Osëas 13:1-16
13 “Efrain parlaptinqa nunakunapis karkaryäyaqmi,Israelchöqa alläpa puëdeqmi karqan.+
Peru Baalta adorarmi culpayoq tikrar+ wanurqan o wañurqan.
2 Kananqa masraqmi jutsakunata* rurayan,y yuraq qellëninkunata tsulluykatsirmi santukunata rurayan.+
Tsë santukunataqa rurëta yachaq nunakunam alli yachëwan rurayan.
Kënömi niyan: ‘Qarëta ruraq nunakuna mallwa töru niraq santuta mutsayätsun’.+
3 Tsëmi pëkunaqa patsa warë pukutënö,patsa warëlla ushakäreq shullyanö,*fuerti vientu ërapita apakunqan päjanöy chiminëapa yarqoq qoyënö o qoshninö kayanqa.
4 Egiptuchö kayanqëki witsampitam noqa Jehoväqa Diosnikikuna kä.+
Noqapita mastaqa manam juk Diosta reqiyarqunkitsu.
Noqapita jukqa manam salvakoq kantsu.+
5 Yaku mana kanqan tsunyaq sitiuchömi qamkunata reqirqä.*+
6 Mikuyänëkipaq mëtsika kaptinmi pacha junta mikuyarqëki,+y pacha junta mikurmi orgullösu tikrayarqëki.
Tsëmi noqata qonqayämarqëki.+
7 Malta leonnö+ y nänichö purikachaqleopardunömi qamkunapaq kashaq.
8 Wawankunata suwayanqan chïna ösunömi qamkunaman shamushaq,pëchuykikunatam rachir ushamushaq.
Leonnömi ushakätsiyashqëki,y chukaru animalmi rachir ushayäshunki.
9 Israel nunakuna, qamkunaqa yanapëkaptïmi* conträ këkäyanki,tsëmi llapëkita ushakätsiyashqëki.
10 ¿Mëchötan gobernaqnikikuna këkan llapan markëkikunachö salvayäshunëkipaq?+
¿Mëchötan këkäyan, ‘gobernaqnïkuna y gobernadornïkuna churamuy’nir mañakayämanqëki gobernaqkuna?*+
11 Cölerächömi gobernaqnikikuna churamurqä,+y cölerächömi pëkunata ushakäratsishaq.+
12 Efrain mana allikunata ruranqantaqa manam imëpis qonqashaqtsu.
Jutsantaqa* yupashqata y apuntashqatam katsï.
13 Pëqa llullun yurinampaqna këkaq warminömi alläpa nanatsikunqa.
Peru mana juiciuyoq wamranömiyurinampaq höra chämuptimpis yurita munantsu.
14 Noqam Sepultürapita* salvayashqëki.
Noqam wanuypita salvayashqëki.+
Wanuy, ¿mëchötan këkan pïmëta sufritseq poderniki?+
Sepultüra, ¿mëchötan këkan pitapis wanutsinëkipaq o wañutsinëkipaq poderniki?+
Tsënö kaptimpis, manam Efraintaqa llakipäshaqtsu.*
15 Shoqushnöraq wëtaptimpis,noqa Jehovämi permitishaq inti o rupay yarqamunan lädupita achachaq vientu shamunanta,y tsunyaq sitiupita shamoq vientum pözunkunata y pukyunkunata tsakitsinqa.
Llapan riquëzanta y väleq cösasninkunatam apakunqa.+
16 Noqapa conträ kanqampitam+ Samariaqa culpayoq kanqa.+
Espädawanmi ushakätsiyanqa,+tsurinkunatapis rachirmi ushayanqa,y qeshyaq warminkunapa pachankunatam roquyanqa”.
Nötakuna
^ Kënöpis niyanmi: pecädukunata.
^ Kënöpis niyanmi: shullanö; shushalnö; shushanö.
^ Kënöpis niyanmi: reqiyarqaq.
^ Kënöpis niyanmi: yanapëkäyapteqmi.
^ Hebreu idiömachöqa “juezkuna” ninmi.
^ Kënöpis niyanmi: Pecäduntaqa.
^ Kënöpis niyanmi: ankupäshaqtsu; kuyapäshaqtsu.
