Osëas 14:1-9
14 “Israel nunakuna, Jehovä Diosman kutiyë.+
Qamkunaqa mana allikunata rurarmi mana allichö ushayarqunki.
2 Teyta Jehoväman kutir pëta kënö niyë:
‘Mana allita rurayanqäpita perdonëkayämë+ y allikunata rurayanqäta rikëkullë,noqakunaqa mallwa töruta apamoqnömi shimïkunawan alabayashqëki.+
3 Asiriaqa manam salvayämanqatsu.+
Manam cawallukunata montayäshaqtsu+ni makïkunawan rurayanqäta, “qammi Diosnïkuna kanki” niyäshaqtsu.
Qammi Teyta Dios papäninnaq kaqkunata llakipanki’.*+
4 Mana alli këkäyanqëkipitam alliyätsiyashqëki,+y manam traicionakoqnatsu kayanki.
Mananam qamkunawan cölerashqanatsu këkä,+ tsëmi kikï munarnin qamkunata kuyayashqëki.+
5 Israel nunakunapaqqa shullyanömi* kashaq,pëkunaqa liriu wëtanömi wëtayanqa,y Lïbanuchö montikunapanömi o qerukunapanömi matsunkunapis o watsinkunapis* ruri ruriyaq ëwanqa.
6 Rämankunapis tseqllirmi mashtakanqa,olïvus plantanömi alläpa shumaq kayanqa,y Lïbanuchö plantakunanömi shumaq pukutäyanqa o mushküyanqa.
7 Noqa Diosninkunam yapë cuidashaq, wänïchö o llantüchö këkaqtanö,gränu mikuyninkunata jeqatsiyänampaqmi imëkata rurayanqa, y üvas plantanömi wëtayanqa.+
Lïbanuchö rurayanqan vïnunömi reqishqa kayanqa.
8 Efrainqa kënömi ninqa: ‘Noqaqa manam santukunata cuentaman churänatsu’.+
Noqanam contestashaq, y shumaq cuidashaq.+
Mëtsika rämayoq enebru plantanömi pëpaq kashaq,y noqa wayunqätam mikunqa”.
9 Yachëyoq kaqqa, këkunata entienditsun.
Alli juiciuyoq kaqqa, këkunapita yachakutsun.
Teyta Jehoväpa näninkunaqa allillam,+y alli kaqta ruraqkunallam tsëpaqa puriyanqa,peru mana allita ruraqkunaqa ishkirmi ushayanqa.
Nötakuna
^ Kënöpis niyanmi: ankupanki; kuyapanki.
^ Kënöpis niyanmi: shullanömi; shushalnömi; shushanömi.
^ Kënöpis niyanmi: jawankunapis; chapankunapis; sipinkunapis.
