Miquëas 6:1-16
6 Teyta Jehovä ninqanta wiyakuyë.
Jirkakunapa frentinchö problëmëkikunata willakuyë,y taksha jirkakuna parlayanqëkita wiyayätsun.+
2 Jirkakuna y patsapa mana kuyoq cimientunkuna+Teyta Jehovä ninqankunata wiyayë.
Teyta Jehoväqa sirweqninkuna mana allita rurayanqampitam willakunqa.
Awmi, Israel nunakunapa mana alli rurëninkunapitam parlanqa.+
3 “Sirwimaqnïkuna, ¿ima mana allitataq qamkunata rurarqö?*
¿Imëllapis qamkunata sufritsirqöku?*+
Tsënö kaptinqa mä niyämë.
4 Noqaqa Egiptuchö esclävu kayanqëkipitam+qamkunata salvamurqä.*+
Moisesta, Aaronta y Miriamtam+ qamkunaman mandamurqä.
5 Sirwimaqnïkuna, Moabchö gobernaq Balac+ mana allita rurëta munaptinBeorpa tsurin Balaam imata contestanqanta yarpäyë.+
Yarpäyë Sitim sitiupita+ Guilgal markayaq+ pasakunqanta,tsënömi yarpäyanki noqa Jehovä qamkunapaq imëkata ruranqäta”.
6 ¿Imataraq Teyta Jehoväpaq apäman?
¿Imataraq apäman ciëluchö këkaq Teyta Diospa puntanman qonqurikoq ëwarnin?
¿Rupatsiyänampaq qarëkunatay juk watayoq törutatsuraq apäman?+
7 ¿Teyta Jehoväqa kushikuntsuraqmëtsika carnëruta apayaptin o mëtsika aceitita rikarnin?+
¿Pëta mana cäsukunqäpitay jutsata* ruranqäpitatsuraq punta tsurïta entregäman?+
8 Pëqa nishurqunkinam ima alli kanqanta.
¿Imata ruranëkitataq Teyta Jehoväqa munan?*
Pëqa munan alli kaqta ruranëkita,*+ mana dejakoq kanëkita*+
y pëpa rikëninchö humildi kanëkitam.+
9 Markachö nunakunatam Teyta Jehoväqa fuertipa parlapëkan.
Yachëyoq kaqkunaqa jutintam* respetayanqa.
Tukruta aptarëkaqta y castïguta apamoqta wiyakuyë.+
10 ¿Mana alli nunakunapa wayinchöraqku melanëpaq suwakoq medïdankuna*y mana allita rurar tariyanqankuna këkan?
11 ¿Balanzäkuna suwakuykaptiny rumipita pësäkuna mana alli këkaptintsuraq culpannaq këkäman?*+
12 Rïcu nunakunaqa imëka mana allikunatam rurayan,y wakin nunakunapis nuna mayinkunatam ulipäyan o llullapäyan.+
Shiminkunachöqa engäñullam këkan.+
13 “Tsëmi qamkunata castigayashqëki,+jutsata* rurayanqëkipitam imannaqta dejayashqëki.
14 Mikurpis pachëkikunamana juntaptinmi mallaqëkäyankilla.+
Kapuyäshunqëkita juk läduman apayaptikipis manam segürutsu kanqa.
Shumaqllapa apayanqëkitapis chikishoqnikikunatam entregashaq.
15 Mururpis manam cosechayankitsu,aceitünaspita aceitita rurarpis manam tsë aceitita utilizäyankitsuüvaspita vïnuta rurarpis manam tsë vïnuta upuyankitsu.+
16 Qamkunaqa Omrï mandakunqankunatam cäsukuyanki,Acabwan+ familian rurayanqantam qatiyanki y pëkunanömi imatapis rurayanki.
Tsëmi qamkunata castigayashqëki,tsëta rikarmi nunakunaqa mantsakäyanqa y qamkunapita burlakuyanqa.+
Awmi, mëtsëpita nunakunam penqapäyäshunki”.+
Nötakuna
^ Kënöpis niyanmi: rurayarqoq.
^ Kënöpis niyanmi: sufritsiyarqoqku.
^ Kënöpis niyanmi: salvayämurqaq.
^ Kënöpis niyanmi: pecäduta.
^ O “llakipäkoq y rasumpa kuyakoq kanëkita”.
^ O “llapantapis igualpa rikänëkita”.
^ O “shuyaran”.
^ Hebreu idiömachöqa “jutikitam” ninmi.
^ Hebreu idiömachöqa “efä” ninmi. Rikäri “Masllata musyanapaq” neqchö B14 kaqta.
^ O “Diospa rikëninchö limpiu käman”.
^ Kënöpis niyanmi: pecäduta.
