Deuteronomiu 33:1-29
33 Manaraq wanukurmi o wañukurmi Dios Yayapa sirweqnin Moisesqa israelïtakunata bendicir+
2 kënö nirqan:
“Teyta Jehoväqa Sinaï jirkapitam shamurqan,+y Seirpitam pëkunaman aktsimurqan.
Puëdeq këninqa Paranchö jirkakunapitam aktsimurqan,+pëwanmi mëtsika* angelninkuna këkäyarqan,+y derëcha kaq lädunchömi soldädunkuna këkäyarqan.+
3 Teyta Diosqa sirweqninkunata alläpam kuyarqan.+
Rikënimpaq limpiu kaqkunaqa makinchömi këkäyan.+
Pëkunaqa chakiki kaqchömi këkäyarqan,+y parlanqëkitam wiyayarqan.+
4 (Moisesqa Diospa leyninkunatamJacobpa kastankunata herenciatanö entregamarquntsik).+
5 Israelchö dirigeqkuna,y Israelchö llapan kastakuna+ juntakäyanqan kutim,+Diosqa Jesurunpa* gobernaqnin tikrarqan”.+
6 Rubenpa kastankunapaqmi Moisesqa nirqan:
“Rubenpa kastankuna ama imëpis ushakäyätsuntsu,+ni wallkaq tikrayätsuntsu”.+
7 Judäpa kastankunapaqnam kë bendicionta nirqan:+
“Teyta Jehovä, Judäpa kastankuna mañakuyäshunqëkita wiyëkullë,+y mëtsëchö këkäyaptimpis markankunaman kutïkatsillë.
Pëkunaqa kikinkunapa kaqtam defendiyashqa.
Chikeqninkunata venciyänampaq yanapëkullë”.+
8 Levïpa kastankunapaqnam nirqan:+
“Teyta Dios, qamqa Masä sitiuchömi+ Levïpa kastankunata pruëbaman churarqëki.
Y mana dejashoqniki kaqtam+ Tumimnikita y Urimnikita entregarqëki.+
Meribä sitiuchö+ yaku yarqamunqampitam pëpa contran churakarqëki.
9 Pëkunaqa manam papäninkunata ni mamäninkunatatsu puntaman churayarqan,manam wawqinkunaman qaqäyarqantsu,+y manam tsurinkunata cäsuyarqantsu.
Pëkunaqa ninqëkikunata cäsukurmipëkunawan ruranqëki acuerduta cumpliyarqan.+
10 Jacobpa kastankunata ninqëkikunata yachatsiyätsun,+y israelïta mayinkunata Leyta musyatsiyätsun.+
Qampaq shumaq pukutaq o mushkoq inciensuta rupatsiyämutsun,+y altarnikichö qampaq qarëkunata rupatsiyämutsun.+
11 Teyta Jehovä, kallpayoq kayänampaq yanapëkullë,y qampaq rurayämunqanta kushishqa chaskïkullë.
Pëkunawan pelyaq mana ëwayänampaq,contran sharkoqkunapa tseqllankunata* pakiratsi”.
12 Benjaminpa kastankunapaqnam nirqan:+
“Teyta Jehovä, Benjaminpa kastankunataqa alläpam kuyanki,següru kawakuyänampaq imëpis entëru junaq cuidëkullë.
Pëkunaqa imëpis hombruykichömi kayanqa”.
13 Josëpa kastankunapaqnam nirqan:+
“Teyta Jehovä, ciëluchö imëka allikunawan,shullyawan,* y patsa rurimpita pashtamoq yakuwan,pëkunapa chakrankunata bendicïkullë.+
14 Intiwan o rupaywan mikuyninkunata poquykatsillë,y cada killa cosëchankuna këkullätsun.+
15 Unë jirkakunachö*+ y mana ushakaq pampakunachömas allin kaqkunawan bendicïkullë.
16 Patsachö imëka allikunawan bendicïkullë.+
Kasha rurinchö yuripukoq Teyta Dios, qampa rikënikichö imëpis alli këkuyätsun.+
Tsë llapanwan Josëpa kastankunata bendicïkullë.
Pëqa wawqinkunapitam akrashqa karqan.+
17 Pëkunaqa punta yureq törunömi alli kallpayoq kayan,y waqrankunaqa chukaru törupa waqrankunanömi.
Tsëwanmi patsapa kuchunkunayaq llapankunata qarquyanqa.
Pëkunaqa kayan diez mil diez mil rakishqa Efrain kastapa soldädunkunam,+y mil mil rakishqa Manases kastapa soldädunkunam”.
18 Zabulonpa y Isacarpa kastankunapaqnam nirqan:+
“Mëta ëwarpis Zabulonpa kastankunaqa kushishqa kayätsun,y Isacarpa kastankunana carpankunachö* kushishqa kayätsun.+
19 Pëkunaqa lamarpitam imëka allikunata jipiyämunqa,y lamar kuchunchömi imëka allikunata tariyanqa.
Tsëmi jirkaman witsäyänampaq wakinkunata qayatsiyanqa,y tsëchömi alli kaqta rurarnin qarëkunata rupatsiyanqa”.
20 Gadpa kastankunapaqnam nirqan:+
“Gadpa markankunata mas jatunyätseqqa, bendicishqam kanqa.+
Pëkunaqa leonnömi imatapis watqarëkäyan,rikrankunata y peqankunata o umankunata jipiyänampaqmi listu këkäyan.
21 Leyta churaq cada ünuta chakrankuna entregashqa kaptinmi,+pëkunaqa puntata chakrankuna akrayanqa.+
Dirigeqkunam juntakäyanqa.
Pëkunaqa Teyta Jehoväpa jutinchömi alli kaqta rurayanqa,y israelïtakunapaq mandanqantam cumplitsiyanqa”.
22 Danpa kastankunapaqnam nirqan:+
“Danpa kastankunaqa llullu leonnömi kayan.+
Basanpitam saltayämunqa”.+
23 Neftalïpa kastankunapaqnam nirqan:+
“Neftalïpa kastankunaqa, Diospa rikëninchö alli këkäyanqampitam kushishqa këkäyan,y mëtsika bendicionkunatam Teyta Jehoväpita chaskiyashqa.
Inti o rupay yarqamunan läduchö y sur läduchö chakrakunapam duëñun kanqa”.
24 Aserpa kastankunapaqnam nirqan:+
“Aserpa kastankunaqa atska wamrakunawanmi bendicishqa kashqa.
Llapan wawqinkunapis alli rikäyätsun,y chakinkunatapis aceitichö oqütsitsun.
25 Punku trancakuyänampis fiërrupita y cobripitam kanqa,+y imëpis yamëmi kawakuyanqa.
26 Jesurunpa+ Dios Yayannöqa manam pï kantsu.+
Pëqa ciëlupitam yanapashoqniki shamunqa,y alläpa puëdeq karmi pukutë rurinchö shamunqa.+
27 Unëpitam Teyta Diosqa imëkapita tsapäyäshunki,+y rikrankunachömi imëpis katsiyäshunki.+
Chikishoqnikikunata venciyänëkipaq yanapayäshurnikim,+‘¡llapanta ushakätsiyë!’+ niyäshunki.
28 Israelïtakunaqa segürum kawakuyanqa.
Ciëlupita shullya* shikwamuptinmi+Jacobpa kastankuna kawayanqan markakunachöqa,gränukuna y vïnupis kanqa.+
29 ¡Kushikuyë Israel nunakuna!+
Qamkunataqa+ Teyta Jehovämiimëka escüdunö,+y espäda cuenta,imëkapita salvayäshunki.+
Chikishoqnikikunapis mantsayäshurnikim puntëkikunaman qonqurikayämunqa,+y waqtankunapitam jaruyanki”.
Nötakuna
^ O “10.000, 10.000 rakishqa”.
^ Jesurunqa “alli kaqta ruraq nuna” ninanmi. Tsënö nirqa, israelïtakunapaqmi parlëkan.
^ O “chankankunata”.
^ Kënöpis niyanmi: shullawan; shushalwan; shushawan.
^ O “inti o rupay yarqumunan lädu jirkakunachö”.
^ Kënöpis niyanmi: toldunkunachö.
^ Kënöpis niyanmi: shulla; shushal; shusha.
