Osëas 12:1-14
12 “Efrainqa imapaqpis mana väleqmanmi confiakun.
Entëru junaqmi inti o rupay yarqamunan lädupita shamoq vientuta qatipan.
Imëkanöpam ulikun o llullakun, y imëka mana allikunatam ruran.
Asiriawanmi+ acuerduta ruran, y Egiptumanmi aceitita apan.+
2 Teyta Jehovämi Judä nunakunata juzganqa,+y imanö portakunqampitam Jacobta castiganqa.
Rurëninmannömi castiganqa.+
3 Mamampa pachanllachöraq këkarqa, wawqintam atakampita* aptanqa.+
Llapan kallpanwanmi Teyta Dioswan tsaränakurqan.*+
4 Angelwan unëpa tsaränakurmi* angelta vencirqan,y bendicïkunampaqmi waqar rogakurqan”.+
Betelchömi Teyta Diosqa tarirqan, tsëchömi noqantsikpaq parlaparqan.+
5 Jehoväqa llapanta mandaq Teyta Diosmi.+
Pëtaqa Jehovä jutipam yarpäyan.+
6 “Tsëmi noqa Diosnikikunaman kutiyämuy,+kuyakoq këta y alli kaq rurëta dejayëtsu.+
Noqa Diosnikikunaman imëpis confiakuyë.
7 Rantikoqkunaqa* suwakoq balanzatam utilizäyan,tsëkunawanmi wakinkunata engañayan.+
8 Efrainqa imëpis kënömi nin:
‘Imëkayoqmi kä,+ y rïcum tikrarqö.+
Llapan ruranqächöpis manam jutsata* ni ima mana allitapis tariyankitsu’.
9 Egiptuchö+ kayanqëki witsampitam, noqaqa Jehovä Diosnikikuna kä.
Fiestata rurayanqëki tiempuchönömicarpakunachö* kawayänëkita permitishaq.
10 Willakoqnïkunatam parlaparqä,+imëkatam musyatsirqäy willakoqnïkunawanmi igualatsikuykunata qamkunata willarqä.*
11 Galaadchö nunakunaqa magiatam rurayashqa+ y mana rasun kaqtam parlayashqa.
Guilgalchömi törukunata rupatsiyashqa,+y altarninkunaqa chakrachö montunayanqan rumikunanömi kayan.+
12 Jacobqa Aramtam*+ qeshpir ëwakurqan.
Tsëchömi Israelqa+ juk nunapaq warmi tsurinrëkur trabajarqan,+y warmipaqmi üshata mitsirqan.+
13 Willakoqnïwanmi noqa Jehovä israelïtakunata Egiptupita jipimurqä,+y willakoqnïwanmi pëkunata cuidarqä.+
14 Efrainqa noqa Diosnintam feyupa cöleratsimashqa,+pëqa wanutsinqan nunakunapa yawarnimpitam imëpis culpayoq kanqa.
Patronninta penqakatsinqampitam castigashqa kanqa”.+
Nötakuna
^ Kënöpis niyanmi: witsumpita.
^ Kënöpis niyanmi: achkunakurqan.
^ Kënöpis niyanmi: achkunakurmi.
^ O “Negociuta ruraqkunaqa”.
^ Kënöpis niyanmi: pecäduta.
^ Kënöpis niyanmi: toldukunachö.
^ Kënöpis niyanmi: willayarqaq.
^ O “Siriatam”.
