Efesius 2:1-22
2 Manam tsëllatsu, mana allikunata rurar y jutsata* rurar wanushqanö këkäyaptikim, Teyta Diosqa kawayänëkipaq yanapayäshurqunki.+
2 Awmi, juk tiempuqa vientuta autoridäninchö katseq gobernaq munanqannömi, kë munduchö+ nunakuna kawayanqannö* kawayarqëki.+ Tsë vientuqa,+ kanan witsan mana cäsukoq nunakuna imanö pensayanqantam controlëkan.
3 Awmi, juk tiempuqa jutsa* ruraq cuerpuntsik munanqanta y pensanqantsikta rurarmi,+ llapantsikpis pëkunanö portakurqantsik,+ y yurikunqantsikpitam wakinkunanölla+ Teyta Dios noqantsikwan cöleranampaq karqantsik.
4 Peru Teyta Diosqa alläpa llakipäkoq*+ karmi, alläpa kuyamarnintsik,+
5 mana allikunata ruranqantsikpita wanushqanö këkashqapis,+ kawanapaq yanapamarnintsik Cristuwan juknölla tikratsimarquntsik. Awmi, alläpa alli kaptinmi qamkunaqa salvakuyarqunki.
6 Manam tsëllatsu, Teyta Diosqa Cristu Jesuswan juknölla kanantsikta permitirmi, kawanapaq yanapamarquntsik, y ciëluchö jamanapaq sitiuta dispunishqa,+
7 tsënöpa shamoq tiempuchö,* noqantsik Cristu Jesuswan juknölla këkaqkunapaq imëka allikunata rurar, alläpa alli kanqanta rikätsikunampaq.
8 Tsënö alläpa alli kaptinmi qamkunaqa markäkoq o yärakoq karnin salvashqa kayarqunki.+ Peru manam qamkuna imatapis rurayanqëkipitatsu, sinöqa Teyta Diospa qarënin kaptinmi.
9 Tsë salvacionqa manam imatapis rurayanqëkipitatsu,+ tsënöpa pï nunapis mana alabakunampaq.
10 Noqantsikqa Teyta Dios ruranqanmi kantsik,* y pë kamamashqantsik kaptinmi,+ Teyta Dios puntallapitana dispuninqan imëka allikunata ruranapaq, Cristu Jesuswan juknölla këkantsik.+
11 Tsëmi, yurikuyanqëkipita juk tiempupa juk nacion nunakuna kayanqëkita yarpäyë, y ishpakuyänampa puntanchö nunakuna señalayanqan kaqkunam, “ishpakuyänampa puntanchö mana señalakushqakuna” nir reqiyäshurqëki.
12 Tsë tiempuqa manam Cristuta reqiyarqëkitsu, Israel nunakunapitam rakikashqa kayarqëki, y Teyta Dios änikur ruranqan acuerdukunapis manam qamkunapaqtsu karqan.+ Mana imatapis shuyarar y Teyta Diosta mana reqirmi kë munduchö kawëkäyarqëki.+
13 Peru kananqa, Cristu Jesuspa qateqninkuna karmi, qamkuna juk tiempuchö Teyta Diospita karuchö kaqkuna, Cristupa yawarninrëkur Teyta Diosman witiyarqunki.
14 Cristum noqantsikpaq yamë këta apamushqa.+ Pëmi ishkan grüputa jukllëllaman tikratsishqa,+ y ishkëman rakeq perqatam ushakätsishqa.+
15 Cuerpunwanmi ishkan grüputa chikinakatseq Moises qellqanqan Leychö mandamientukunata y leykunata ushakätsishqa. Tsëpitanam ishkan grüpuchö qateqninkunata mushoq grüpuman tikratsir,+ ishkan grüpuchö kaqkunata amishtatsirqan,
16 y chikinakuyanqanta wanunqanwan o wañunqanwan ushakätsishqa karmi, ishkan grüpupis juk grüpullana*+ kayänampaq, sufrimientu qeruchö* wanunqanrëkur ishkan grüpukunata Teyta Dioswan amishtatsirqan.+
17 Pëqa shamurmi, Diospita karuchö këkaqkunata y amänunchö këkaqkunata, yamë kawakuypaq alli noticiakunata willayäshurqëki.
18 Përëkurmi ishkan grüpuchö kaqkunapis, tsë santu espïritullata chaskishqa karnin Teyta Diosman mañakuyta puëdintsik.
19 Tsëmi qamkunaqa mana reqishqanatsu ni forastërunatsu kayanki,+ sinöqa limpiu nunakunapa marka mayin+ y Teyta Diospa familianmi kayanki,+
20 y cimientu cuenta apostolkuna y Diospa willakoqninkuna+ jananchömi ruminö perqashqa kayarqunki, y Cristu Jesusmi tsë cimientupa esquïnanchö ëwaq maestra rumi.+
21 Cristuwan juknölla karmi,+ tsë alli firmi perqashqa wayiqa, Jehoväpa*+ sagrädu templun tikranampaq perqashqa këkan.
22 Cristuwan juknölla karmi, qamkunapis wayinö kayänëkipaq llapëki juntu perqashqa këkäyanki, tsënöpa santu espïritun tsëchö kaptin, Teyta Dios kawanqan sitiu kayänëkipaq.+
Nötakuna
^ Kënöpis niyanmi: pecäduta.
^ O “imëkapis imanö këkanqannö”. Rikäri “Bibliachö palabrakunata entiendinapaq” neqta.
^ Kënöpis niyanmi: pecädu.
^ Kënöpis niyanmi: ankupäkoq; kuyapäkoq.
^ O “shamoq tiempuchö imëkapis imanö këkanqanchö”. Rikäri “Bibliachö palabrakunata entiendinapaq” neqta.
^ O “Teyta Diospa trabäjunmi kantsik”.
^ Rikäri “Bibliachö palabrakunata entiendinapaq” neqta.
^ O “cuerpullana”.
