Sofonïas 3:1-20
3 ¡Allaw Teyta Diospa rikënimpaq mana limpiu, mana cäsukoq y wakinkunata mana alli trataq nunakuna!+
2 Pëkunaqa manam pitapis cäsuyashqatsu+ ni corregiyanqanta chaskikuyashqatsu.+
Manam Teyta Jehoväman confiakuyashqatsu+ ni Teyta Diosta ashiyashqatsu.+
3 Dirigeqninkunaqa waqar pureq leonkunanömi kayan.+
Juezninkunapis paqaspa pureq löbukunanömi kayan,waränimpaqqa manam ni juk tullullatapis dejayantsu.
4 Willakoqninkunapis allish tukoq y traicionërum kayan.+
Sacerdötinkunapis limpiu kaqtam mana limpiuta tikratsiyan.+
Pëkunaqa manam leykunata cäsukuyantsu.+
5 Teyta Jehoväqa manam tsë markachö ima mana allitapis rurantsu,+pëqa imëpis alli kaqllatam ruran.
Cada junaq patsa waranqannömi pëqa leyninkunata imëpis musyatsimantsik,+tsënö kaptimpis, mana allita ruraqkunaqa manam ichikllapis penqakuyantsu.+
6 “Atska nacionkunatam ushakätsirqö, y esquïnachö törrinkunallanam quedashqa.
Ni pï mana purinampaqmi cällinkunatapis ushakätsirqö.
Markankunapis pasëpam* ushakashqa, y manam ni pï tsëchö kawannatsu.+
7 Mana allikunata rurayanqampita castigarmarkankunata mana ushakätsinäpaqmi,+‘respetayämanqam y correginqätam chaskikuyanqa’ nir pensarqä.+
Peru pëkunaqa mas peor-ran mana allikunata rurayarqan.+
8 Tsëmi noqa Jehovä nï:
‘Nunakunata ushakätsir imëkankunata apakunqäyaq pacienciawan shuyëkayämë.*+
Pëkunata juzganäpaq y alläpa cölerashqa këkanqäta rikätsinäpaqminoqaqa nacionkunata y markakunata juntashaq.+
Cöleräqa ninanömi entëru patsata ushakätsinqa.+
9 Tsëpitanam llapan nunakuna noqa Jehoväpa jutïta alabayänampaqy llapankuna juntu adorayämänampaq*juk limpiu idiömata parlayänampaq yachatsishaq’.+
10 Mëtsëman apashqa kayanqampita yanapëkunäpaq rogakamaq sirwimaqnïkunamEtiopïa mayukuna* kinrëpita noqapaq qarëta apayämunqa.+
11 Imëkata rurar conträ kayanqëkipitaqamanam tsë junaq penqakatsishqanatsu kayanki.+
Tsë junaqqa qamkunachö allish tukoqkunatam pasëpa* ushakätsishaq,y manam qamkunapis akranqä sagrädu jirkachö allish tukuyankinatsu.+
12 Qamkunachöqa humildi y manshu nunakunallanam quedayanqa.+
Pëkunaqa noqa Jehovämanmi yanapëkunäpaq rogakayämunqa.
13 Israelïtakunapita quedaqkunaqa+ manam mana allikunata rurayanqanatsu.+
Pëkunaqa manam ulikuyanqatsu o llullakuyanqatsu, y manam parlakuyninkunawan pitapis engañayanqatsu.
Mikuyanqam y punuyanqam, manam ni pï mantsakätsinqatsu”.+
14 ¡Sionpita nunakuna kushikur büllayë!
¡Israelïta nunakuna alläpa kushikuyë!+
¡Jerusalenpita nunakuna llapan shonquykikunawan kushikuyë!+
15 Teyta Jehoväqa castigashqa kar sufriyanqëkipitam salvayäshurqunki.+
Chikishoqnikikunataqa karumanmi qarqushqa.+
Israelta Gobernaq Teyta Jehovämi qamkunawan këkan.+
Mana allikuna pasashunëkitaqa manam imëpis mantsayankinatsu.+
16 Tsë junaqqa Jerusalenchö nunakunatam kënö niyanqa:
“Sionchö nunakuna ama mantsakäyëtsu+y ama qelanäyëtsu.*
17 Noqa Jehovä Diosnikikunam qamkunawan këkä.+
Noqaqa puëdeq karmi salvayashqëki.
Qamkunarëkurmi alläpa kushikushaq.+
Qamkunata kuyarmi tranquïlu sientikushaq.*
Qamkunarëkurmi alläpa kushikur büllashaq.
18 Fiestäkunaman ëwëta mana puëdir llakishqa këkaqkunatam juntashaq.+
Juk nacionman apayaptinmi nunakunaqa pëkunapita burlakuyarqan.+
19 Tsë tiempuqa sufritsiyäshoqnikikunatam castigashaq,+rikënïpaq cöjunö këkaqkunatam salvashaq,+y mëtsëman apashqa kaqkunatam juntashaq.+
Penqakatsishqa kayanqan markakunachömialabashqa y reqishqa kayänanta permitishaq.
20 Tsë tiempuchöqa mëtsëpitam kutitsiyämushqëki,y llapëkitam juntayashqëki.
Juk nacionman apashqa kayanqëkipita qamkunata kutitsimunqätam rikäyanki, y llapan markakunachö reqishqa y alabashqa kayänëkitam permitishaq”.+
Tsënö kanampaq kaqtam kikï Jehovä nikä.+
Nötakuna
^ Kënöpis niyanmi: jankatmi.
^ O “alkäbu shuyëkäyämë”.
^ O “hombru hombru sirwiyämänampaq”.
^ Kënöpis niyanmi: riukuna.
^ Kënöpis niyanmi: jankat.
^ O “makikikuna ishkinanta dejayëtsu”.
^ Hebreu idiömachöqa “upälla quedakushaq” ninmi.
