡Manam ima herenciantsikpis kannatsu!+
Chakrantsikkunatapis pëta mana sirweq nunakunatam entreguëkushqa”.
5 Tsëmi noqa Jehoväpa ni mëqan sirwimaqnïpischakrakunata medinqatsu ni lötiman rakinqatsu.
6 Pëkunaqa, “¡ama willakuyëtsu!” niyanmi.
“Tsëkunapitaqa ama willakushuntsu.
¡Noqantsikqa manam penqakuychötsu ushashun!”.
7 Jacobpa kastankuna, nunakunam kënö nikäyan:
“¿Jehoväqa noqantsikwantsuraq cölerakurkushqa?
¿Pëtsuraq këkunata ruranqa?”
Qamkunaqa musyayankim mandakunqäta cäsukur allita ruraqkunapaqqa, allita ruranäpaq kaqta.
8 Peru kananqa sirwimaqnïkunam chikimaqnïkuna kayan y conträ këkäyan.
Qamkunaqa guërraman ëwayanqampita kushishqay imatapis mana mantsar kutimoqkunapa röpankunachö adornukunatam jipiyanki.*
9 Qamkunaqa sirwimaq warmikunatam shumaq wayinkunapita qarquyanki,y wamrankunata bendicir imëka qaranqäkunatam apakuyanki.
10 Këpita ëwakuyë, këchöqa manam allitsu kawayanki.
Imëka mana allikunata rurayanqampitam+ mana alliman chëkäyan, y alläpa sufrirmi ushakäyanqa.+
11 Pï nunapis mana imapaqpis väleqkunata rurëkar y engañakoq këkarnin,“vïnupaq y alcoholpaqmi parlapäyashqëki” nir shamuptinqa,qamkunaqa shumaqchi chaskiyankiman y willakoqtanöchi rikäyankiman.+
12 Jacobpa kastankuna, mana qonqëpam llapëkikunata juntayashqëki.
Israel nunakunapita quedaqkunataqa llapëkitam juntayashqëki.+
Üshakunata canchanman juntaqnö,+y qewaman juntaqnömi qamkunata juntayashqëki.
Tsëchömi nunakuna büllayanqan wiyakanqa’.+
13 Yarquyänampaq nänita kichaqmi pëkunapa puntanta ëwanqa,pëkunanam libri yarqur punkupa pasar yarquyanqa.
Gobernaqninkunam pëkunapa puntanta ëwanqa,+y Teyta Jehovämi llapankunata pushanqa”.+
Nötakuna
^ Kënöpis niyanmi: ankupäyäshunki; kuyapäyäshunki.
^ O “adornuyoq röpankunatam apakuyanki”.
