Osëas 1:1-11
1 Këchömi qellqarëkan Beerïpa tsurin Osëasta Teyta Jehovä ninqan. Tsëtaqa nirqan Uzïas,+ Jotan,+ Acaz+ y Ezequïas+ Judächö gobernayanqan witsan,+ y Joaspa+ tsurin Jeroboan+ Israelchö gobernanqan witsanmi.
2 Teyta Jehoväqa Osëastam parlapar qallarqan, y Jehovä Diosqa kënömi nirqan: “Jukwan jukwan kakuyanqanta rikarmi, nacionchö llapan nunakuna noqa Jehoväta dejayämashqa. Tsëmi qellëpaqrëkur jukwan jukwan kakoq* warmiwan casakunëki, y pëqa juk ollqukunapa tsurinkunatam wachanqa”.+
3 Tsëmi Osëasqa Diblaimpa warmi tsurin Gömerwan casakurqan, y pëchömi ollqu tsurin yurirqan.
4 Tsënam Teyta Jehoväqa nirqan: “Ichikllachönam Jezreelchö nunakunata wanutsiyanqampita Jehüpa familianta castigashaq,+ y Israelpa chunka kastankunatam ushakätsishaq. Tsëmi tsurikipa jutintaqa Jezreel* nir churanëki.+
5 Tsë junaqmi Jezreel pampachö israelïtakunapa flechakuyänanta pakir ushakätsishaq”.
6 Gömer yapë qeshyaq tikraptinmi warmi wamran yurirqan. Tsënam Teyta Diosqa Osëasta nirqan: “Israelpa chunka kastankunataqa këkäyanqan sitiupitam qarqushaq y manam llakipäshaqnatsu.*+ Tsëmi Lo-Ruhamä nir tsë wamrapa jutin churanëki.+
7 Tsënö kaptimpis, Judäpa kastankunataqa llakipäshaqmi,*+ y kikï Jehovämi salvashaq.+ Pëkunataqa manam flëchakunawantsu, espädawantsu, guërrata rurartsu, cawallukunawantsu ni cawallun montashqa soldädukunawantsu salvashaq”.+
8 Wamran Lo-Ruhamäta wasqiskirnam Gömerqa yapë qeshyaq tikrarqan, y ollqu wamranmi yurirqan.
9 Tsënam Teyta Diosqa nirqan: “Qamkunaqa manam sirwimaqnïkunanatsu kayanki, y noqapis manam Diosnikikunanatsu kashaq. Tsëmi Lo-Ammï nir tsë wamrapa jutin churanëki.
10 Imanömi lamar kuchunchö arënata pillapis yupëta puëdintsu, tsënömi israelïtakunapa tsurinkunapis mëtsikaq kayanqa.+ Y ‘manam sirwimaqnïkunanatsu kayanki’+ ninqä sitiuchömi, ‘kawëkaq Teyta Diospa tsurinkuna’ niyäshunki.+
11 Judä nunakuna y Israel nunakunaqa mëtsëchö këkäyanqampitam juntashqa kayanqa,+ y dirigeqninkuna akrëkurmi këkäyanqan nacionpita yarqayämunqa. Jezreelpa junaqninqa, alläpa kushikuypaqmi kanqa.+
Nötakuna
^ O “oqllanakoq”.
^ Jezreelqa, “Diosmi muruta murunqa” ninanmi.
^ Kënöpis niyanmi: ankupäshaqnatsu; kuyapäshaqnatsu.
^ Kënöpis niyanmi: ankupäshaqmi; kuyapäshaqmi.
