Exodu 26:1-37
26 Carpa* wayitaqa+ chunka bayëtakunawanmi rurayänëki. Tsë bayëtakunataqa lïnupita rurashqa alli kaq hïluwan, azul hïluwan, millwapita granäti hïluwan y puka hïluwanmi awayänëki. Y tsë bayëtakuna jananchömi querubinkunata+ bordayänëki.+
2 Cada bayëtapa largunqa döci metrusnömi* kanan, y anchunnam ishkë metrunö* kanan. Llapan bayëtapis tsë medïdallam kayänan.+
3 Pitsqa bayëtatam jukllëlla kanampaq piëzayänëki. Tsënöllam wakin pitsqa bayëtatapis piëzayänëki.
4 Y piëzayanqëki bayëtakunapa ushananchömi azul hïlupita rinrinkuna rurayänëki. Tsënöllam wakin piëzayanqëki bayëtakunapa ushananchöpis rinrinkuna rurayänëki, tsëkunapita ishkan jatun bayëtata juntayänëkipaq.
5 Tsë piëzayanqëki jatun bayëtapa ushananchömi cincuenta rinrinkuna rurayänëki. Tsënöllam wakin piëzayanqëki jatun bayëtapa ushananchöpis cincuenta rinrinkuna rurayänëki. Tsë ishkan jatun bayëtata juntayänëkipaqmi, tsë rinrinkunata frenti frenti churayänëki.
6 Y tsë ishkan jatun bayëtata juntayänëkipaqmi örupita cincuenta ganchukunata rurayänëki. Tsënöpam tsë carpa* wayita tsapäyänëkipaq bayëtaqa jukllëlla kanqa.+
7 Tsënöllam carpa* wayita tsapayänëkipaq cabrapa millwampita+ onci bayëtakunata awayänëki.+
8 Cada bayëtapa largunqa trëci metrusnömi kanan, y anchunnam ishkë metrunö* kanan. Y tsë oncin bayëtapis tsë medïdallam kayänan.
9 Pitsqa bayëtatam jukllëlla kanampaq piëzayänëki, y tsënöllam wakin joqta bayëtatapis jukllëlla kanampaq piëzayänëki. Y carpa* wayipa yëkunanchö ëwaq joqta kaq bayëtapa pasaraqnintam doblayänëki.
10 Tsëpitanam piëzayanqëki bayëtakunapa ushananchö cincuenta rinrinkuna rurayänëki, y tsënöllam piëzayanqëki juknin kaq bayëtakunapa ushananchöpis cincuenta rinrinkuna rurayänëki, tsëkunapita ishkan jatun bayëtata juntayänëkipaq.
11 Y ishkan jatun bayëtata rinrinkunapita juntayänëkipaqmi cobripita cincuenta ganchukunata rurayänëki, tsënöpa ishkan bayëtakuna jukllëlla kanampaq.
12 Piëzayanqëki joqta bayëtapa pullanninqa carpa* wayipa qepampam pasaränan, y tsënö pasarëkaqtam dejayänëki.
13 Carpa* wayita tsapanampaqmi kë waqtampa y washa waqtampa cuarenta y cincu centïmetrusnö* pasarëkaq bayëtata dejayänëki, tsënöpa entëru carpa wayi shumaq tsaparänampaq.
14 Tsënöllam carpa* wayita tsapayänëkipaq pukawan tiñishqa üshapa qaratsankunata piëzayänëki. Y tsë jananman churayänëkipaqmi föcapa* qaratsankunata piëzayänëki.+
15 Carpa* wayipaq jawiyänëkipaqmi* acacia qerupita marcukunata rurayänëki.+
16 Y cada marcupa largunqa chusku metrunömi* kanan, y anchunnam sesenta y siëti centïmetrusnö.*
17 Tsë marcukunapa chakinta jawiyänëkipaqmi* täcukunata rurayänëki, y cada marcupa chakinkunapaqmi ishkë täcuta churayänëki. Tsënömi rurayänëki carpa* wayichö ëwaq wakin marcukunata jawiyänëkipaqpis.
18 Y carpa* wayipa izquierda* lädunchömi veinti marcuta jawiyänëki.
19 Tsë veinti marcukunata jawiyänëkipaqmi,* plätapita cuarenta täcukunata rurayänëki.+ Cada marcupa chakinkunamanmi ishkë täcuta churayänëki, y tsënöllam wakin marcukunapa chakinmampis ishkë täcuta churayänëki.+
20 Carpa* wayipa derëcha* lädunmampis veinti marcukunatam jawiyänëki.
21 Y marcukunata jawiyänëkipaqmi, plätapita cuarenta täcukunata rurayänëki. Cada marcupa chakinkunamanmi ishkë täcuta churayänëki, y tsënöllam wakin marcukunapa chakinmampis ishkë täcuta churayänëki.
22 Carpa* wayipa qepanqa inti o rupay jeqanan lädumampam kanan, y tsë läduman jawiyänëkipaqmi joqta marcukunata rurayänëki.+
23 Tsënöllam carpa* wayipa qepa esquïnankunachö jawiyänëkipaq ishkë marcuta rurayänëki.
24 Tsë marcukunataqa ishkë piëzapitam rurayänëki, y ushananchömi tsë ishkan piëzakunata juntayänëki, y tsë marcupa jananchömi punta kaq argöllata churayänëki. Tsënöllam juknin esquïnachö ëwaq marcuwampis rurayänëki, y tsë ishkan marcukunam carpa* wayipa qepa esquïnankunata tsaranqa.
25 Carpa* wayipa qepanchö ëwaq llapan marcuqa puwaqmi kanan, y tsëkunapaqmi dieciseis täcukuna kanan. Cada marcupa chakinchömi ishkë täcu ëwanan, y tsënöllam wakin marcukunapa chakinchöpis ishkë täcuta churayänëki.
26 Tsënöllam carpa* wayipa juknin kaq lädunchö ëwaq marcukunata tsaränampaqpis, acacia qerupita pitsqa listonkunata rurayänëki.+
27 Tsënöllam carpa* wayipa juknin kaq lädunchö ëwaq marcukunata tsaränampaqpis pitsqa listonkunata rurayänëki. Y inti o rupay yarqamunan läduchö o carpa wayipa qepanchö ëwaq marcunkunata tsaränampaqpis pitsqa listonkunatam rurayänëki.
28 Y marcukunata chowpimpa* tsaränampaqmi juk listonta ullutsiyänëki, y juknin kuchumpita juknin kuchunyaqmi cruzaränan.
29 Llapan marcukunapa jananmanmi öruta laqayänëki,+ y listonta ullutsiyänëkipaqmi argöllakunata churayänëki. Tsënöllam llapan listonkunapa jananmampis öruta laqayänëki.
30 Carpa* wayitaqa jirkachö noqa rikätsinqaqtanöllam rurayänëki.+
31 Azul hïluwan, millwapita granäti hïluwan, puka hïluwan y lïnupita rurashqa alli kaq hïluwanmi cortïnata awayänëki.+ Y tsë cortïna jananchömi querubinkunata bordayänëki.
32 Tsë cortïnata warkuyänëkipaqmi, acacia qerukunapita chusku columnakunata rurayänëki, y tsë columnakunapa jananmanmi öruta laqayänëki. Tsënöllam cortïnata tsaränampaqpis öruta tsulluratsir ganchukunata rurayänëki. Y tsë chuskun columnata jawiyänëkipaqmi,* plätapita chusku täcukunata rurayänëki.
33 Tsë cortïnataqa ganchukunawanmi warkuyänëki. Y tsë cortïnapa qepanmanmi Sagrädu Cäjata churayänëki.+ Y tsë cortïnawanmi Sagrädu Sitiuta,+ Alläpa Sagrädu Sitiupita+ rakiyänëki.
34 Tsëpitanam Sagrädu Cäjapa tsapananta churarkur Alläpa Sagrädu Sitiuman churayänëki.
35 Tsëpitanam cortïnapa puntanman mësata churayänëki, y mësapa frentinmannam candelabruta churayänëki.+ Mësaqa carpa* wayipa derëcha* kaq lädunchömi kanan, y candelabrunam izquierda kaq läduchö.
36 Y carpa* wayipa yëkunanman churayänëkipaqmi, azul hïluwan, millwapita granäti hïluwan, puka hïluwan y lïnupita rurashqa alli kaq hïluwan cortïnata awayänëki.+
37 Y tsë cortïnata warkuyänëkipaqmi, acacia qerupita pitsqa columnata rurëkur jananman öruta laqayänëki. Tsë columnakunata jawiyänëkipaqmi,* cobrita tsulluratsirnin pitsqa täcukunata rurayänëki. Tsënöllam öruta tsulluratsir ganchukunata rurayänëki.
Nötakuna
^ Kënöpis niyanmi: Toldu.
^ Hebreu idiömachöqa “28 cödus” ninmi. Rikäri “Masllata musyanapaq” neqchö B14 kaqta.
^ Hebreu idiömachöqa “4 cödus” ninmi. Rikäri “Masllata musyanapaq” neqchö B14 kaqta.
^ Kënöpis niyanmi: toldu.
^ Kënöpis niyanmi: toldu.
^ Hebreu idiömachöqa “4 cödus” ninmi. Rikäri “Masllata musyanapaq” neqchö B14 kaqta.
^ Kënöpis niyanmi: toldu.
^ Kënöpis niyanmi: toldu.
^ Kënöpis niyanmi: Toldu.
^ Hebreu idiömachöqa “1 cödu” ninmi. Rikäri “Masllata musyanapaq” neqchö B14 kaqta.
^ Kënöpis niyanmi: toldu.
^ Föcaqa yakuchö kawaq animalmi.
^ Kënöpis niyanmi: Toldu.
^ Kënöpis niyanmi: shakutsiyänëkipaqmi.
^ Hebreu idiömachöqa “10 cödus” ninmi. Rikäri “Masllata musyanapaq” neqchö B14 kaqta.
^ Hebreu idiömachöqa “1 cödu pullan” ninanmi. Rikäri “Masllata musyanapaq” neqchö B14 kaqta.
^ Kënöpis niyanmi: shakutsiyänëkipaqmi.
^ Kënöpis niyanmi: toldu.
^ Hebreu idiömachöqa “sur” ninmi.
^ Kënöpis niyanmi: toldu.
^ Kënöpis niyanmi: shakutsiyänëkipaqmi.
^ Kënöpis niyanmi: Toldu.
^ Hebreu idiömachöqa “norti” ninmi.
^ Kënöpis niyanmi: Toldu.
^ Kënöpis niyanmi: toldu.
^ Kënöpis niyanmi: toldu.
^ Kënöpis niyanmi: Toldu.
^ Kënöpis niyanmi: toldu.
^ Kënöpis niyanmi: toldu.
^ Kënöpis niyanmi: pullannimpa.
^ Kënöpis niyanmi: Toldu.
^ Kënöpis niyanmi: shakutsiyänëkipaqmi.
^ Kënöpis niyanmi: toldu.
^ O “sur”.
^ Kënöpis niyanmi: toldu.
^ Kënöpis niyanmi: shakutsiyänëkipaqmi.
