Zacarïas 11:1-17
11 “Cedru plantëkikunata nina ushakätsinampaqpunkuykikunata kichë Lïbanu.
2 ¡Cedru planta ishkishqa kaptin enebru planta llakikuy.
Jatusaq montikunatam o qerukunatam ushakätsiyashqa!
¡Mëtsika montikuna ushakashqa kaptin,Basanchö robli plantakuna llakikuyë!
3 ¡Wiyayë! Qewa ushakashqa kaptinmimitsikoqkunaqa waqar këkäyan.
¡Wiyayë! Jordan mayu* kinrëchö mëtsika plantakuna ushakashqa kaptinmimallwa leonkuna waqar purikäyan.
4 Jehovä Diosnïmi këta nin: ‘Pishtashqa kayänampaq rakishqa üshanö këkaqkunata cuidë.+
5 Pëkunata rantïkur wanutseqkunaqa o wañutseqkunaqa+ manam culpayoqtsu kayan, y rantikoqkunapis,+ “Teyta Jehovä alabashqa katsun, rïcum tikrashaq” niyanmi, y dirigeqninkunaqa manam ichikllapis llakipäyantsu’.*+
6 Teyta Jehoväqa kënömi nin: ‘Kë nacionchö nunakunataqa manam llakipäshaqnatsu.* Tsëmi nuna mayinkuna y gobernaqninkuna ushakätsiyänanta permitishaq, manam salvashaqtsu. Pëkunaqa entëru naciontam ushakätsiyanqa’”.
7 Tsënö nimaptinmi, pishtashqa kayänampaq rakishqa üshanö këkaqkunata cuidar qallëkurqä.+ Tsëtaqa rurarqä llakishqa këkäyaptiki qamkunata yanapëta munarmi. Tsëmi qamkunata cuidanäpaq* ishkë tukrükunata aptarqä. Juknintam Yachanëpaq nir jutin churarqä, juknintanam Juknölla Kë+ nir jutin churarqä.
8 Pëkunawan pacienciä ushakäriptinmi juk killallachö kima dirigeqkunata cargunkunapita qarqurqä, y pëkunapis alläpam melanäyämarqan.
9 Tsëmi nirqä: “Mananam pëkunata cuidashaqnatsu. Wanuykaq o wañuykaq nunakunaqa wanukuyätsun, ushakäyänampaqna këkaqkunaqa ushakäyätsun y quedaq kaqkunaqa kikinkunapura ushakätsinakuyätsun”.
10 Tsëpitanam Yachanëpaq+ jutiyoq tukrüta pakir ushakätsir mëtsë markapita nunakunawan ruranqä acuerdutapis ushakätsirqä.
11 Tsë junaq tsë acuerdu ushakäriptinmi, rikëkämaq llakishqa këkaqkunaqa, Teyta Jehovä tsëkunata willakuykanqanta musyayarqan.
12 Tsënam pëkunata nirqä: “Qamkunapaq allinö kaptinqa trabäjüpita paguëkayämë, sinöqa pägüta quedatsikuyë”. Tsënam pëkunaqa treinta yuraq pläta qellëta pagayämarqan.*+
13 Tsëpitanam Teyta Jehoväqa nimarqan: “Väleq cösaskunata churayänan sitiuman churëkuy. Pëkunaqa tsëlla välinqätam pensayan”.+ Tsëmi tsë treinta yuraq pläta qellëta Teyta Jehoväpa väleq cösasninkunata churayänan sitiuman churëkurqä.+
14 Tsëpitanam Juknölla Kë+ jutiyoq tukrüta pakir ushakätsir Judäpita y Israelpita nunakuna juknölla kayanqanta ushakätsirqä.+
15 Tsëpitanam Teyta Jehoväqa nimarqan: “Imapaqpis mana väleq dirigeqpa cösasninkunata utilicë.+
16 Kë nacionchö juk dirigeq kanantam permitishaq. Pëqa wanuykaq o wañuykaq nunakunata manam cuidanqatsu,+ llullu kaqkunata manam ashinqatsu ni herïdankunata jampinqatsu,+ y alliraq këkaqkunata manam pachan qaranqatsu.+ Tsëpa rantinqa, wira wiraraq* këkaqkunatam mana alli tratanqa* y ushakätsinqa.+
17 ¡Allaw, nuna mayinkunata dejareq+ imapaqpis mana väleq dirigeq!+
Rikranta espäda roquskiptinmi rikranqa tsakinqa,y derëcha kaq nawinta espäda tuksïkuptinmitsë kaq nawinqa rikanqanatsu”.
Nötakuna
^ Kënöpis niyanmi: riu.
^ Kënöpis niyanmi: ankupäyantsu; kuyapäyantsu.
^ Kënöpis niyanmi: ankupäshaqnatsu; kuyapäshaqnatsu.
^ Kënöpis niyanmi: cuidayänaqpaq.
^ Hebreu idiömachöqa “pesapayämarqan” ninmi.
^ Kënöpis niyanmi: wera weraraq.
^ Hebreu idiömachöqa “shillunkunatam jipinqa” ninmi.
