Osëas 6:1-11
6 “Aku Teyta Jehoväman kutishun.
Pëqa imëkata ruramarnintsikpis+ alliyätsimäshunmi;maqamarnintsikpis herïdantsikkunatam watamunqa.
2 Ishkë junaqtam yapë kawatsimäshun.
Kima kaq junaqmi sharkatsimäshun,y pëpa rikëninchömi kawashun.
3 Teyta Jehovätam reqishun, y pëta mas reqinapaqmi kallpachakushun.
Pëqa patsa waraqnömi chämunqa,y fuerti tamyanömi noqantsikman chämunqa,qepa tamyanömi entëru patsata oqunqa”.
4 “¿Imataraq qamwan rurashaq Efrain?
¿Imataraq qamwan rurashaq Judä?
Qampa kuyakuynikiqa, patsa warë pukutënöy shullyanömi* juklla ushakärin.
5 Tsëmi willakoqnïkuna+ willakuyanqanwan ushakätsiyashqëki;y parlanqäkunawanmi qamkunata wanutsiyashqëki o wañutsiyashqëki.+
Qampa contrëki willakuykunaqa, aktsinömi cläru kanqa.+
6 Manam qarëkunata apayämunqëkitsu noqataqa kushitsiman, sinöqa alläpa kuyakoq* kayanqëkim.
Qarëkunata rupatsiyämunqëkipitaqa, noqata reqiyämanqëkim masqa kushitsiman.+
7 Qamkunaqa jutsa* ruraq karmi, qamkunawan ruranqä acuerduta cumpliyarqunkitsu.+
Tsënö rurarmi kawayanqëki markakunachö traicionayämarqunki.
8 Galaad markachö nunakunaqa imëka mana allikunatam rurayan,+y mëtsëchöpis yawarllanam kakun.+
9 Sacerdötikunaqa, pitapis shuyaraq grüpuypa pureq ladronkunanömi kayan.
Rurayanqankuna penqakuypaq kaptinmi,Siquempa+ amänun nänichö nunakunata wanutsiyan.
10 Israel nunakuna, alläpa melanëpaq portakuyanqëkitam rikarqö.
Efrainqa markanchömi qellëpaqrëku jukwan jukwan kakun,*+y Israelqa rikënïchö manam limpiunatsu.+
11 Judä nunakuna, qamkunapaqmi tiemputa dispunirqö, y cosëcha tiempuchönömi juntashqa kayanki.
Mëtsëman apayäshunqëkipitam, markëkikunaman kutitsiyämushqëki”.+
Nötakuna
^ Kënöpis niyanmi: shullanömi; shushalnömi; shushanömi.
^ O “llakipäkoq”.
^ Kënöpis niyanmi: pecädu.
^ O “oqllanakun”.
