Osëas 2:1-23
2 Wawqikikunata ‘qamkunam sirwimaqnïkuna kayanki’*+ niyë.
Panikikunata ‘qamkunam llakipashqa* warmikuna kayanki’*+ niyë.
2 Mamëkikunata corregiyë, pëqa manam warmïnatsu+y noqapis manam qowannatsu o runannatsu* kä.
Amana qellëpaqrëkur jukwan jukwan kakutsunnatsu,*y amana juk ollqukunawan oqllanakutsunnatsu.
3 Tsënö mana ruraptinqa, yurinqan junaqchö kanqantanömi qalapächuta,tsunyaq sitiutanöy tsaki patsatanö dejarishaqy yakunëpitam wanutsishaq o wañutsishaq.
4 Qellëpaqrëkur jukwan jukwan kakushqa* kaptinmi,wamrankunatapis llakipäshaqtsu.*
5 Mamëkikunaqa qellëpaqrëkurmi jukwan jukwan kakushqa.*+
Qamkunata qeshyaq këkarmi, melanëpaq portakur+ kënö nirqan:
‘Wënäkunata asheqmi ëwashaq.+
Pëkunaqa mikuynïta, yaküta,millwäta, lïnüta, aceitïta y upyanäpaq kaqkunatapis manam pishitsiyämuntsu’.
6 Tsëmi purinqan nänita kashawany rumipita perqawan tsapashaq,tsënöpa ëwëkanqan nänipa pasëta mana puëdinampaq.
7 Wënankunapa qepantam ëwanqa, peru manam taripanqatsu,*+y ashirpis manam tarinqatsu.
Tsënam ninqa: ‘Mejorqa punta kaq qowäman o runäman* kutikushaq.+
Pëwanqa mas allim kawakurqä’.+
8 Manam cuentata qokurqantsu gränuta,+ vïnuta y aceititapis noqapita chaskinqanta.
Noqam mëtsika plätata y örutapis entregarqä,tsë llapantam Baalpaq aparqan.+
9 ‘Tsëmi cosëcha witsan gränükunata apakushaq,y üvasta jaruyanqan witsanmi vïnüta apakushaq.+
Röpanta ruranampaq entreganqä millwata y lïnutapis apakushaqmi.
10 Tsëmi kananqa, wënankuna puntanchö qalapächuta dejarishaq,y makïpitaqa manam ni pï salvanqatsu.+
11 Tsënöllam kushikuyänampaq rurayanqan fiestankunatapis ushakätsishaq.+
Tsëmi llullu killachö, säbadu junaqchö y watachöpis fiestakunata rurayanqanatsu.
12 “Tsëkunataqa wënäkunam pägutanö entregayämashqa” nikaptinmi,üvas chakrankuna y hïgus chakrankunatapis ushakätsishaq.
Tsë chakrankunachömi mana alli qorakunata* winatsimushaq,y chukaru animalkunam mikur ushayanqa.
13 Baal santunkunapaq+ imëka qarëkunata rupatsinqampita,noqata qonqëkamar sortïjanta y adornunkunata churakurkur wënankunata asheq ëwanqampitamcuentata mañashaq’+ ninmi Teyta Jehovä.
14 ‘Tsëmi yachëllapa parlapartsunyaq sitiuman pushashaq,y tsëchömi shonqunman chëpa shumaq parlapäshaq.
15 Tsëpitanam üvas chakrankunata kutitsishaq,+y shuyanqanta tarinampaqmi Acor pampata* entregashaq.+
Pëpis shipash kanqanta yarpëkury Egiptupita yarqamunqan tiemputa yarpëkurmi shumaq wiyamanqa.+
16 Tsë junaqqa, qowallä o runallä* nimankim y manam Patronnï* nimankinatsu’ninmi Teyta Jehovä.
17 ‘Baal santunkunapa jutinkunataqa manam parlanqanatsu,+tsë jutikunataqa pasëpam* qonqëkuyanqa.+
18 Tsë junaqmi sirwimaqnïkuna yamëy tranquïlu kawakuyänampaq,+ chukaru animalkunawan,+ciëlupa volaq* pishqukunawan y lätëpa pureq animalkunawan+ acuerduta rurashaq.
Entëru nacionpitam flëchakunata, espädakunata y guërrakunata ushakätsishaq.+
19 Kuyarniki y llakiparnikim,*imëyaqpis qowëki o runëki* kanäpaq,imëkachöpis honrädu kanäpaq y imëpis alli kaqllata ruranäpaq änishqëki.+
20 Imëpis mana dejanaqpaqmi qamwan casakushaq,y qamqa noqa Jehovä imanö kanqätam musyanki’.+
21 ‘Tsë junaqmi noqa Jehoväwanayanqanta* ciëlukunata entregashaq,y ciëlukunanam patsata wananqanta entreganqa.+
22 Patsanam gränukunata, üvas plantata y olïvus plantata entreganqa.
Y mañakunqannömi Jezreelqa* tsëkunata chaskinqa.+
23 Muruta muroqnömi sirwimaqnïkunata murushaq,+y mana llakipashqa kaqkunatam llakipäshaq.*
Mana sirwimaqnï kaqkunatam, “sirwimaqnïkunam kayanki”+ nishaq,*y pëkunanam, “qammi Teyta Diosnïkuna kanki” niyämanqa’”.+
Nötakuna
^ Kënöpis niyanmi: ankupashqa; kuyapashqa.
^ Kënöpis niyanmi: ollqunnatsu.
^ O “oqllanakutsunnatsu”.
^ O “oqllanakushqa”.
^ Kënöpis niyanmi: ankupäshaqtsu; kuyapäshaqtsu.
^ O “oqllanakushqa”.
^ Kënöpis niyanmi: ollqüman.
^ Kënöpis niyanmi: charipanqatsu.
^ Kënöpis niyanmi: jachakunata.
^ O “ruri pampata”.
^ Kënöpis niyanmi: ollqullä.
^ O “Baalnï”.
^ Kënöpis niyanmi: jankatmi.
^ Kënöpis niyanmi: päreq; vuëlaq.
^ Kënöpis niyanmi: ankuparnikim; kuyaparnikim.
^ Kënöpis niyanmi: ollquyki.
^ Kënöpis niyanmi: necesitäyanqanta.
^ Jezreelqa “Diosmi muruta murunqa” ninanmi.
