Osëas 7:1-16
7 Israelta alliyätsita munaptïmi,Efrain+ mana allikunata ruranqany Samaria+ nunakuna mana alli portakuyanqan musyakärin.
Pëkunaqa imëpis engañanakurmi këkäyan;+ladronkunam wayikunaman yëkuyan, y grupuypa pureq ladronkunam nunakunata cällikunachö suwapäyan.+
2 Llapan mana alli rurëninkunataqa yarpëkäshaqllam,+ peru pëkunaqa manam tsëta ichikllapis pensayantsu.
Mana alli rurëninkunaqa mëtsëchömi kany llapampis rikënïchömi këkan.
3 Mana allikunata rurarmi gobernaqta kushitsiyan,y engañanakurmi gobernadorkunata* kushitsiyan.
4 Pëkunaqa mana majankunawanmi oqllanakuyan,y tanta ruraq nuna achachätsinqan hornunömi këkäyan.
Tantata ruraq nunaqa, masata rurar qallanqampita masa poqunqanyaqmi hornuta wëkannatsu.
5 Gobernaq fiestata ruranqan junaqmi gobernadorkunaqa qeshyaskiyarqan.
Vïnuta upushqa karmi alläpa cölerashqa këkäyan.+
Gobernaqqa burlakoqkunawanmi amïgu tikrashqa.
6 Shonqunkunaqa hornunöran rawrëkan o lunyëkan.
Tanta ruraqqa entëru paqasmi punun,y patsa warëqa hornu achachëkanmi.
7 Pëkunaqa hornunömi rawrëkäyan o lunyëkäyan,y gobernaqninkunatam* ushakätsiyan.
Llapan gobernaqninkunapis mana allichömi ushayashqa,+peru manam mëqampis yanapëkunäpaq mañakayämuntsu.+
8 Efrainqa juk nacionkunawanmi juntakushqa.+
Efrainqa juk kaq lädullapa chashqa tantanömi.
9 Juk nacion nunakunam puëdeq këninta ushakätsiyashqa,+ peru manam musyantsu.
Soqu aqtsanmi yuraq tikrashqa, peru manam cuentata qokuntsu.
10 Orgullösu kanqanmi Israel mana alli këkanqantaqa rikätsikun.+
Tsënö kaptimpis, manam pëkunaqa noqa Jehovä Diosninkunaman kutiyämushqatsu,+y imëkapa pasarpis manam ashiyämashqatsu.
11 Efrainqa juiciunnaq y upa palumanömi.+
Pëkunaqa Egiptutam yanapanampaq mañakuyashqa,+ y yanapakuyta ashirmi Asiriaman ëwayashqa.+
12 Mëta ëwayaptimpis mälläwanmi tsarishaq.*
Pishqutanömi patsaman ishkitsimushaq.
Pëkunata* ninqänömi corregishaq.+
13 ¡Allaw noqapita qeshpir ëwakoqkuna!
¡Rikënïchö jutsata* rurashqa karmi ushakäyanqa!
Salvanäpaq këkaptïmi, pëkunaqa noqapaq mana allita parlayashqa.+
14 Cämankunachö llakikur këkarpis,manam llapan shonqunkunawantsu noqaman mañakayämurqan.+
Gränuta y vïnuta mañakurmi qarankunata roqukuyan.
Noqapa conträmi këkäyan.
15 Yachëkätsiptï y kallpayoqta tikrëkätsiptïpis,mana allikunata rurarmi conträ këkäyan.
16 Kawëninkunata cambiarpis, manam allipaqtsu cambiayashqa.*
Pëkunaqa mana alli watashqa flechakunanömi confiakuypaqtsu kayan.+
Mana respetakur parlayanqampitam gobernadorkunataqa espädawan wanutsiyanqa o wañutsiyanqa.
Tsëmi Egiptuchö penqakuypaq ushayanqa.+
Nötakuna
^ O “gobernaqpa tsurinkunata”.
^ O “juezninkunatam”.
^ Kënöpis niyanmi: achkushaq.
^ Hebreu idiömachöqa “Sirweqninkunata” ninmi.
^ Kënöpis niyanmi: pecäduta.
^ Tsënö nirqa, Teyta Diosta mana adorayanqampaqmi parlëkan.
