Osëas 3:1-5
3 Tsëpitanam Teyta Jehoväqa nimarqan: “Imanömi noqa Jehovä, santukunata sirwikäyaptin+ y päsaspita qarëkunata* rurëkäyaptimpis, sirwimaqnïkunata kuyëta dejarqötsu,+ tsënöllam qampis jukwan jukwan oqllanakushqa y juk ollqukuna kuyayanqan warmikita yapë kuyanëki”.+
2 Teyta Dios tsënö nimaptinmi, quinci yuraq pläta qellëwan y cientu noventa y cincu kïlusnö* cebädawan warmïta rantirqä.
3 Tsëpitanam warmïta nirqä: “Kananqa atska junaqpam noqapa warmïllana kanki. Tsëmi qellëpaqrëkur jukwan jukwan kakunëkitsu ni juk ollqukunawan oqllanakunëkitsu, y noqapis manam qamwan oqllanakushaqtsu”.
4 Tsënöllam Israel nunakunapapis atska watakunapa gobernaqninkuna ni gobernadorninkuna* kanqatsu.+ Manam qarëkunata rupatsiyanqatsu ni sagrädu postikunata shäritsiyanqatsu, y manam sacerdötipis+ ni wayinkunachö adorayanqan santunkunapis* kanqatsu.+
5 Tsëpitanam israelïtakunaqa, Jehovä Diosninkunata+ y gobernaqninkuna Davidtapis sirwiyanqa.+ Y ushanan junaqkunachöqa, llakipëkunampaqmi* Teyta Jehoväman karkaryëkar ëwayanqa.+
Nötakuna
^ Tsëtaqa rurayaq santukunata qarayänampaqmi.
^ Hebreu idiömachöqa “homer y mediuta” ninmi. 1 homerqa 220 litrusmi. Rikäri “Masllata musyanapaq” neqchö B14 kaqta.
^ O “gobernaqpa tsurinkuna”.
^ Hebreu idiömachöqa “terafimpis” ninmi.
^ Kënöpis niyanmi: ankupëkunampaqmi; kuyapëkunampaqmi.
