Osëas 5:1-15
-
Efrainpaq y Judäpaq castïgu (1-15)
5 “Wiyayämë sacerdötikuna,+wiyarayämë Israel nunakunay wiyarayämë gobernaqpa palaciunchö kaqkuna.
Qamkunaqa Mizpäpaqmi trampa cuenta kayanki,y Taborpaqmi+ animalkunata tsariyänan* mällanö kayanki.
Tsëmi juzgashqa kayanki.
2 Teyta Diospa contran këkaqkunaqa,* wanutsikuychömi o wañutsikuychömi alli yachaq tikrayashqa,tsëmi llapankunata corregikä.
3 Efraintaqa reqïmi,Israeltaqa imëpis rikëkämi.
Efrainqa qellëpaqrëkur jukwan jukwan oqllanakuymanmi ishkishqa,y Israelpis manam rikënïpaq limpiutsu këkan.+
4 Mana alli portakuyanqanmi noqaman kutiyämunampaq yanapantsu.
Pëkunaqa qellëpaqrëkur jukwan jukwan oqllanakuytam löcuyëpa munayan,+y manam Diosninkunatanötsu noqa Jehoväta rikäyäman.
5 Orgullösu kanqanmi Israel mana alli kanqantaqa rikätsikun.+
Israelpis y Efrainpis mana allichömi ushayashqa,tsënöllam Judäpis mana allichö ushashqa.+
6 Noqa Jehoväpaq rupatsiyämunampaqmi pëkunaqa üshankunata y wäkankunata apayämurqan,peru manam tariyämarqantsu.
Noqaqa pëkunatam dejashqa karqä.+
7 Juk nacion warmikunachö tsurikunayoq kashqa karmi,noqa Jehoväta traicionayämarqunki.+
Tsëmi juk killallachö qamkunapis y chakrëkikunapis* ushakäyanki.
8 ¡Guibeä markachö waqrata tocayë,+ y Ramä sitiuchö trompëtata tocayë!+
¡Bet-Även+ markachö guërraman ëwaqnö qayëkachäyë! ¡Soldädukunata pushë Benjamin!
9 Efrain, castigashqa kanqëki junaq ima pasashunqëkita rikarmi, nunakuna alläpa mantsakäyanqa.+
Ima pasashunëkipaq kaqtaqa, Israelpa llapan kastankunachömi willakurqö.
10 Judächö gobernadorkunaqa,* lindërukunata kuyutseqkunanömi kayan.+
Cölerar castiganqäqa mëtsika yaku tsaparkoqnömi kanqa.
11 Chikeqninkuna yanapayänanta ashinqanrëkurmi,Efrainqa llakipëpaq* këkan, y allichömi ushakätsiyanqa.+
12 Tsëmi Efrainpaqqa puyu* cuenta karqö,y Judächö nunakunapaqmi imatapis ismutseqnö karqö.
13 Efrainqa qeshyëkanqantam cuentata qokurqan, y Judäpis qeriyoq këkanqantam musyaskirqan.
Tsëmi Efrainqa Asiriaman ëwarqan,+ y puëdeq gobernaqmanmi willakoqkunata mandarqan.
Peru gobernaqqa manam alliyätsita puëdirqantsu,y manam qerinkunata jampita puëdirqantsu.
14 Efrainpa contranmi mallwa leonnö kashaq,y Judächö nunakunapaqnam poqu leonnö kashaq.
Pëkunata kikï ushakäratsirmi ëwakushaq,+y apakuptïqa manam ni pï salvanqatsu.+
15 Jutsata* rurayanqëkipita sufriyanqëkiyaqmi, kawanqä sitiuta kutikushaq,y qamkunaqa rikënïchömi alli këta munayanki.+
Llakishqa karmi yanapanäta munar ashiyämanki”.+
Nötakuna
^ Kënöpis niyanmi: achkuyänan.
^ O “mana cäsukoqkunaqa”.
^ O “imëkëkikunapis”.
^ O “gobernaqpa tsurinkunaqa”.
^ Kënöpis niyanmi: ankupëpaq; kuyapëpaq.
^ Kënöpis niyanmi: pulilla.
^ Kënöpis niyanmi: Pecäduta.
