Osëas 8:1-14
8 “¡Waqrata toquë!+
Pëkunawan ruranqä acuerduta pëkunaqa manam cumpliyashqatsu+ y manam leynïkunata cäsukuyashqatsu,+tsëmi noqa Jehoväta sirwimaqkunata ushakätsiyänampaq pichaknöraq* chikeqninkuna shamuykäyan.+
2 Qayëkacharmi kënö niyäman: ‘¡Teyta Dioslläkuna! ¡Noqa israelïtakunaqa allim qamta reqiyaq!’+
3 Israelïtakunaqa alli kaqtam despreciayashqa.+
Chikeqninkuna venciyätsun.
4 Mana imatapis nimarmi gobernaqninkuna churayashqa.
Mana tapumarmi gobernadorkunata churayashqa.
Kikinkuna ushakäyänanllapaqmi+plätankunawan y örunkunawan santukunata rurayashqa.+
5 Samaria nunakuna,+ adorayanqëki mallwa törukunapa contranmi këkä.
Qamkunawanqa alläpa cölerashqam këkä.+
¿Imëyaqraq rikënïpaq limpiutsu kayanki?*
6 Tsë mallwa törutaqa israelïtakunam rurayarqan.
Tsë rurayanqanqa manam Teyta Diostsu, rurëta yachaq nunallam rurashqa.
Samaria nunakuna rurayanqan mallwa töruqa ushakanqam.
7 Pëkunaqa vientuta muroqnömi mana allikunata rurëkäyan,y fuerti vientuta cosechaqnömi mana allichö ushayanqa.+
Manam mëqan espïgapis poqu trïguta wayuntsu,+jeqamunqantaqa manam cosechëta puëdiyanqatsu.
Ichiklla wayunqantapis juk nacion nunakunam* mikukurkuyanqa.+
8 Israel nunakunaqa ushakäyanqam,+mana pï munanqan väsunömijuk nacion nunakunachö kayanqa.+
9 Pëkunaqa japallan pureq chukaru ashnunömi Asiriaman+ ëwayashqa.
Efrainqa wënankuna kayänampaqmi warmikunata pagashqa.+
10 Juk nacion warmikunata wënankuna kayänampaq pagayaptimpis,kananqa llapankunatam juntashaq.
Gobernaq y gobernadorkuna imëkachö trabajatsiyaptinmi alläpa sufriyanqa.+
11 Efrainqa jutsata* ruranampaqmi imëpis altarkunata rurëkan.+
Tsë rurayanqan altarkunachömi imëpis jutsata rurayan.+
12 Pëpaqmi mëtsika leykunata* qellqatsirqä,peru pëqa mana kaqpaqmi churashqa.+
13 Qarëkunatam apayämun y tsëkunapa ëtsantam mikuyan,peru tsë qarëkunaqa manam noqa Jehoväta ni ichikllapis kushitsimantsu.+
Kananqa mana allikunata rurayanqantam yarpäshaq, y jutsata* rurayanqampitam castigashaq.+
Pëkunaqa yanapanampaqmi Egiptuta mañakuyashqa.+
14 Israelïtakunaqa Kamaqnin Teyta Diosta qonqëkurmi+ templukunata rurayashqa.+
Judä nunakunanam mëtsika markakunapaq murällakunata rurayashqa.+
Tsë markakunapa törrinkunata ushakätsinäpaqmitsë markakunaman ninata mandamushaq”.+
Nötakuna
^ Kënöpis niyanmi: ankanöraq; pichakanöraq.
^ O “culpayoq kayanki”.
^ O “mana reqiyanqan nunakunam”.
^ Kënöpis niyanmi: pecäduta.
^ O “mandakuykunata”.
^ Kënöpis niyanmi: pecäduta.
